Jɔn 1:1 - Krio Fɔs Oli Baybul

¹ Bifo Gɔd mek di wɔl, di wan we dɛn kɔl di Wɔd bin dɔn de, i bin de wit Gɔd, in ɛn Gɔd na wan.

Jɔn 1:1 Referans Kwoze

Jɛnɛsis 1:1

Wɛn PAPA GƆD bigin mek di wanol wɔl

Jɔn 17:5

Papa, ɔna mi naw na di ples we yu de, wit da sem ɔna we a bin gɛt bifo di wɔl mek!

Rɛvɛleshɔn 19:13

Dɛn bin dɔn put di klos we i wɛr insay blɔd. In nem na bin “Gɔd in Wɔd”.

Lɛta Fɔ Kɔlɔse 1:17

Krays bin dɔn de bifo Gɔd mek ɛnitin ɛn na Krays de mek ɔltin na di wɔl de na di ples we dɛn fɔ de.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Rɛvɛleshɔn 22:13

Mi na Alfa ɛn Omɛga, di fɔs pɔsin ɛn di las wan; na mi bigin ɔltin ɛn na mi go dɔn ɔltin.”

Jɔn 1:2

Bifo Gɔd mek di wɔl, di Wɔd bin de wit Gɔd.

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Lɛta Fɔ Filipay 2:6

Pan ɔl we Jizɔs Krays tan lɛkɛ aw Gɔd tan, i nɔ se paopa in ɛn Gɔd fɔ bi wan.

Ayzaya 9:6

Bikɔs dɛn dɔn bɔn wan pikin gi wi, dɛn dɔn gi wi bɔypikin ɛn nain ed di gɔvmɛnt go de, ɛn in nem we dɛn go kɔl am, na, “Wɔndaful Kanselɔ, Mayti Gɔd, Ɛvalastin Papa, Prins ɔf pis.”

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Rɛvɛleshɔn 21:6

I tɔk igen se, “Ɔl dɛn tin ya dɔn bi. Mi na Alfa, dat na di wan we bigin ɔltin, ɛn Omɛga, dat na di wan we go dɔn ɔltin. If ɛnibɔdi tɔsti, mek i kam to mi, a go gi am pan di wata we de bɔs plɛnti plɛnti we de gi layf; ɛn we fri.

Di Ibru Pipul Dɛn 13:8

Jizɔs Krays na di sem yɛstade, tide, ɛn i go bi di sem sote go, i nɔ go chenj.

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Jɔn 16:28

Na mi Papa a kɔmɔt to kam na wɔl, ɛn naw a de kɔmɔt na di wɔl go bak to mi Papa.”

Rɛvɛleshɔn 1:17

Wɛn a si am, a fɔdɔm flat nain fut lɛkɛ pɔsin we dɔn day. I put in raytan pan mi, i se, “Nɔ fred. Na mi na di fɔs pɔsin, na mi go bi di las pɔsin.

Jɔn 20:28

Tɔmɔs se, “Yu na mi Masta ɛn yu na mi Gɔd!”

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Di Ibru Pipul Dɛn 7:3

Pipul nɔ no natin bɔt Mɛlkizidɛk in mama, in papa ɛn in fambul layn. Dɛn nɔ no ustɛm i bɔn ɛn ustɛm i day. So i tan lɛkɛ Gɔd in Pikin: na man we de mek sakrifays fɔ pipul sin, sote go.

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Lɛta Fɔ Ɛfisɔs 3:9

Ɛn Gɔd dɔn pik mi ɛn gi mi di chans fɔ tɛl ɔlman bɔt di tin we i dɔn mekɔp fɔ du we i nɔ mek wi no yet, we go bi. Gɔd we mek ɔl di wɔl nɔ bin mek wi no di tin we i mekɔp fɔ du ɔl dis tɛm ya we dɔn pas,

Rɛvɛleshɔn 1:2

Jɔn dɔn tɔk ɔl dɛn tin we i si; i dɔn rayt di mɛsej we Gɔd sɛn, we Jizɔs Krays insɛf sho am se na tru.

Jɔn In Fɔs Lɛta 5:7

Na tri witnɛs de:

Lɛta Fɔ Rom 9:5

Dɛn fɔs Ju pipul we bin de klos Gɔd na dɛn grampapa papa dɛn, ɛn wɛn Krays na bin mɔtalman, na bin Ju. Mek wi prez Gɔd, we de rul di wɔl, sote go! Emɛn.

Jɔn 1:18

Nɔbɔdi nɔ si Gɔd wande. Gɔd in wangren Pikin, we in ɛn in Papa gɛt wan at, nain mek pipul no udat na Gɔd.

Di Sam Dɛm 45:6

We PAPA GƆD dɔn put yu fɔ rul, i tan lɛk nainsɛf de rul na fɔ sote go; yu dɔn de rul yu pipul fia wan ɛn di tik sɛf we yu de ol de sho dat.

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Lyuk 24:53

Dɛn bin de go na Gɔd in Os ɔltɛm go prez Gɔd.

Jɔn 8:58

Jizɔs se, “A de tɛl una fɔ tru se, bifo Ebraam bɔn, a dɔn de.”

Lɛta Fɔ Kɔlɔse 1:15

Krays we pipul dɔn si, nain mek wi no aw Gɔd, we wi nɔ de si, tan. Nain fɔs bin de bifo Gɔd mek ɛnitin we de na di wɔl.