Jɛrimaya 9:7 - Krio Fɔs Oli Baybul

⁷ Fɔseka dat, PAPA GƆD Ɔlmayti se, “Naw, a go klin dɛm ɛn tɛst dɛm, bikɔs wetin igen a go du fɔ mi pipul dɛm?

Jɛrimaya 9:7 Referans Kwoze

Ayzaya 1:25

A go dil wit una A go mɛlt dɔti kɔmɔt pan una lɛk we dɛn mɛlt ayɛn ɛn pul ɔl wetin mek una nɔ piɔ igen.

Malakay 3:3

I go tan lɛk silvasmit bikɔs i go sidɔm fɔ de mek pipul klin bifo PAPA GƆD. I go mek Livay in bɔypikin dɛn klin lɛkɛ aw dɛn de klin gold ɔ silva te dɛn ebul fɔ de gi di rayt kayn prɛzɛnt ɔ sakrifays to PAPA GƆD.

Jɛrimaya 6:27

“A dɔn mek yu di pɔsin we de tɛst mi pipul dɛm ɛn mek dɛn biev bɛtɛ pas fɔs, so dat yu go no ɛn tɛst dɛn aw dɛn liv ɛn wetin dɛn de du.

Ayzaya 48:10

Luk, a dɔn klin yu fayn, bɔt nɔto lɛk silva; A dɔn tɛst yu na di fɔnes ɔf aflikshɔn.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Pita In Fɔs Lɛta 4:12

Mi padi dɛn we a lɛk, una nɔ fɔ wɔnda we big big waala de mit una lɛkɛ na tin dat we nɔba bi,

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Jɛrimaya 31:20

Na Ifrem na mi bɔypikin we we a lɛk? Naim na mi pikin we a lɛk bad bad wan? Bikɔs, ɔltɛm we a de tɔk bad bɔt am, A stil de mɛmba am. Fɔseka dat, mi at stil de fil fɔ am; A go sɔri fɔ am fɔ tru tru. Na so PAPA GƆD se.

2 Kronikuls 36:15

PAPA GƆD we na dɛn Papa fasin fɔ sɛn to dɛm bay in mɛsenja dɛm bikɔs i gɛt sɔri at fɔ in pipul dɛm ɛn in dwɛlin ples.

2 Samiɛl 13:26

Absalɔm gri wit am bɔt aks di kiŋ se if in nɔ de go, mek in brɔda Amɔn in go wit dɛn. Di kiŋ aks am wetindu.

Di Sam Dɛm 55:22

Lɛf ɔltin gi PAPA GƆD, ɛn i nɔ go lɛf yu dɔŋ; i nɔ de ɛva disapɔynt udat abop pan am.

Di Sam Dɛm 62:5

Na PAPA GƆD nɔmɔ de mek a gɛt pis na mi sol nain nɔmɔ a abop pan.

Di Sam Dɛm 120:4

I go shut una wit shap aro ɛn bɔn una wit ɔt kol.

Ayzaya 59:3

Bikɔs una an dɛn dɔti wit blɔd ɛn yu fiŋa dɛn, wit sin; una lip dɛn dɔn tɔk laylay tɔk dɛn, dɔn una tɔŋ de tɔk wikɛd wikɛd tin dɛn.

Jɛrimaya 5:1

Rɔn ɔp ɛn dɔŋ di trit dɛm na Jerusɛlɛm, luk ɛn tek notis! Sach in opin ples dɛn si if yu go fɛn wan pɔsin, pɔsin we trit ɔlman ikwal ɛn de tɔk tru; so dat a go sɔri fɔ Jerusɛlɛm.

Ozie 4:1

Izrɛlayt dɛn, opin una yes ɛn yɛri wetin PAPA GƆD se, bikɔs PAPA GƆD gɛt siriɔs kɔmplen bɔt wetin di Izrɛlayt dɛn de du we i nɔ lɛk. Pipul jɛs de biev adɔnkiadam. Dɛn de wɔship ɔda gɔd dɛn ɛn nɔ bisin fɔ no am na di land;