Jɔn 10:2 - Krio Fɔs Oli Baybul

² Di pɔsin we de pas na di get, na di shɛpad, dat na di pɔsin we de mɛn di ship dɛn.

Jɔn 10:2 Referans Kwoze

Jɔn 10:14

Mi na di gud shɛpad. Aw mi Papa no mi, ɛn misɛf no mi Papa, na semwe so a no mi ship dɛn ɛn mi ship dɛnsɛf no mi, ɛn a rɛdi fɔ day fɔ dɛn.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Pita In Fɔs Lɛta 5:4

If una du so, wɛn dɛn shɛpad dɛn edman we na Krays, kam, una go gɛt wɔndaful krawn we nɔ de pwɛl ɛn we de shayn ɔltɛm.

Di Sam Dɛm 23:1

Mi PAPA GƆD na lɛkɛ man we de mɛn ship natin nɔ de we a nid, we a nɔ go gɛt.

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Ɛkliziastis 12:11

Wetin sɛnsman de se tan lɛk we yu fos pɔsin fɔ du sɔntin, ɛn ɔl wetin wan shɛpad dɔn se we dɛn put wan ples, tan lɛk nel we dɛn nak go insay prɔpa wan.

Di Ibru Pipul Dɛn 13:20

Gɔd we de gi mɔtalman kol at, dɔn mek wi Masta Jizɔs rayz frɔm di grev wit layf ɛn mek i bi di shɛpad we pas ɔl fɔ de wach wi we nain pipul dɛn. Na Jizɔs in blɔd dɔn mek di agrimɛnt, we Gɔd mek wit wi, go de sote go.

Fɔs Lɛta To Timoti 4:14

Nɔ lɛf fɔ du da tin we yu sabi fɔ du, we Gɔd bin mek yu ebul du da tɛm we dɛn prɔfɛt bin tɔk wetin Gɔd tɛl dɛn fɔ yu, ɛn dɛn bigman na chɔch bin put dɛn an pan yu ed ɛn pre fɔ yu.

Jɔn 10:9

Mi na di get. Ɛnibɔdi we pas tru mi fɔ go insay, go sev; di pɔsin go fri fɔ kam insay ɛn kɔmɔt na do fɔ go fɛn ɔl wetin i nid fɔ gɛt fɔ in layf.

Jɔn 10:7

So Jizɔs tɔk to dɛn bak. I se, “A de tɛl una se: Mi na di get we di ship dɛn de pas.

Zɛkaraya 11:8

Insay wan mɔnt, i pwɛl di ɔda tri lida dɛn wok. I nɔ bin peshɛnt wit dɛn ɛn dɛnsɛf nɔ bin lɛk am.

Zɛkaraya 11:5

Di wan dɛn we de bay dɛn fɔ kil dɛn nɔ gɛt pɔnishmɛnt fɔ dat; dɔn di wan dɛn we de sɛl dɛn de blɛs PAPA GƆD fɔ we dɛn dɔn mek bɔku mɔni bikɔs di wan dɛn we de mɛn dɛn nɔ de sɔri fɔ dɛnsɛf.

Zɛkaraya 11:3

Lisin we dɛn kiŋ ɛn lida dɛn de kray, dɛn boŋo dɔn fɔdɔm! Lisin aw dɛn layɔn de grɔmbul di bush we dɛn tap na Jɔdan, ɔl dɔn pwɛl.

Izikɛl 34:23

Ɛn a go put wan shɛpad, mi savant Devid, oba dɛm: ɛn i go fid dɛm; i go fid dɛm ɛn bi dɛn shɛpad.

Di Sam Dɛm 80:1

Yu we dɔn de mɛn Izrɛl, lɛk aw yu de mɛn ship, yɛri wi, na yu dɔn de lid wi we na Josɛf in jɛnareshɔn lɛkɛ ship; yu na di wan we sidɔm midul di chɛryubim dɛn de rul as Kiŋ,

Rɛvɛleshɔn 1:20

A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Pita In Fɔs Lɛta 2:25

Una bin tan lɛkɛ ship we dɔn lɛf fɔ fala di man we de mɛn dɛn, so dɛn nɔ sabi rod igen, bɔt naw Gɔd dɔn briŋ una kam bak to di pɔsin we de mɛn una ɛn we de gyad una mek natin bad nɔ mit una.

Taytɔs 1:5

A bin lɛf yu na Krit fɔ mek yu du wetin wi nɔ bin du de yet, ɛn mek yu pik ovasia na ɔl dɛn tɔŋ. Mɛmba dɛn tin we a bin tɛl yu:

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Mayka 5:5

I go mek ɔlman gɛt kolat. Da tɛm de wɛn di Asirian dɛn go atak dɛn, dɛn go sɛn ɔl dɛn bigman dɛn fɔ go fɛt dɛn.

Ayzaya 63:11

Naim I mɛmba di lɔntɛm we Mozis na bin in wokman, We di pɔsin we pul di ship dɛn shɛpad dɛn kɔmɔt insay di si? We di wan we put in oli Spirit pan dɛm,

Matyu 15:11

Nɔto wetin pɔsin de it de mek i nɔ klin na Gɔd yay, bɔt na wetin di pɔsin de tɔk de mek i nɔ klin na Gɔd yay.”