Jɛrimaya 9:6 - Krio Fɔs Oli Baybul

⁶ PAPA GƆD se, ‘Dɛn de pak sɔprɛshɔn pan sɔprɛshɔn ɛn rikishi pan rikishi, ɛn dɛn nɔ gri fɔ no mi.

Jɛrimaya 9:6 Referans Kwoze

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Lɛta Fɔ Rom 1:28

Bikɔs mɔtalman nɔ gri fɔ put dɛn at pan di tru tin we dɛn no bɔt Gɔd, Gɔd dɔn lɛf dɛn fɔ du di bad tin we de na dɛn at, so naw dɛn jɛs de du dɛn tin we dɛn nɔ fɔ du.

Ozie 4:6

Na bikɔs di pipul nɔ no in we na dat mek PAPA GƆD mek dɛn de sɔfa so. I se dɛn dɔn tɔn dɛn bak pan am so insɛf dɔn lɛf di man dɛn we de mek sakrifays fɔ pipul sin to dɛnsɛf. Ɛn bikɔs dɛn nɔ bisin bɔt PAPA GƆD in lɔ dɛn, insɛf nɔ bisin bɔt dɛn.

Jɛrimaya 20:10

Bikɔs a de yɛri bɔku bɔku sumu sumu. Fred fred de ɔlɔbɔt! “Pul am kɔmɔt na yu at! Lɛ wi pul am kɔmɔt na yu at! Na so ɔl mi tayt padi dɛn de se, de wach fɔ mi dawnfɔl. ‘Sɔntɛnde, wi go ebul disiv am, datɛnde, wi go gɛt am to wetin wi want, ɛn rivɛnj pan am.”

Jɛrimaya 11:19

Bɔt mi na bin lɛk nays ship pikin we dɛn kɛr go fɔ go kil. A nɔ bin no se na bin agens mi dɛn bin dɔn mek plɔt, we dɛn de se, “Lɛ wit pwɛl pwɛl di tik wit in frut dɛm, lɛ wi kil am, so dat dɛn nɔ go mɛmba in nem igen.”

Jɛrimaya 8:5

Wetindu dɛn pipul ya dɔn tɔn dɛn bak pan mi ɛn nɔ gri tɔn bak? Dɛn biliv pan lay lay tin dɛn gud gud wan, ɛn nɔ gri tɔn bak kam to mi.

Jɛrimaya 5:27

Dɛn os dɛn ful wit bad at ɛn tif, lɛkɛ aw blay kin ful wit bɔd; na dat mek dɛn dɔn jɛntri ɛn gɛt pawa,

Prɔvabs 1:29

Bikɔs una nɔ wan tich sɛns, biliv ɛn fred PAPA GƆD,

Prɔvabs 1:24

A tɔk to una bɔt una nɔ yɛri; a kɔl una bɔt una nɔ kam,

1 Kɔrint 15:34

Una kechɔp unasɛf ɛn lɛf fɔ sin. Una fɔ shem we a tɔk se, sɔm pan una nɔ no Gɔd.

Jɛrimaya 18:18

Nain dɛn se, “Una kam le wi mek plan agens Jɛrimaya, bikɔs wi nɔ go shɔt ɔf man we de mek sakrifays fɔ pipul sin fɔ tich wi di lɔ, ɛn sɛnsman dɛn fɔ gi wi sɛns, ɛn prɔfɛt dɛn fɔ tɛl wi PAPA GƆD in wɔd. Dɛn se, una kam lɛ wi tek wi mɔt bit am, ɛn lɛ wi nɔ tek natin we i de se siriɔs.

1 Samiɛl 2:12

Ilaɛl in bɔypikin dɛn na bin bad baba dɛn. Dɛn nɔ bin de biev lɛk udat dɛn no PAPA GƆD.

Ayzaya 1:3

Man kaw no udat i blant, ɛn dɔŋki no di say we in masta put in it, bɔt Izrɛl nɔ no, mi pipul dɛn nɔ ɔndastand.”

Jɛrimaya 11:10

Dɛn dɔn tɔn bak to dɛn fɔstɛmpapa dɛn we nɔ bin gri yɛri mi wɔd, dɛn sin; dɛn dɔn go fɔ go sav ɔda gɔd dɛm; Izrɛl ɛn Juda dɔn brok mi Kɔvinant we a bin mek wit dɛn fɔstɛmpapa dɛm.

Ayzaya 1:25

A go dil wit una A go mɛlt dɔti kɔmɔt pan una lɛk we dɛn mɛlt ayɛn ɛn pul ɔl wetin mek una nɔ piɔ igen.

Ayzaya 4:4

we PAPA GƆD go dɔn was Zayɔn in gyal pikin dɛn dɔti kɔmɔt ɛn dɛn blɔd sten kɔmɔt na Jerusɛlɛm dɛn kɔmɔt insay am wit jɔjmɛnt ɛn wit faya.

Ozie 11:8

I tɔk se in nɔ go ebul fɔ givɔp pan Izrɛl ɛn in nɔ go lɛf Izrɛl to dɛnsɛf I se i nɔ go trit dɛn lɛk di pipul na Adma ɔ mek dɛn tan lɛk di wan dɛn na Zɛboim. In at nɔ go mek i du dat bikɔs i lɛk dɛn tumɔs.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.