Jɛrimaya 9:5 - Krio Fɔs Oli Baybul

⁵ Ɔlman de disiv in neba, ɛn nɔbɔdi nɔ de tɔk tru; dɛn dɔn lan dɛn mɔt fɔ lay; dɛn de kɔmit sin ɛn kin fil taya pasmak fɔ ripɛnt.

Jɛrimaya 9:5 Referans Kwoze

Abakɔk 2:13

Di pipul dɛn we dɛn fos fɔ wok na fɔ natin bikɔs ɔl wetin dɛn bil gɛt fɔ bɔn na faya. Na dat PAPA GƆD go du.

Mayka 6:12

Una man dɛn ɔl we jɛntri, bad, ɛn dɛn de lay lɛk wetin. Tru tɔk nɔ de na dɛn mɔt.

Ayzaya 57:10

Yu bin taya wit di laŋa we di rod lɔŋa bɔt yu nɔ bin se, “Dis oplɛs”; yu bin fɛn nyu layf fɔ yu trɛnk ɛn so yu nɔ bin taya.

Job 15:5

Na di bad tin dɛn we de insay yu de kɔmɔt na yu mɔt, ɛn yu de tek sɛns tɔk dɛn.

Fɔs Lɛta To Timoti 4:2

Na dɛn pipul we de lay, de lan pipul dɛn tin ya i tan lɛkɛ dɛn dɔn bɔn dɛn at na faya ɛn dat mek dɛn nɔ gɛt kɔnshɛns igen.

Lɛta Fɔ Ɛfisɔs 4:25

Frɔm naw sote go, una nɔ fɔ lay igen. Ɔlman fɔ de tɔk tru to in kɔmpin, bikɔs wi ɔl na pat pan Krays in bɔdi.

Mayka 6:3

Na PAPA GƆD de tɔk so naw. I se, “Izrɛl, mi pikin dɛn, wetin a du una we una de trit mi so? Una ansa mi nɔ!

Izikɛl 24:12

A dɔn yagba misɛf fɔ natin; faya nɔ ebul pul di rɔsti we dɔn tik pan am kɔmɔt.

Jɛrimaya 9:8

Dɛn tɔŋ na aro we de kil pɔsin; i de disiv pipul; dɛn de tɔk pisfuli to dɛn neba dɛn wit dɛn mɔt, bɔt insay in at, i de plan fɔ du am bad.

Jɛrimaya 9:3

PAPA GƆD se, ‘Dɛn bɛn dɛn tɔŋ dɛm lɛkɛ bo; na rikishi instɛd ɔf tru, dɔn tinap traŋa wan na di land; bikɔs dɛn de kɔmɔt frɔm wan ivul tin to ɔda wan, ɛn dɛn nɔ no mi.

Ayzaya 5:18

Swɛ go fɔdɔm pan wan dɛn we de kɔmit sin wit bɔku bɔku laylay, di wan dɛn we de waka wit sin biɛn dɛn lɛk we dɛn de drɔ ɔmɔlanke,

Prɔvabs 4:16

As fɔ dɛn, dɛn nɔ go slip pas dɛn dɔn du bad; slip nɔ go de na dɛn yay te dɛn dɔn du pɔsin bad.

Di Sam Dɛm 140:3

Dɛn siti dɛn shap lɛkɛ snek yon; di wɔd we de kɔmɔt na dɛn mɔt fiba di pɔyzin we de kɔmɔt na snek mɔt.

Di Sam Dɛm 64:3

Di wɔd na dɛn mɔt shap pas nɛf, dɛn wɔd dɛn tan lɛk pɔyzin we kin kil pɔsin

Di Sam Dɛm 50:19

“Una de yuz una mɔt fɔ pwɛl pipul ɛn na soso rikishi ɛn dabaru tɔk ful una mɔt.

Di Sam Dɛm 7:14

Da pɔsin we na bad de nɔmɔ nain at, go de mɛmba bad ɔltɛm fɔ ɔda pipul, ɛn go de lay pan dɛn.

Job 11:3

Noto di bɔku tɔk we yu de pan, go mek wi nɔ tɔk, ɛn if yu de provok wi, wi go ansa yu.

Jɛnɛsis 19:11

Dɔn dɛn mek ɔl di man dɛn we bin de na do dɛn yay blɛn so dat dɛn nɔ go ebul fɔ si di domɔt.

Di Sam Dɛm 52:3

Yu lɛk fɔ pwɛl ɛn nɔ de mek yu lɛk fɔ lay pas fɔ tɔk tru.

Jɛrimaya 7:28

Ɛn yu go tɛl dɛm se, ‘Na di neshɔn dis we nɔ yɛri PAPA GƆD we na dɛn Gɔ in wɔd, ɛn nɔ gri mek i kɔntrol dɛm; di tru dɔn day; i nɔ de na dɛn mɔt igen

Jɛrimaya 12:6

Bikɔs, ivin yu brɔda dɛn ɛn yu di wan dɛn we de na yu papa in os sɛf dɔn mek yu dakadeke; dɛn de tigi tigi biɛn di wan dɛn we de agens yu; nɔ biliv dɛm, ɔl we dɛn de tɔk faynfayn wan to yu.”

Jɛrimaya 12:13

Dɛn dɔn plant wit, ɛn dɛn avɛst chuk chuk, dɛn dɔn yagba dɛnsɛf te dɛn dɔn taya, bɔt nɔ prɔfit natin. Dɛn go shem fɔseka dɛn avɛst fɔseka PAPA GƆD in bad bad vɛksteshɔn.”

Jɛrimaya 13:23

Pɔsin we kɔmɔt Itiopia go ebul chenj in bɔdi in kɔla ɔ lɛpɛt wep in spɔt dɛm kɔmɔt? So una we na fɔ du bad nɔmɔ de na una blɔd, kin ebul du gud.

Jɛrimaya 51:58

“Na dis PAPA GƆD Ɔlmayti se: Di brɔd wɔl na Babilɔn, go fɔdɔm flat na grɔn ɛn dɛn go bɔn in ay get dɛm wit faya. Di pipul dɛm de lebɔ fɔ natin, ɛn di neshɔn dɛm taya dɛnsɛf nɔmɔ fɔ faya.

Jɛrimaya 51:64

ɛn tɔk se, ‘Na so Babilɔn go sink nɔ fɔ grap igen, fɔseka di bad bad tin we a de mek mit am.’” Na Jɛrimaya in wɔd dɛm dɛnwanya so fa.

Malakay 2:10

Dɛn aks dɛnsɛf se if nɔto di sem papa dɛn gɛt ɛn if nɔto di wan PAPA GƆD mek dɛn ɔl. Dɛn gri se if na so, dɛn nɔ fɔ ambɔg di Kɔvinant we dɛn fɔstɛm-papa bin dɔn mek.

Di Jɔj Dɛm 2:10

We da jɛnareshɔn de day, di ɔda Jɛnareshɔn we kam nɔ bin no PAPA GƆD, ɛn dɛn nɔ bin no bɔt di wɔnda dɛn we i bin dɔn wok fɔ Izrɛl.

Prɔvabs 12:5

Pɔsin we de waka tret na PAPA GƆD in yay de mekɔp gud tin ɔltɛm, bɔt bad pɔsin nɔ de mɛmba gud fɔ in kɔmpin.

Jɛrimaya 4:22

“Bikɔs mi pipul dɛn fulish, dɛn nɔ no mi; dɛn na styupid pikin dɛm, dɛn nɔ de ɔndastand natin. Dɛn gɛt skil fɔ du ivul tin dɛm, bɔt dɛn nɔ no aw fɔ du gud.”