Jɔn 4:9 - Krio Fɔs Oli Baybul

⁹ Di Sameria uman aks Jizɔs se, “Yu na Ju ɛn mi na uman we kɔmɔt Sameria. Wetin du yu de aks mi fɔ gi yu wata?” Di uman tɔk dat bikɔs di Ju ɛn di Sameria pipul dɛn nɔ gɛt natin fɔ du wit dɛn kɔmpin.

Jɔn 4:9 Referans Kwoze

Apɔsul Dɛn Wok 10:28

I tɛl di pipul dɛn se, “Unasɛf no se wi Ju Lɔ tɛl wi se wi nɔ fɔ kip kɔmpin wit pipul dɛn we nɔto Ju ɔ miks to dɛnsɛf. Bɔt Gɔd dɔn sho mi se a nɔ fɔ se mi kɔmpin mɔtalman nɔ fit fɔ miks to wi.

Jɔn 8:48

Dɛn aks Jizɔs se, “Yuwant se wi nɔ bin tɔk tru wɛn wi se yu na pɔsin we kɔmɔt Sameria, ɛn dɛbul de insay yu?”

Matyu 10:5

Jizɔs sɛn di twɛlv man dɛn go ɔda say. Bifo dɛn go, i tɛl dɛn se, “Una nɔ go ɛni say na di kɔntri we dɛn pipul we nɔto Ju, de, ɛn una nɔ go na ɛni tɔŋ we na dɛn Sameria pipul dɛn yon.

Apɔsul Dɛn Wok 1:8

Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Sameria ɛn ɔlɔbɔt na wɔl.”

Jɔn 4:27

Wɛn di lanin bɔy dɛn kam bak, dɛn mit Jizɔs ɛn di uman de tɔk. Dɛn wɔnda fɔ si se Jizɔs de tɔk to di uman. Bɔt dɛn nɔn nɔ aks di uman wetin i want mek Jizɔs du fɔ am, ɛn dɛn nɔn nɔ aks Jizɔs wetindu i de tɔk to di uman.

Lyuk 10:33

Wan man we kɔmɔt Sameria kam pas na di sem rod. Wɛn i rich na di sem ples ɛn si di man we tifman bit, i sɔri fɔ am.

Apɔsul Dɛn Wok 10:32

Sɛn kɔl wan man we nem Saymɔn Pita, i de na Jɔpa; i de na wan Saymɔn we de wok dɛn bif kanda, in os we de klos di waf.’