Jɔn 3:2 - Krio Fɔs Oli Baybul

² Wan nɛt, Nikodimɔs go fɛn Jizɔs. I se, “Ticha, wi no se yu na ticha we Gɔd sɛn. Nɔbɔdi nɔ go ebul du dɛn wɔndaful wok we yu de du, pas Gɔd de wit di pɔsin.”

Jɔn 3:2 Referans Kwoze

Jɔn 5:36

Bɔt wetin a de du sho wetin a bi fɔ tru pas aw wetin Jɔn sɛf tɔk, sho wetin a bi; wetin a de du na wetin nɔmɔ mi Papa tɛl mi fɔ du. Na dɛn wok ya we a de du de mek pipul no udat a bi ɛn sho se na mi Papa sɛn mi kam na wɔl.

Apɔsul Dɛn Wok 10:38

Una no se Gɔd bin gi Jizɔs we kɔmɔt Nazarɛt in Spirit ɛn in pawa. Jizɔs bin de go ɔlɔbɔt de du gud fɔ pipul ɛn i mɛn ɔl dɛn wan we bin gɛt dɛbul insay dɛn. I bin ebul du ɔl dɛn tin ya bikɔs Gɔd bin de wit am.

Apɔsul Dɛn Wok 2:22

“Una dɛn pipul na Izrɛl, una opin una yes gud ɛn lisin wetin a de tɔk. Jizɔs we kɔmɔt Nazarɛt na Man we Gɔd sɛn to wi. Unasɛf no bɔt ɔl dɛn tin ya bikɔs na ya dɛn bi.

Jɔn 9:16

Sɔm pan di Faresi dɛn se, “Di pɔsin we du dis nɔ kɔmɔt to Gɔd, bikɔs i nɔ de du wetin di lɔ tɔk bɔt di de we fɔ pre ɛn blo.” Bɔt sɔm ɔda wan dɛn se, “Aw pɔsin we de pan sin go manej du wɔndaful wok lɛkɛ dɛn wan ya?” Dɛn nɔ bin gɛt wanwɔd.

Jɔn 12:37

Pan ɔl we Jizɔs bin dɔn du ɔl dɛn wɔndaful wok ya we di pipul dɛn si fɔ dɛnsɛf, dɛn nɔ biliv pan Jizɔs.

Jɔn 1:38

Wɛn Jizɔs tɔn, i si dɛn de fala am, nain i aks dɛn se, “Wetin una de luk fɔ?” Dɛn aks am se, “Rabay, usay yu tap?” (Rabay min Ticha.)

Matyu 22:16

Dɛn sɛn sɔm pan dɛn yon lanin bɔy dɛn, ɛn sɔm pan di Ju pipul dɛn we bin jɔyn Ɛrɔd in pati, fɔ go aks Jizɔs se, “Ticha, wi no se yu de tɔk tru ɛn yu de lan pipul wetin Gɔd want mɔtalman fɔ du, fɔ tru, ɛn yu nɔ bisin bɔt wetin dɛn de tink, yu nɔ kia if pɔsin po ɔ jɛntri.

Jɔn 7:31

Bɔt plɛnti pipul we bin de na di krawd biliv pan Jizɔs, dɛn se, “Wɛn di Mɛsaya kam, una tink se i go du wɔndaful wok dɛn pas dɛn wan we dis man ya dɔn du?”

Jɔn 20:16

Jizɔs se, “Meri.” Meri tɔn luk Jizɔs ɛn se “Raboni.” (Dat na Ibru wɔd we min “Ticha”.)

Jɔn 15:24

Dɛn nɔ bin fɔ no se Gɔd go mak dɛn fɔ dɛn sin if, di tɛm we a bin de wit dɛn, a nɔ bin du ɔl dɛn tin we nɔbɔdi nɔ du wande; bɔt dɛnsɛf dɔn si wetin a du, ɛn pan ɔl dat, dɛn nɔ lɛk mi ɛn mi Papa.

Jɔn 3:26

So di lanin bɔy dɛn go tɛl Jɔn se, “Ticha, yu mɛmba da man we bin de wit yu wɛn yu bin de na di istɛn pat na Riva Jɔdan, da man we yu bin de tɔk bɔt? Wɛl, insɛf de baptayz pipul naw na Riva Jɔdan, ɛn plɛnti plɛnti pipul de go to am fɔ mek i baptayz dɛn!”

Mak 12:14

Dɛn go mit Jizɔs ɛn se, “Ticha, wi no se yu de tɔk tru ɛn yu nɔ tek ɛnibɔdi pas in kɔmpin, yu nɔ de luk if pɔsin jɛntri ɔ if i po. Yu de lan wi wetin Gɔd want mɔtalman fɔ du, fɔ tru, bɔt lɛ wi aks yu wan kwɛshɔn. I rayt fɔ mek wi pe taks to di kiŋ na Rom? Wi fɔ pe taks ɔ wi nɔ fɔ pe taks?”

Di Jɔj Dɛm 6:27

So Gidiɔn mek tɛn pan in wokman ɛp am du wetin PAPA GƆD bin tɛl an fɔ du; bɔt bikɔs i bin de fred in fambul dɛn ɛn di man dɛn na di siti, i nɔ du am santɛm, i du am na nɛt.

Ayzaya 51:7

“Una lisin mi, una we no aw fɔ waka tret na PAPA GƆD in yay, di pipul dɛn we mi lɔ de na dɛn at; una nɔ fred mɔtalman laf, ɛn nɔ pwɛl at we dɛn de kɔs una.

Lɛta Fɔ Filipay 1:14

Pantap dat, bikɔs a de na jel, di Kristiɛn dɛn we de abop pan di Masta mɔ ɛn mɔ, de plɛnti mɔ ɛn mɔ ɛn dat mek dɛn nɔ de fred fɔ tɔk Gɔd in wɔd ɛn dɛn nɔ bisin bɔt wetin pipul go du dɛn.

1 Kiŋ 17:24

Di uman tɛl am se na naw in no fɔ tru tru se in na man ɔf PAPA GƆD, ɛn wetin kɔmɔt nain mɔt na PAPA GƆD put am de.

Jɛrimaya 38:16

Nain kiŋ Zɛdikaya swɛ sikrit wan to Jɛrimaya se, “Wans PAPA GƆD we mek wi sol dɛn, de, a nɔ go kil yu ɔ an yu oba to dɛn man ya we wan kil yu.”

Matyu 23:7

Wɛn dɛn go na di ples we ɔlman de gɛda, dɛn lɛk fɔ mek ɔlman nil dɔŋ fɔ tɛl dɛn adu ɛn kɔl dɛn ‘Ticha.’

Matyu 23:8

Una nɔ fɔ mek pipul kɔl una ‘Ticha,’ bikɔs na wangren Ticha una gɛt, ɛn una ɔl na brɔda ɛn sista.

Jɔn 2:11

Na Kena we de na Galili, Jizɔs du dis fɔs wɔndaful wok, ɛn dat sho aw i wɔndaful, ɛn mek in lanin bɔy dɛn biliv pan am.

Jɔn 4:31

Da sem tɛm de Jizɔs in lanin bɔy dɛn bin de tɛl Jizɔs mek i it sɔntin, dɛn se, “Ticha, duya, tray it sɔntin!”

Jɔn 6:2

Plɛnti plɛnti pipul fala am, bikɔs dɛn si di wɔndaful wok we i du we i mɛn dɛn sik pipul.

Jɔn 10:38

Bɔt if a de du di tin dɛn we mi Papa want mek a du, pan ɔl we una nɔ biliv mi naw, una fɔ biliv se na wɔndaful wok dɛn a de du, so dat una go no ɛn una nɔ go dawt igen se mi Papa de insay mi ɛn misɛf de insay mi Papa.”

Jɔn 14:10

Jizɔs aks Filip se, “Filip, yu nɔ biliv se a de insay mi Papa ɛn mi Papa de insay mi?” Jizɔs bigin tɔk to ɔl in lanin bɔy dɛn. I se, “Nɔto misɛf mekɔp di wɔd dɛn we a dɔn tɛl una, na mi Papa, we de insay mi, de du in wok.