Jɔn 2:2 - Krio Fɔs Oli Baybul

² Dɛn bin kɔl Jizɔs ɛn in lanin bɔy dɛn fɔ go di mared, so dɛnsɛf bin lib de.

Jɔn 2:2 Referans Kwoze

Lɛta Fɔ Kɔlɔse 3:17

Ɛni tin we una de du ɛn ɛnitin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una.

1 Kɔrint 7:39

Uman we dɔn mared nɔ fri fɔ mared if in man nɔ day yet, bɔt if in man dɔn day, i fri fɔ mared to ɛni man we i want, bɔt da man de fɔ bi Kristiɛn.

Di Ibru Pipul Dɛn 13:4

Mek ɔlman rɛspɛkt mared layf, di man we mared nɔ fɔ gɛt ɔda uman ɛn di wɛf nɔ fɔ gɛt ɔda man. Una mɛmba se Gɔd go jɔj dɛn wan we liv fri layf, ɛn i go jɔj ɛni mared uman we kip ɔda man ɛn ɛni mared man we kip ɔda uman.

1 Kɔrint 10:31

Wɛl, ɛnitin we una de du, if una de it ɔ una de drink, una fɔ mek Gɔd gɛt di prez fɔ ɔl.

Matyu 25:45

Di Kiŋ go tɛl dɛn se, ‘Ɛnitɛm we una nɔ bin gri fɔ ɛp ɛni wan pan dɛn pipul we pipul nɔ tek mek natin, we tan lɛkɛ brɔda to mi, na mi una nɔ bin gri fɔ ɛp.’”

Matyu 25:40

Di Kiŋ go se, ‘Ɛnitɛm we una bin du dɛn tin ya fɔ ɛni wan pan dɛn pipul ya we pipul nɔ tek mek natin, we tan lɛkɛ brɔda to mi, na fɔ mi una bin du dɛn.’

Matyu 12:19

I nɔ go mek plaba, ɛn i nɔ go ala, i nɔ go tɔk lawd lawd wan na trit.

Rɛvɛleshɔn 3:20

Una lisin, a tinap nia di do, a de nak pan am; if ɛnibɔdi we yɛri mi vɔys opin di do, a go kam insay in os, mi ɛn in go sidɔm ɛn it togɛda.

Jɔn 2:3

Wɛn di wayn dɔn, Jizɔs in mama tɛl Jizɔs se di wayn dɔn dɔn.

Jɔn 2:12

Wɛn dat pas, Jizɔs ɛn in mama, in brɔda dɛn, ɛn in lanin bɔy dɛn go Kepanyɔm, bɔt dɛn nɔ te de, dɛn jɛs lib de tu, tri de.

Jɔn 2:17

Di lanin bɔy dɛn mɛmba wetin Gɔd in Buk se, “O Gɔd, a de day wit di lɛk we a lɛk yu os, i dɔn so grip mi dat i nɔ go lɛf mi igen.”

Jɔn 2:22

So wɛn Gɔd mek Jizɔs rayz frɔm di grev, in lanin bɔy dɛn mɛmba wetin Jizɔs bin dɔn tɔk, ɛn di rayz we Jizɔs rayz frɔm di grev mek dɛn biliv wetin rayt na Gɔd in Buk, ɛn wetin Jizɔs bin dɔn tɔk.

Jɔn 3:22

Wɛn dat pas, Jizɔs ɛn in lanin bɔy dɛn go Judia. I te lɔŋ lili bit wit dɛn na Judia. Wɛn i lib de, i bin de baptayz pipul.

Jɔn 4:2

Bɔt Jizɔs insɛf nɔ bin de baptayz pipul, nain lanin bɔy dɛn nɔmɔ bin de baptayz dɛn.

Jɔn 4:8

Jizɔs in lanin bɔy dɛn bin dɔn go na di tɔŋ fɔ bay tin fɔ it.

Jɔn 4:33

Di lanin bɔy dɛn wɔnda, so dɛn bin bigin tɔk to dɛn kɔmpin, dɛn se, “Tinkya, pɔsin dɔn briŋ it fɔ am?”

Jɔn 6:8

Wan pan Jizɔs in ɔda lanin bɔy dɛn, dat na Andru we na Saymɔn Pita in brɔda se,

Jɔn 6:12

Wɛn dɛn ɔl dɔn bɛlful, Jizɔs tɛl in lanin bɔy dɛn se, “Una gɛda ɔl di af af we lɛf, mek natin nɔ wes.”

Jɔn 6:16

Wɛn ivintɛm rich, Jizɔs in lanin bɔy dɛn go na Lek Galili.

Jɔn 6:60

Plɛnti pan di pipul dɛn we bin de fala Jizɔs we yɛri dɛn wɔd ya, se, “Dɛn tin ya we i lan wi tu traŋa. Udat go gri fɔ fala dɛn?”

Jɔn 6:66

Fɔseka dat, plɛnti pan di pipul dɛn we bin de fala Jizɔs, tap fɔ fala am.

Jɔn 6:67

So Jizɔs aks di twɛlv lanin bɔy dɛn se, “Unasɛf want go lɛf mi?”

Jɔn 6:70

Jizɔs se, “Na mi pik una ɔl twɛlv, nɔto so? Bɔt wan pan una na dɛbul!”

Jɔn 6:71

Jizɔs bin de tɔk bɔt Judas we na Saymɔn Iskariɔt in pikin, pan ɔl we Judas na bin wan pan di twɛlv lanin bɔy dɛn, i bin mekɔp fɔ sɛl Jizɔs.

Jɔn 7:3

So Jizɔs in brɔda dɛn tɛl am se, “Kɔmɔt na dis tɔŋ go Judia, so dat dɛn pipul we de fala yu, go si di wɔndaful wok dɛn we yu de du.

Apɔsul Dɛn Wok 11:26

Wɛn i si Sɔl, i briŋ am kam na Antiɔk. Banabas ɛn Sɔl te na Antiɔk. Dɛn bin de mit wit di chɔch pipul dɛn fɔ lan dɛn, di pipul dɛn kin plɛnti. Antiɔk na di fɔs ples we dɛn bigin kɔl dɛn pipul we biliv pan Jizɔs, Kristiɛn.

Apɔsul Dɛn Wok 11:29

Jizɔs in lanin bɔy dɛn gri fɔ ɛp dɛn Kristiɛn na Judia.