Jɛrimaya 9:18 - Krio Fɔs Oli Baybul

¹⁸ lɛ dɛn mekes kam ɛn kam bigin kray fɔ wi, so dat wata go rɔn wi yay, ɛn wi yay in kɔba go bɔs wata.

Jɛrimaya 9:18 Referans Kwoze

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Ayzaya 22:4

Na dat mek a se: “Nɔ luk mi lɛf mi mek a kray bita bita wan; nɔ waala yusɛf fɔ koks mi fɔseka di nyakanyaka we dɛn nyakanyaka mi pipul dɛn gyal pikin.”

Lamɛnteshɔn 2:18

Ala lawd lawd wan to PAPA GƆD yu Jerusɛlɛm in gyal pikin! Lɛ wata kɔmɔt na yu yay lɛk we big ren de kam ol de ɛn ol nɛt! Nɔ blo atɔl, nɔ gi yu yay nɔn blo blo!

Lamɛnteshɔn 2:11

Kray dɔn mek mi yay taya; mi bɛlɛ de bwɛl; a gɛt tin we de mɔna mi na mi at bikɔs dɛn dɔn nyakanyaka Jerusɛlɛm, bikɔs pikin ɛn bebi dɛn de fent na di trit dɛn na di siti.

Lamɛnteshɔn 1:2

Ebri nɛt, i kin de kray bita bita wan, wata de rɔn dɔŋ in fes. Pan ɔl in lɔva dɛm, nɔn nɔ lɛf fɔ koks am. Ɔl in padi dɛn dɔn ple am wayo, dɛn dɔn tɔn in ɛnimi.

Jɛrimaya 13:17

Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Jɛrimaya 9:20

Una dɛn uman dɛm, una yɛri PAPA GƆD in wɔd, ɛn lɛ una yes dɛn lisin gud wetin de kɔmɔt nain mɔt; una tich una gyal pikin aw fɔ kray, ɛn ɔlman tich in neba wan wan bɛrin siŋ.

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Jɛrimaya 6:26

Yu mi pipul dɛn gyal pikin, go wɛr saklɔth, ɛn rol rolpan ashis; mek sɔri lɛk na fɔ yu wangren bɔypikin yu de munin fɔ, kray bita bita wan pas ɔl; bikɔs i nɔ go te igen, di wan we de kil pipul dɔn kam fɔ kil wi.

Lyuk 19:41

Wɛn Jizɔs rich klos Jerusɛlɛm, as i si di tɔŋ so, i bigin kray fɔ am.

Di Sam Dɛm 119:136

Wata kin kɔmɔt na mi yay we a si aw pipul de disobe yu lɔ dɛn.

Jɛrimaya 7:29

Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Lamɛnteshɔn 3:48

Bɔku bɔku wata de kɔmɔt na mi yay we a de kray bikɔs dɛn dɔn nyakanyaka mi pipul dɛn gyal pikin.

Emɔs 5:16

Dis na wetin PAPA GƆD, we na GƆD Ɔlmayti PAPA GƆD se bikɔs ɔf traŋayes: “Big big kray go de na ɔl dɛn trit ɛn kɔna. Ɔlman go de ala “woyo, woyo!” Dɛn go sɛn kɔl dɛn ɔdinari fama dɛn ɛn dɛn pipul we dɛn kin pe fɔ kray na bɛrin fɔ kray fɔ una.

Jɛrimaya 3:24

“Bɔt frɔm we una yɔŋ, di shemful biznɛs pwɛl ɔl wetin wi fɔstɛmpapa dɛn dɔn wok fɔ, dɛn ship ɛn dɛn kaw, ɛn dɛn bɔy ɛn gyal pikin dɛm.

Jɛrimaya 3:25

Lɛ wi lidɔm pan wi shem, ɛn lɛ wi disrɛspɛkt kɔba wi; bikɔs wi dɔn kɔmit sin agens PAPA GƆD we na wi Gɔd, wi ɛn wi papa dɛm, frɔm we wi yɔŋ, te tide; ɛn wi nɔ dɔn obe PAPA GƆD we na wi Gɔd in vɔys.”

Jɛrimaya 4:20

Dizasta fala Dizasta siriɔs wan, di wanol land lɛf ɛmti ɛn yuslɛs. Wantɛm wantɛm so, mi tɛnt dɛn dɔn pwɛl, bifo yu mekɔp, mi kɔtin sɛf dɔn pwɛl.

Lamɛnteshɔn 2:13

Wetin a go se bɔt yu, wetin a go tek kɔmpia yu yu Jerusɛlɛm in gyal pikin? Wetin a go tek se una fiba, so yu at go kol, yu vajingyal na Zayɔn? Di nyakanyaka we dɛn nyakanyaka yu, big lɛk di si; udat go ebul mek yu lɛk aw yu bin de?