Jɔn 5:2 - Krio Fɔs Oli Baybul

² Wata bin de klos di ples we dɛn kɔl di Ship Get na Jerusɛlɛm. Fayv ples we tan lɛkɛ pɔch bin de rawnd di wata. Di Ju pipul dɛn bin de kɔl di ples Bɛtzata.

Jɔn 5:2 Referans Kwoze

Nɛimaya 12:39

oba di Ifrem Get, di Jɛshana Get, di Fish Get, di Ananɛl Tawa ɛn di Tawa ɔf di Ɔndrɛd te rich di Ship Get. We dɛn rich di Sikyɔriti Get nain dɛn tinap.

Nɛimaya 3:1

Ilaɛlashib, di bigman fɔ ɔl di man dɛn we de mek sakrifays fɔ pipul dɛn sin, ɛn di ɔda man dɛn we kin mek sakrifays fɔ pipul sin jɔyn an fɔ wok. Dɛn bil di Ship Get. Dɛn dɛdiket am. Dɛn put di do dɛn usay dɛn fɔ de ɛn dɛdiket am. Dɛn bil ɛn dɛdiket di wɔl te rich Tawa ɔf di Ɔndrɛd ɛn te rich Ananɛl Tawa.

Nɛimaya 3:32

Di ɔda goldsmit dɛn ɛn treda dɛn wok frɔm da kɔna de te rich usay dɛn kɔl Ship Get.

Ayzaya 22:11

Una dig say fɔ gɛda ɛn kip wata bitwin di tu wɔl fɔseka di ol watasay. Bɔt una nɔ bin abop to di wan we du am ɔ gɛt rɛspɛkt fɔ di pɔsin we bin dɔn plan am lɔlɔntɛm.

Apɔsul Dɛn Wok 21:40

Di edman gi Pɔl chans fɔ tɔk. Pɔl tinap na di stɛp, i mek sayn to di pipul dɛn wit in an; wɛn di pipul dɛn dɔn sɛt mɔt, i tɔk to dɛn na Ibru.

Jɔn 20:16

Jizɔs se, “Meri.” Meri tɔn luk Jizɔs ɛn se “Raboni.” (Dat na Ibru wɔd we min “Ticha”.)

Jɔn 19:17

Jizɔs insɛf tot in krɔs nain sholda, sote i rich na wan ples we dɛn kɔl “Di ples we tan lɛkɛ mɔtalman ed”. (Di Ibru pipul dɛn de kɔl da ples de “Gɔlgɔta”.)

Jɔn 19:13

Wɛn Paylet yɛri wetin di pipul dɛn tɔk, i mek Jizɔs kam na do, dɛn i sidɔm na di chia we dɛn kin sidɔm fɔ jɔj pɔsin, na di ples we dɛn kɔl “Ston Platfɔm”. (Dɛn kɔl am “Gabata” na Ibru.)

Ayzaya 22:9

ɛn una bin si se di say dɛn we pwɛl na di wɔl dɛn na Devid in siti, bin plɛnti, ɛn una bin de gɛt wata na di watasay we de dɔŋ say,

Jɔn 19:20

Plɛnti pipul rid am, bikɔs di ples we dɛn nel Jizɔs pan di krɔs bin de klos di tɔŋ, ɛn dɛn bin rayt am na tri laŋwej: Ibru, Latin ɛn Grik.

Jɔn 5:3

Plɛnti sik pipul bin de go ledɔm na di fayv pɔch dɛn. Sɔm pan dɛn sik pipul ya bin blɛn; sɔm nɔ bin ebul waka; ɛn sɔm bin jɛs de wan ples, dɛn nɔ ebul muf ɛni pat pan dɛn bɔdi. [Di sik pipul dɛn bin de wet fɔ mek di wata shek, bikɔs tɛm de we Gɔd we na di Masta in enjɛl kin kam shek di wata. Wɛn di wata de shek, di fɔs pɔsin we go insay di wata kin wɛl, ilɛk uskayn sik i gɛt.]

Jɔn 7:21

Jizɔs ansa dɛn se, “Una bin wɔnda wɛn a du wan wɔndaful wok.

Rɛvɛleshɔn 9:11

Dɛn bin gɛt dɛn edman, dat na da enjɛl we de gyad da ol we nɔ gɛt bɔtɔm. Dɛn Ju pipul de kɔl am Abadɔn, dɛn Grik pipul de kɔl am Apolyɔn (dat min, “Di wan we de kil ɛn pwɛl”.)

Rɛvɛleshɔn 16:16

Dɛn di spirit dɛn we kɔmɔt to Setan gɛda di wan dɛn we de rul na wɔl na da ples we dɛn kɔl “Amagɛdɔn” na Ibru.