Jɛrimaya 9:26 - Krio Fɔs Oli Baybul

²⁶ Ijipt, Juda, Idɔm, di bɔypikin dɛn na Amɔn, Moab, ɛn ɔl udat tap na di ɛmti ples we pɔsin nɔ go ebul tap, we de krep rawnd dɛn ed; bikɔs ɔl dɛn neshɔn dɛn de nɔ sakɔmsayz, ɛn di wanol Izrɛl dɛn at nɔ sakɔmsayz.”

Jɛrimaya 9:26 Referans Kwoze

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

Lɛvitikɔs 26:41

we bin mek PAPA GƆD insɛf mek traŋayes ɛn nɔ lisin to dɛn bifo dat i mek dɛn go ɛgzayl na dɛn ɛnimi dɛn land; if dɛn we lɛf nɔ mek traŋayes bɔt lisin to PAPA GƆD ɛn aksɛpt di pɔnishmɛnt fɔ dɛn sin;

Izikɛl 44:7

dat na we una de mek fɔrena, dɛn wan dɛn we dɛn at ɛn flɛsh nɔ sakɔmsayz, fɔ kam na di ples we una de pre to mi, ɛn mek am dɔti na mi yay, we una de ɔfa mi it, di fat ɛn di blɔd. Una dɔn brok mi Kɔvinant ɛn dis ad to ɔl di tin dɛn we una de du we a et bad bad wan.

Apɔsul Dɛn Wok 7:51

“Una na traŋayes pipul! Gɔd nɔ de na una at, una nɔ de lisin to Gɔd in mɛsej! Una jɛs tan lɛkɛ una grampapa papa dɛn: unasɛf nɔba gri fɔ du ɛnitin we Gɔd in Spirit tɛl una fɔ du.

Jɛrimaya 49:32

Dɛn kamɛl dɛm go tɔn tin fɔ tek kɛr go afta wa, ɛn dɛn kaw dɛn go tɔn tin fɔ tek fri. A go skata lɛft ɛn rayt, dɛn wan we de krep rawnd dɛn ed, ɛn a go mek dɛn kalamiti mit dɛm ɔlɔbɔt. Na so PAPA GƆD se.

Izikɛl 44:9

Fɔseka dat na dis PAPA GƆD se: nɔn fɔrena, we in at ɛn flɛsh nɔ sakɔmsayz pan ɔl di fɔrena dɛn we de na Izrɛl nɔ fɔ go usay dɛn de pre to mi.

Ditarɔnɔmi 30:6

PAPA GƆD go chenj dɛn ɛn dɛn jɛnareshɔn dɛn at, so dat dɛn go lɛk PAPA GƆD we na dɛn PAPA GƆD wit ɔl dɛn at ɛn wit ɔl dɛn sol so dat dɛn go kɔntinyu fɔ de na di land.

1 Samiɛl 14:6

Jonɛthan tɛl in bɔbɔ we kin tot in tin dɛn fɔ fɛt se lɛ dɛn go na dɛn ithɛn dɛn bes sɔntɛm PAPA GƆD go ɛp dɛn as PAPA GƆD de yuz bɔku pipul ɔ smɔl pipul if i wan fɔ ɛp pipul.

1 Samiɛl 17:26

Devid aks di man dɛn we bin tinap nia am wetin go apin to di man we go kil di Filistin ɛn pul Izrɛl pan shem ɛn disgres. I se udat dis ithɛn bi we i fɔ de chalenj PAPA GƆD we nɔ de day in amiman dɛn.

Jɛrimaya 6:10

Udat a go tɔk to ɛn wɔn, so dat dɛn go yɛri? I bi se, dɛn yes dɛn lɔk, dɛn nɔ ebul lisin; I bi se, to dɛm, PAPA GƆD in wɔd na tin fɔ laf, dɛn nɔ gɛt tɛm fɔ am.

Jɛrimaya 10:1

Izrɛl, una yɛri di wɔd we PAPA GƆD de tɛl una.

Jɛrimaya 40:11

Semweso, wɛn ɔl di Ju dɛm we bin de na Moab, ɛn di wan dɛn we bin de wit dɛn Amɔnite dɛm, ɛn di wan dɛn na Idɔm ɛn ɔda say, yɛri se di kiŋ na Babilɔn dɔn lɛf sɔm pipul na Juda, ɛn dɔn pik Gɛdalaya we na Aikam in bɔypikin Shafan in grampikin fɔ bi Gɔvna oba dɛm,

Izikɛl 31:18

So na us wan yu fiba fɔ glori ɛn impɔtant pan di tik dɛn na Idɛn? Dɛn go briŋ yu kam dɔŋ wit di tik dɛn na Idɛn na di ɔndawɔl; yu go ledɔm de, wit dɛn wan we nɔ sakɔmsayz, wit dɛn wan we sɔd kil. “Dis na Fɛro wit ɔl in krawd dɛn. Na so PAPA GƆD se.”

Izikɛl 32:19

‘na udat yu fayn pas bad bad wan? Go dɔŋ ɛn go lidɔm wit dɛn wan we nɔ sakɔmsayz