Jɛrimaya 9:22 - Krio Fɔs Oli Baybul

²² Tɔk se, “Na so PAPA GƆD se: “Dɛn man dɛn dedebɔdi dɛn go fɔdɔm lɛkɛ kaw pupu na fam, lɛkɛ kɔn we nɔbɔdi nɔ gɛda, ɛn nɔbɔdi nɔ go gɛda dɛm.’”

Jɛrimaya 9:22 Referans Kwoze

Jɛrimaya 8:2

ɛn dɛn go prɛd dɛm bifo di san ɛn di mun, ɛn ɔl wetin de ɔp di klawd, we dɛn bin lɛk ɛn bin de sav, di tin dɛn we dɛn bin de rɔn afta, tin dɛn we dɛn bin de fɛn ɛn wɔship; dɛn nɔ go gɛda dɛm bɛr dɛm; dɛn go tan lɛk kaw tɔylɛt na grɔn.

Jɛrimaya 25:33

“Ɛn di wan dɛn we PAPA GƆD go kil da de de, go kɔmɔt frɔm wan say na wɔl to di ɔda. Nɔbɔdi nɔ go kray fɔ dɛm, ɔ gɛda dɛm ɔ bɛr dɛm; dɛn go tɔn manyɔ na grɔn.

Zɛfinaya 1:17

PAPA GƆD se in go mek di man dɛn at pwɛl, dɔn dɛn go bigin du tiŋs lɛk udat blɛn bikɔs dɛn ɔl dɔn sin; dɛn blɔd nɔ go min natin igen ɛn dɛn dedebɔdi ɔl go skata na grɔn we nɔbɔdi nɔ go bisin.

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Di Sam Dɛm 83:10

Yu dɔnawe wit dɛn na Ɛndɔ yu mek dɛn fiba dɔti na grɔn.

Jɛrimaya 7:33

Ɛn dɛn pipul ya dɛn dedebɔdi dɛm, go bi it fɔ dɛn bɔd dɛn we de flay ɔp di klawd, ɛn fɔ dɛn wayl animal dɛn na wɔl; ɛn nɔbɔdi nɔ go skyad dɛm.

2 Kiŋ 9:37

ɛn in bɔdi go tan lɛk dɔti na grɔn we nɔbɔdi nɔ go no se na Jɛzibɛl in bɔdi dat.

Jɛrimaya 6:21

Fɔseka dat na dis PAPA GƆD se: “A de tɛl una, A go put blɔk we de mek pɔsin fɔdɔm bifo dɛn pipul ya, blɔk we de mek pɔsin fɔdɔm we dɛn go bɔk dɛn fut pan; di papa dɛm ɛn di bɔypikin dɛm togɛda, neba ɛn padi go day.”

Ditarɔnɔmi 8:17

Mozis wɔn dɛn lɛ dɛn nɔ kak dɛn fɛda se na bay dɛn yon swɛt dɛn bin tek gɛntri.

2 Kiŋ 20:13

Ɛzikaya gladi fɔ di trenja dɛn ɛn sho dɛn ɔl wetin i gɛt nain sto: di silva, gold, spays, pafyum wit ɔl in ams ɛn amyunishɔn. Natin nɔ de we Ɛzikaya gɛt we i nɔ sho dɛn.

2 Kiŋ 20:15

I aks am bak se we dɛn kam wetin dɛn si. I ansa am se dɛn si ɔltin nain os, ɛn natin nɔ de pan in jɛntri we i nɔ sho dɛn.

Job 5:13

I de mek di wan dɛn we dig ol fɔ ɔda pɔsin, fɔdɔm insay di ol; ɛn wetin dɛn plan nɔ ol wata.

Di Sam Dɛm 49:7

Nɔbɔdi nɔ ebul bay in kɔmpin in layf ɔ pe PAPA GƆD mɔni fɔ mek i gɛt layf we go de sote go.

Prɔvabs 18:11

We man gɛt mɔni, prɔblɛm nɔ de ebul am; i kin de fil se in mɔni na ɔltin.

Prɔvabs 23:4

Nɔ kil yusɛf yu de fɛn jɛntri, tek tɛn fɔ du am;

Abakɔk 1:11

Dɛn de du wetin dɛn fil fɔ du as dɛn fil se bikɔs dɛn gɛt pawa, dɛn na PAPA GƆD.