Jɔn 4:1 - Krio Fɔs Oli Baybul

¹ Di Faresi dɛn yɛri se Jizɔs bin de gɛt ɛn baptayz mɔ lanin bɔy dɛn pas Jɔn.

Jɔn 4:1 Referans Kwoze

Jɔn 3:26

So di lanin bɔy dɛn go tɛl Jɔn se, “Ticha, yu mɛmba da man we bin de wit yu wɛn yu bin de na di istɛn pat na Riva Jɔdan, da man we yu bin de tɔk bɔt? Wɛl, insɛf de baptayz pipul naw na Riva Jɔdan, ɛn plɛnti plɛnti pipul de go to am fɔ mek i baptayz dɛn!”

Jɔn 3:22

Wɛn dat pas, Jizɔs ɛn in lanin bɔy dɛn go Judia. I te lɔŋ lili bit wit dɛn na Judia. Wɛn i lib de, i bin de baptayz pipul.

2 Kɔrint 4:5

Nɔto wisɛf wi de tɛl una bɔt; wi de tɛl una se Jizɔs Krays na wi Masta ɛn wi na una savant fɔseka am.

1 Kɔrint 15:47

Na dɔti, Gɔd tek mek di fɔs Adam; di sɛkɛn Adam kɔmɔt na ɛvin.

1 Kɔrint 2:8

Nɔn dɛn pipul we gɛt pawa na dis wɔl nɔ bin kechɔp se dis sɛns ya de, if dɛn bin kechɔp dɛn nɔ bin fɔ nel di Masta, we gɛt pawa ɛn ɔna, pan di krɔs.

Apɔsul Dɛn Wok 10:36

Una no di mɛsej we Gɔd bin sɛn to di Ju pipul dɛn na Izrɛl, i tɛl dɛn di Gud Nyuz se na Jizɔs Krays we na ɔlman Masta, go mek dɛn kam to Gɔd fɔ mek dɛn ɔl gɛt kol at.

Rɛvɛleshɔn 19:16

Wan nem bin rayt pan in klos ɛn pan in lɛg, dat na “Kiŋ we de rul oba ɔl dɛn kiŋ, ɛn Masta oba ɔl dɛn masta.”

Jems 2:1

Mi pipul dɛn we biliv pan wi Masta Jizɔs Krays we de rul wit pawa, una nɔ fɔ trit wan pɔsin fayn pas in kɔmpin bay aw una si di pɔsin.

Lyuk 2:11

Tide na da tɔŋ we Devid bin bɔn, dɛn dɔn bɔn Wan Pikin we go sev una. Na di Mɛsaya we na wi Masta.

Lyuk 19:34

Dɛn ansa se, “Na wi Masta want am.”

Lyuk 19:31

If ɛnibɔdi aks una wetin mek una de lus am, una jɛs ansa se, ‘Wi Masta want am.’”

Lyuk 1:76

Yu, mi pikin, dɛn go kɔl yu Gɔd we pas ɔl, in prɔfɛt. Na yu go mek pipul rɛdi fɔ di tɛm we di Masta go kam;

Lyuk 7:13

Wɛn di Masta si di uman, i sɔri fɔ am, i se, “Nɔ kray ya!”

Lyuk 7:19

Jɔn kɔl tu pan in yon lanin bɔy dɛn ɛn sɛn dɛn go to di Masta fɔ aks am if in na di pɔsin we in bin de tɔk se go kam ɔ if dɛn fɔ luk rod fɔ ɔda pɔsin.

1 Kɔrint 1:17

Krays nɔ sɛn mi kam fɔ baptayz pipul, i sɛn mi fɔ kam tɛl pipul di Gud Nyuz. Bɔt a nɔ fɔ tek mɔtalman yon sɛns du dat; if a du so, i go tan lɛkɛ se fɔ tɔk plen wan nɔmɔ bɔt di day we Krays day na di krɔs nɔ gɛt pawa fɔ tɔch pipul at.