Jɛrimaya 9:24 - Krio Fɔs Oli Baybul

²⁴ bɔt le udat de bost, bost se in ɔndastand mi ɛn no mi, ɛn dat mi na PAPA GƆD we mi lɔv nɔ de shek, a de trit ɔlman di sem, ɛn a de waka tret na dis wɔl; bikɔs na dɛn tin ya de mek a gladi; na so PAPA GƆD se.

Jɛrimaya 9:24 Referans Kwoze

2 Kɔrint 10:17

Bɔt wi fɔ du lɛkɛ aw dɛn rayt na Gɔd in Buk, we dɛn se, “Ɛnibɔdi we want bost, fɔ bost bɔt di wok we di Masta dɔn du.”

Lɛta Fɔ Galeshya 6:14

Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi.

1 Kɔrint 1:31

Na dat mek wi ɔndastand wetin dɛn rayt na Gɔd in Buk, dat is, “If ɛnibɔdi want bost, mek i bost bɔt wetin Gɔd dɔn du fɔ am.”

Mayka 6:8

Bɔt i dɔn sho una wetin gud ɛn wetin i want. Dat na fɔ lɛ una trit una kɔmpin fia wan, ɛn lɛk fɔ du gud, gɛt lɔv we nɔ de ɛva chenj ɛn put unasɛf dɔŋ fɔ du wetin PAPA GƆD want una fɔ du.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Di Sam Dɛm 44:8

Wi go bost ol de bɔt wetin PAPA GƆD dɔn du ɛn wi go prez in nem sote go.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Di Sam Dɛm 51:1

PAPA GƆD av masi pan mi, bikɔs di lɔv we nɔ de ɛva chenj. Bikɔs yu gɛt sɔri-at, wep mi sin kɔmɔt pan mi.

Di Sam Dɛm 91:14

PAPA GƆD se in nɔ go mek natin du am bikɔs i lɛk am i se in go kɔba am bikɔs i no am.

1 Samiɛl 15:22

Nain Samiɛl se “PAPA GƆD want yu fɔ bɔn sakrifays to am ɔ i want yu fɔ du wetin go mek i gladi? No se fɔ du wetin PAPA GƆD se fɔ du, bɛtɛ pas di sakrifays we yu de mek to am.

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Ayzaya 41:16

una go fana dɛm, ɛn briz go blo dɛn go, ɛn ebi ebi tinada go skata dɛn. Ɛn yu go gladi insay PAPA GƆD; nainsay di Oli Wan na Izrɛl, una go glori.

Lɛta Fɔ Rom 5:11

Nɔto dat nɔmɔ, wi gladi bikɔs Gɔd dɔn mek Jizɔs Krays briŋ wi kam bak to insɛf.

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Ayzaya 61:8

Bikɔs, mi we na PAPA GƆD lɛk jɔstis, A et tif ɛn fɔ de du rɔŋ tin; A go mɔs pe dɛn bak, ɛn a go mek Kɔvinant we go de sote go, wit dɛm.

Di Sam Dɛm 99:4

Dis kiŋ ya in wok big ɛn i de jɔj tret wan; i dɔn mek lɔ na Izrɛl fɔ sho se ɔlman na wan; ɛn mek dɛn no aw fɔ du tin dɛn we rayt.

Lyuk 10:22

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.”

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Ayzaya 45:25

Ɔl Izrɛl in pikin dɛn go gɛt viktri ɛn mek nem insay PAPA GƆD.

Di Sam Dɛm 20:7

Sɔm pipul abop pan dɛn ɔs ɛn karej fɔ fɛt batul, bɔt wi abop pan PAPA GƆD we na wi Gɔd.

Di Sam Dɛm 34:2

Wit ɔl mi at, a go blɔf fɔ wetin PAPA GƆD de du; lɛ udat de sɔfa, yɛri wetin a de se ɛn jɔyn mi fɔ prez PAPA GƆD.

Ayzaya 20:5

Dat go mek dɛn at pwɛl nɔ go no wetin fɔ se, bikɔs ɔf wetin apin to Itiopia we dɛn abop pan ɛn Ijipt we dɛn de bost bɔt.

Jɛrimaya 22:16

PAPA GƆD se, I gi fia jɔjmɛnt to po pipul; da tɛm de ɔltin bin fayn. Dat nɔ sho yu se i no mi?

Di Sam Dɛm 34:3

Kam jɔyn mi, lɛ wi ɔl tɔk bɔt aw PAPA GƆD gud.

Di Sam Dɛm 44:9

Naw yu dɔn lɛf wi to wisɛf ɛn disgres wi; yu nɔ ivin de de wit wi sojaman dɛn we dɛn de go fɛt igen