Jɔn 1:10 - Krio Fɔs Oli Baybul

¹⁰ Di Wɔd bin de na di wɔl, ɛn tru am Gɔd mek ɔltin na di wɔl, bɔt pan ɔl dat, di pipul dɛn na di wɔl nɔ bin no udat i bi.

Jɔn 1:10 Referans Kwoze

Jɔn 17:25

Papa, yu we de du wetin rayt ɔltɛm, dɛn ɔda pipul na wɔl nɔ no yu, bɔt mi no yu, ɛn dɛn wan ya we biliv pan mi no se na yu sɛn mi.

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

1 Kɔrint 2:8

Nɔn dɛn pipul we gɛt pawa na dis wɔl nɔ bin kechɔp se dis sɛns ya de, if dɛn bin kechɔp dɛn nɔ bin fɔ nel di Masta, we gɛt pawa ɛn ɔna, pan di krɔs.

1 Kɔrint 1:21

Gɔd yus in sɛns fɔ mek mɔtalman nɔ ebul fɛn am wit in yon sɛns. Bɔt i mekɔp fɔ tek di prich we wi de prich bɔt di day we Jizɔs day na di krɔs we tan lɛkɛ nɔnsɛns, fɔ sev dɛn wan we biliv pan Jizɔs.

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Di Ibru Pipul Dɛn 11:3

Na bikɔs wi biliv Gɔd mek wi ɔndastand se, na di wɔd we Gɔd bin tɔk nain mek dis wɔl, so dɛn tin we wi de si kɔmɔt frɔm dɛn tin we wi nɔ de si.

Jɔn 1:18

Nɔbɔdi nɔ si Gɔd wande. Gɔd in wangren Pikin, we in ɛn in Papa gɛt wan at, nain mek pipul no udat na Gɔd.

Jɔn 1:5

Di layt de shayn na dak, bɔt wande di daknɛs nɔ kɔba di layt.

Apɔsul Dɛn Wok 14:17

Bɔt stil i bin de sho ɔlman udat i bi bay di gud we i kin du fɔ dɛn ɔl. Gɔd kin gi una ren. Di ren kin fɔdɔm frɔm di klawd, ɛn mek wetin una plant bia wɛn di tɛm rich, so dat una go gladi.”

Jɔn 5:17

Jizɔs se, “Mi Papa de wok ɔltɛm, ɛn misɛf fɔ wok.”

Jɛnɛsis 16:13

Ega tɔk nain at se, “Fɔ tru se a dɔn si PAPA GƆD ɛn a nɔ day?” So i kɔl di PAPA GƆD we dɔn tɔk to am “PAPA GƆD We De Si.”

Jɛnɛsis 18:33

Afta we dɛn dɔn tɔk dɔn, PAPA GƆD go in we, dɛn Ebraam tɔn bak go nain os.

Jɛnɛsis 17:1

We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.

Ayzaya 53:3

Mɔtalman dɛn luk dɔŋ pan am ɛn shub am fa; na man we gɛt pen ɛn brok at, ɛn na lɛk udat pipul dɛn de ayd fes pan dɛn luk dɔŋ pan am, ɛn wi nɔ rɛspɛkt am atɔl.

Jɔn 1:3

Tru di Wɔd, Gɔd mek ɔltin; natin nɔ de na wɔl we Gɔd mek we in an nɔ de pan.

Jɔn 1:11

I go to in yon pipul dɛn, bɔt ivin dɛnsɛf nɔ bin want gɛt ɛnitin fɔ du wit am.

1 Kɔrint 8:6

wi stil no se na wangren Gɔd de, we na wi Papa, we mek ɔltin ɛn nain gɛt wi layf; ɛn wi no se na wangren Masta de, dat na Jizɔs Krays we mek ɔltin, ɛn we gi wi layf.

Lɛta Fɔ Kɔlɔse 1:16

Tru Krays, Gɔd mek ɔl wetin de na ɛvin ɛn dis wɔl, dɛn tin we wi de si ɛn dɛn wan we wi nɔ de si; ivin dɛn spirit sɛf we gɛt pawa ɛn we de rul. Tru Krays, Gɔd mek ɔltin we de na ɛvin ɛn dis wɔl ɛn ɔltin de fɔ ɔna Krays.