Jɔn 1:11 - Krio Fɔs Oli Baybul

¹¹ I go to in yon pipul dɛn, bɔt ivin dɛnsɛf nɔ bin want gɛt ɛnitin fɔ du wit am.

Jɔn 1:11 Referans Kwoze

Lyuk 19:14

Bɔt di pipul dɛn na di kɔntri nɔ bin lɛk di man, so dɛn sɛn mɛsenja go na di ɔda kɔntri we di man go fɔ go tɛl di wan we de rul de se dɛn nɔ want di man fɔ rul dɛn.

Jɔn 3:32

Di wan we kɔmɔt ɛvin de tɔk bɔt wetin i dɔn si ɛn yɛri; pan ɔl dat nɔbɔdi nɔ de put at pan wetin i de tɔk.

Matyu 15:24

Jizɔs ansa se, “Na to dɛn pipul na Izrɛl we tan lɛkɛ dɛn ship we lɔs, na to dɛn nɔmɔ Gɔd sɛn mi.”

Lɛta Fɔ Rom 15:8

A de tɛl una se Krays kam fɔ ɛp di Ju pipul dɛn fɔ sho se Gɔd go du wetin i bin dɔn prɔmis Ebraam, Ayzak ɛn Jekɔb,

Apɔsul Dɛn Wok 13:46

Pɔl ɛn Banabas nɔ fred fɔ tɔk; dɛn se, “Wi bin gɛt fɔ tɛl una dɛn Ju pipul bɔt Gɔd bifo wi tɛl dɛn pipul we nɔto Ju. We una nɔ gri biliv pan am, una dɔn kɔndɛm unasɛf se una nɔ fit fɔ gɛt layf sote go. Na dat mek wi de tɛl dɛn pipul we nɔto Ju bɔt Gɔd naw.

Lɛta Fɔ Rom 9:5

Dɛn fɔs Ju pipul we bin de klos Gɔd na dɛn grampapa papa dɛn, ɛn wɛn Krays na bin mɔtalman, na bin Ju. Mek wi prez Gɔd, we de rul di wɔl, sote go! Emɛn.

Lɛta Fɔ Galeshya 4:4

Bɔt wɛn di rayt tɛm rich, Gɔd sɛn in Pikin, we na Jizɔs Krays, kam na wɔl. Gɔd mek uman bɔn Jizɔs Krays ɛn Jizɔs Krays du ɔl wetin di Ju lɔ se,

Apɔsul Dɛn Wok 13:26

“Mi pipul dɛn we de wɔship Gɔd, una we na Ebraam in grampikin pikin dɛm ɛn una we nɔto Ju; Gɔd mek dɛn kam tɛl wi bɔt aw i de sev pipul.

Lɛta Fɔ Rom 9:1

Na tru wɔd a de tɔk; a nɔ de lay bikɔs mi na Krays yon pɔsin. Mi at we Gɔd in Spirit de rul, insɛf de tɛl mi se, fɔ tru, a nɔ de lay.

Jɔn 1:10

Di Wɔd bin de na di wɔl, ɛn tru am Gɔd mek ɔltin na di wɔl, bɔt pan ɔl dat, di pipul dɛn na di wɔl nɔ bin no udat i bi.

Jɔn 1:12

Bɔt ɛnibɔdi we gladi fɔ mek i kam na dɛn layf ɛn biliv pan am, i gi dɛn di rayt fɔ bi Gɔd in pikin dɛn.

Jɔn 19:27

Dɔn i tɛl di lanin bɔy we i lɛk se, “Na yu mama dis.” Da sem tɛm de, di lanin bɔy kɛr Jizɔs in mama go nain yon os ɛn mek i tap de.

Apɔsul Dɛn Wok 21:6

Wi tɛl dɛn gudbay. Wi go insay di bot ɛn dɛn tɔn bak go na dɛn os.