Jɛrimaya 9:4 - Krio Fɔs Oli Baybul

⁴ Lɛ ɔlman tek tɛm wit in neba, ɛn nɔ biliv nɔn brɔda; bikɔs ɔl di brɔda dɛn disitful, ɛn ɔl neba de go ɔlɔbɔt de koŋosa.

Jɛrimaya 9:4 Referans Kwoze

Jɛrimaya 6:28

Dɛn na traŋayes rebɛl dɛm, we de ɔlɔbɔt de koŋosa; dɛn na bras ɛn ayɛn, dɛn ɔl kɔrɔpt.

Matyu 10:21

“Brɔda go mek dɛn kil in brɔda, dadi go mek dɛn kil in pikin, ɛn pikin go mek dɛn kil in mami ɛn dadi.

Lɛvitikɔs 19:16

Nɔ fɔ sidɔm pan pwɛl nem midul pipul, ɛn nɔ mek pɔsin lɔs in layf bikɔs yu want in prɔpati.

Jɛrimaya 12:6

Bikɔs, ivin yu brɔda dɛn ɛn yu di wan dɛn we de na yu papa in os sɛf dɔn mek yu dakadeke; dɛn de tigi tigi biɛn di wan dɛn we de agens yu; nɔ biliv dɛm, ɔl we dɛn de tɔk faynfayn wan to yu.”

Prɔvabs 25:18

Pɔsin we de lay pan in kɔmpin kin kil, lɛk aw wɛpɔn de kil.

Prɔvabs 10:18

Udat de ayd in bad at na layman, ɛn yu de koŋosa na fulman.

Di Sam Dɛm 15:3

i nɔ de pwɛl in kɔmpin in nem, du bad to am ɛn nɔ miks pan koŋosa,

Jɛnɛsis 32:28

Nain di man tɛl am se in nɔ go nem Jekɔb igen In nem naw na Izrɛl bikɔs i dɔn chalenj wit PAPA GƆD ɛn mɔtalman, ɛn i dɔn win.

Fɔs Lɛta Fɔ Tɛsalonayka 4:6

Wɛn i kam pan dis kayn tin, dat na, aw man fɔ biev to uman, i nɔ fɔ du in kɔmpin Kristiɛn bad. Wi bin dɔn wɔn una traŋa wan se Gɔd go pɔnish ɛnibɔdi we de du ɔl dɛn kayn tin ya.

Lyuk 21:16

Ivin una mama ɛn papa dɛn, una brɔda ɛn sista dɛn, una fambul dɛnsɛf ɛn una padi dɛn go kɛr una go kot ɛn dɛn go kil sɔm pan una.

Matyu 10:17

Una go kɛlɛkɛlɛ, bikɔs di Ju pipul dɛn go ol una ɛn kɛr una go kot, ɛn dɛn go bit una na dɛn Ju mitin os.

Izikɛl 22:9

Sɔm man dɛn de de we de tɔk bad tin dɛm bɔt pɔsin dɛm, ɛn pwɛl dɛm so dat dɛn go kil dɛm; ɔda man dɛn de we de mek sakrifays na dɛn mawnten; sɔm man dɛn de rud midul una.

Prɔvabs 6:16

Siks tin dɛn de we PAPA GƆD nɔ lɛk, infakt na sɛvin sɛf we i et bad, bad wan: Pɔsin we fil tu gud bɔt insɛf, pɔsin we lɛk fɔ lay, pɔsin we de kil fɔ natin, dɛn at we de plan bad tin, fut we de magomago fɔ du bad, witnɛs we de lay ɔlkayn lay ɛn koŋosa, ɛn we de briŋ plaba bitwin padi dɛn.

Di Sam Dɛm 101:5

A go kil udat de go rawnd ɛn pwɛl in kɔmpin; dɔn i de kak, a nɔ go tɔlaret am.

Ayzaya 59:13

fɔ kɔmit sin, ɛn de dinay PAPA GƆD, ɛn tɔn kɔmɔt, lɛf fɔ fala wi Gɔd, de tɔk aw fɔ sɔprɛs pipul ɛn fɔ ribɛl, de plan na dɛn maynd, ɛn de tɔk laylay wɔd kɔmɔt na wi at.

Jɛrimaya 9:8

Dɛn tɔŋ na aro we de kil pɔsin; i de disiv pipul; dɛn de tɔk pisfuli to dɛn neba dɛn wit dɛn mɔt, bɔt insay in at, i de plan fɔ du am bad.

Malakay 2:10

Dɛn aks dɛnsɛf se if nɔto di sem papa dɛn gɛt ɛn if nɔto di wan PAPA GƆD mek dɛn ɔl. Dɛn gri se if na so, dɛn nɔ fɔ ambɔg di Kɔvinant we dɛn fɔstɛm-papa bin dɔn mek.

Prɔvabs 4:16

As fɔ dɛn, dɛn nɔ go slip pas dɛn dɔn du bad; slip nɔ go de na dɛn yay te dɛn dɔn du pɔsin bad.

Prɔvabs 4:17

Fɔ du bad na lɛk bred na dɛn mɔt. Fɔ dɛn, fɛt fɛt, na lɛk wayn fɔ drink.

Ayzaya 9:16

bikɔs di wan dɛn we de lid di pipul de lid dɛn astre, ɛn di wan dɛn we de fala dɛn kin kɔnfyus.