Jɔn 5:3 - Krio Fɔs Oli Baybul

^3-4 Plɛnti sik pipul bin de go ledɔm na di fayv pɔch dɛn. Sɔm pan dɛn sik pipul ya bin blɛn; sɔm nɔ bin ebul waka; ɛn sɔm bin jɛs de wan ples, dɛn nɔ ebul muf ɛni pat pan dɛn bɔdi. [Di sik pipul dɛn bin de wet fɔ mek di wata shek, bikɔs tɛm de we Gɔd we na di Masta in enjɛl kin kam shek di wata. Wɛn di wata de shek, di fɔs pɔsin we go insay di wata kin wɛl, ilɛk uskayn sik i gɛt.]

Jɔn 5:3 Referans Kwoze

Lyuk 7:22

I tɛl Jɔn in lanin bɔy dɛn se, “Una tɔn bak go tɛl Jɔn ɔl wetin unasɛf dɔn si ɛn wetin una dɔn yɛri; dɛn blɛnyay pipul de si, dɛn pipul we nɔ bin ebul waka, de waka, dɛn wan we gɛt bad sik na dɛn skin dɔn wɛl, dɛn dɛf pipul dɔn yɛri, dɛn dayman dɔn gɛt layf bak, ɛn dɛn po pipul dɔn yɛri di Gud Nyuz.

Matyu 15:30

Plɛnti pipul briŋ dɛn pipul we nɔ ebul waka, dɛn wan we blɛn, dɛn wan we dɛn an ɔ fut day, dɛn wan we na mumu, ɛn plɛnti ɔda pipul we sik, ɛn put dɛn bifo Jizɔs. Jizɔs mɛn dɛn ɔl wan bay wan.

Zɛkaraya 11:17

I se da kayn pɔsin de go alaki bikɔs i de lɛf di wan dɛn we i de lid to dɛnsɛf. I se ɔl in pawa go dɔn we i go wa. In an go day ɛn in rayt yay go blɛn.

Lamɛnteshɔn 3:26

I gud lɛ pɔsin peshɛnt wet lɛ PAPA GƆD sev am.

Jems 5:7

Mi kɔmpin Kristiɛn dɛn, una fɔ bia sote di Masta kam. Una mɛmba aw dɛn pipul we de mek fam kin bia wet sote di tɛm rich fɔ pik wetin dɛn bin plant.

Lɛta Fɔ Rom 8:25

Bɔt if wi de abop fɔ tin we wi nɔ si yet, wi go bia wet fɔ am.

Prɔvabs 8:34

I go fayn fɔ udat de lisin to wetin a de se, we de wet na mi domɔt ɔltɛm ɛn de tinap na di rod we a de pas fɔ go na os.

1 Kiŋ 13:4

Wɛn kiŋ Jɛroboam yɛri di prɔfɛt de ala pan di ɔlta na Bɛthɛl, i pɔynt to am ɛn gi ɔda se lɛ dɛn kech am. As i du dat so nain in an day ɛn nɔ gri muf igen

Matyu 4:24

Di nyuz bɔt Jizɔs prɛd ɔlɔbɔt na Siria, dat mek dɛn kɛr ɔl dɛn sik pipul, dɛn wan we dɛn bɔdi de at dɛn ɛn dɛn wan we gɛt dɛbul insay dɛn, dɛn wan we gɛt fiks, ɛn dɛn wan we nɔ ebul waka, kam to am; Jizɔs mɛn dɛn ɔl.

Jɔn 5:2

Wata bin de klos di ples we dɛn kɔl di Ship Get na Jerusɛlɛm. Fayv ples we tan lɛkɛ pɔch bin de rawnd di wata. Di Ju pipul dɛn bin de kɔl di ples Bɛtzata.