Jɔn 10:3 - Krio Fɔs Oli Baybul

³ Di wachman kin opin di get fɔ di shɛpad, di shɛpad kin kɔl in ship dɛn nem wan bay wan, wɛn di ship dɛn yɛri in vɔys, dɛn kin kam ɛn i kin waka bifo dɛn fɔ kɛr dɛn go na do.

Jɔn 10:3 Referans Kwoze

Sɛkɛn Lɛta To Timoti 2:19

Bɔt natin nɔ go shek di traŋa fawndeshɔn we Gɔd dɔn mek; di wɔd dɛn we rayt pan di fawndeshɔn na dɛn dis: “Di Masta sabi di wan dɛn we nain yon” ɛn “Ɛnibɔdi we se in blant di Masta fɔ lɛf fɔ du dɛn tin we nɔ rayt.”

Jɔn 10:4

Wɛn di shɛpad dɔn kɛr di ship dɛn go na do, i kin waka bifo dɛn, ɛn dɛn kin fala am go, bikɔs dɛn no in vɔys.

Jɔn 10:16

Ɔda ship dɛn de we blant mi, bɔt dɛn nɔ de wit dɛn wan ya, a fɔ briŋ dɛnsɛf kam; dɛnsɛf go lisin wɛn a de tɔk, dɛn go miks wit dɛn wan ya, so dɛn go gɛt wan shɛpad fɔ mɛn dɛn ɔl.

Jɔn 10:14

Mi na di gud shɛpad. Aw mi Papa no mi, ɛn misɛf no mi Papa, na semwe so a no mi ship dɛn ɛn mi ship dɛnsɛf no mi, ɛn a rɛdi fɔ day fɔ dɛn.

Rɛvɛleshɔn 3:20

Una lisin, a tinap nia di do, a de nak pan am; if ɛnibɔdi we yɛri mi vɔys opin di do, a go kam insay in os, mi ɛn in go sidɔm ɛn it togɛda.

Rɛvɛleshɔn 7:17

bikɔs di Ship we de na di ples we di ay chia we kiŋ kin sidɔm, de, insɛf go de gyad dɛn lɛkɛ pɔsin we de mɛn ship. Nain go kɛr dɛn go na di say we da wata we de bɔs na grɔn we de gi layf, de. Gɔd go mek dɛn nɔ kray igen.”

Lɛta Fɔ Rom 8:30

So Gɔd kɔl dɛn pipul we i bin dɔn pik; dɛn pipul we i kɔl, i mek ɔltin rayt bitwin dɛn ɛn insɛf; wɛn i dɔn mek ɔltin rayt bitwin dɛn ɛn insɛf, i mek sɔm pan di wɔndaful layf we Krays gɛt bi dɛn yon.

Jɔn 6:45

Wan prɔfɛt bin rayt se, ‘Na Gɔd go lan ɔlman wetin dɛn fɔ du.’ Ɛnibɔdi we lisin mi Papa gud ɛn lan wetin i tich am, da pɔsin de go kam to mi.

Jɔn 6:37

Ɔl dɛn wan we mi Papa dɔn gi mi go kam to mi. A nɔ go drɛb ɛnibɔdi we kam to mi,

Ayzaya 42:16

Ɛn a go pas dɛn blɛn yay na rod we dɛn nɔ no A go gayd dɛm na rod we dɛn nɔ no wande. A go tɔn di daknɛs we de bifo dɛm to layt, ɛn mek di rɔf ples dɛn to lɛbul grɔn. Na dɛn tin ya a go du, ɛn a nɔ go tɔn mi bak pan dɛm.

Sɔlɔmɔn In Siŋ Dɛm 8:13

Yu we tap na di gadin dɛn, mi kɔmpin dɛn de lisin fɔ yu vɔys, mek yu yɛri am.

Ɛksodɔs 33:17

PAPA GƆD ansa Mozis. I se, “A go du wetin yu se bikɔs a no yu gud gud fashin ɛn a lɛk yu.”

Rɛvɛleshɔn 20:15

Ɛnibɔdi we in nem nɔ bin rayt insay di buk we dɛn rayt dɛn pipul we gɛt layf sote go dɛn nem, dɛn trowe am insay di wata we faya de kech.

Lɛta Fɔ Kɔlɔse 4:3

Ɛnitɛm we una de pre, una pre fɔ wi, so dat Gɔd go gi wi chans fɔ tɛl pipul in mɛsej bɔt Krays, we di pipul dɛn nɔ bin yɛri yet. A de na jel naw bikɔs a de tɛl pipul dis mɛsej ya.

Lɛta Fɔ Filipay 4:3

Ɛn yu, we na mi tru wokmet, a want mek yu ɛp dɛn tu uman ya, bikɔs dɛn dɔn wok an to an wit mi traŋa wan fɔ prɛd di Gud Nyuz ɔlɔbɔt. Dɛn wok wit mi lɛkɛ aw Klɛmɛnt ɛn sɔm ɔda pipul dɛn ɛp mi pan di wok, ɛn Gɔd dɔn rayt dɛn ɔl nem na di buk we dɛn pipul we gɛt layf sote go dɛn nem de.

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Di Sam Dɛm 80:1

Yu we dɔn de mɛn Izrɛl, lɛk aw yu de mɛn ship, yɛri wi, na yu dɔn de lid wi we na Josɛf in jɛnareshɔn lɛkɛ ship; yu na di wan we sidɔm midul di chɛryubim dɛn de rul as Kiŋ,

Pita In Fɔs Lɛta 1:12

Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.

1 Kɔrint 16:9

Chans de na ya fɔ du big wok ɛn bɛtɛ wok fɔ Gɔd, pan ɔl we plɛnti pipul de we nɔ want mek di wok go bifo.

Prɔvabs 27:23

Ɛnti yu we de mɛn ship ɛn got no aw dɛn tan, so, mɛn dɛn fayn;

Jɔn 10:9

Mi na di get. Ɛnibɔdi we pas tru mi fɔ go insay, go sev; di pɔsin go fri fɔ kam insay ɛn kɔmɔt na do fɔ go fɛn ɔl wetin i nid fɔ gɛt fɔ in layf.

Jɔn In Fɔs Lɛta 4:6

Bɔt wi na Gɔd yon pipul ɛn ɛni bɔdi we no Gɔd go lisin to wi, bɔt ɛni bɔdi we nɔ no Gɔd nɔ go lisin to wi. Na di we dis we wi go no Gɔd in Spirit we tru ɛn di spirit we de lay.

Jɔn In Tɔd Lɛta 1:14

I nɔ go te igen a go kam to yu ɛn wi go tɔk fes to fes.