Jɛrimaya 9:16 - Krio Fɔs Oli Baybul

¹⁶ A go skata dɛm na difrɛn difrɛn neshɔn dɛn we dɛm o, dɛn fɔstɛmpapa dɛm o, nɔ no wande; ɛn a go de kil kil dɛm, te a kil dɛn dɔn.”

Jɛrimaya 9:16 Referans Kwoze

Izikɛl 5:12

Wan tɔd pan una go day wit bad bad sik dɛn, ɛn na so una nɔ go gɛt it fɔ it at ɔl, ɛn una go day; na chap dɛn go chap chap di sɛkɛn pat dɛn wit sɔd ɔlsay; dɛn a go skata di las pat ɔlsay we briz de blo, ɛn mi go pul di sɔd kɔmɔt nain kes de biɛn dɛm.

Izikɛl 5:2

Sheb di ia tri pat ɛn bɔn wan pat na faya midul di siti di de afta di blɔked dɔn; yu go tek di ɔda pat pan di tri pat ɛn nak nak am wit sɔd rawnd di siti; dɔn yu go skata di las wan na briz ɛn mi go pul di sɔd kɔmɔt nain kes de biɛn dɛm.

Ditarɔnɔmi 28:64

I tɛl dɛn se PAPA GƆD go skata dɛn ɔlsay na di wɔl, ɛn na de dɛn go wɔship dɛn tik ɛn ston gɔd dɛn, we dɛn ɛn dɛn fɔstɛm-papa dɛn nɔ ɛva no.

Lɛvitikɔs 26:33

Dɛn go skata ɔlɔbɔt we dɛn ɛnimi dɛn go jɛs de atak dɛn; di land go pwɛl kpatakpata ɛn di siti dɛn ɔl go pwɛl.

Jɛrimaya 44:27

Biliv mi, a de wach dɛm fɔ du dɛm bad ɛn nɔto fɔ du dɛm gud; ɔl di man dɛm we kɔmɔt Juda go tap na Ijipt go day na wa ɛn wit bad bad aŋri, te nɔn pan dɛn nɔ lɛf.

Jɛrimaya 13:24

A go skata una lɛk chaf chaf we briz we kɔmɔt na ɛmti ples we pɔsin nɔ go ebul tap, de blo.

Jems 1:1

Na mi Jems we de wok fɔ Gɔd ɛn wi Masta Jizɔs Krays, de rayt to ɔl Gɔd in pipul dɛn we skata ɔlɔbɔt na wɔl. A de tɛl una ɔl adu!

Zɛkaraya 7:14

I se in go mek dɛn skata lɛk we tinada de blo go usay dɛn nɔ no bɔt dɛn. Na so di land we dɛn lɛf tek ɛmti. Da fayn fayn ples de ɛmti so.

Izikɛl 20:23

Pantap dat a bin swɛ to dɛn na di say we ɛmti ɛn natin nɔ de, se, a go skata dɛm na ɔl di difrɛn neshɔn dɛm, ɛn sheb sheb dɛm ɔlsay na di difrɛn difrɛn kɔntri dɛm,

Izikɛl 14:17

“Ɔ if a briŋ fɛt kan na di land, ɛn se lɛ di fɛt de ɔlsay na di land; ɛn mek nɔn mɔtalman ɔ animal nɔ tap de;

Izikɛl 12:15

Ɛn dɛn go no se na mi na PAPA GƆD, wɛn a go dɔn sheb dɛn na di difrɛn neshɔn dɛn ɛn skata dɛn na di difrɛn kɔntri dɛn.

Izikɛl 11:17

So tɛl dɛn se, “Papa Gɔd we na Gɔd se: A go gɛda una kɔmɔt to di difrɛn pipul dɛm, ɛn gɛda una kɔmɔt na di difrɛn kɔntri dɛm we una bin skata go, ɛn a go gi una di land ɔf Izrɛl.’

Jɛrimaya 29:17

Na dis PAPA GƆD Ɔlmayti se, A de sɛn wa, bad bad aŋri ɛn siknɛs pan dɛm, ɛn a go mek dɛm lɛkɛ stinkin fig we dɔn so rɔtin dat dɛn kyant it am.

Jɛrimaya 25:27

“Dɔn yu go tɛl dɛm se, ‘Na dis PAPA GƆD Ɔlmayti, we na Izrɛl dɛn Gɔd se: Una drink, mek una drɔnk ɛn vɔmit. Una fɔdɔm ɛn nɔ grap igen, fɔseka di wa we a de sɛn pan una.’

Jɛrimaya 24:10

Ɛn a go sɛn wa, bad bad aŋri ɛn siknɛs pan dɛm, sote dɛn ɔl day kpatakpata kɔmɔt na di land we a gi dɛn ɛn dɛn fɔstɛmpapa dɛm.

Di Sam Dɛm 106:27

I go mek ɔda neshɔn dɛn kil dɛn dɔn udat nɔ day, i go skata dɛn jɛnareshɔn dɛn ɔlɔbɔt.

Nɛimaya 1:8

“Mɛmba wetin yu tɛl yu savant Mozis. Yu se if wi nɔ du wetin yu want wi fɔ du, yu go skata wi ɔlɔbɔt,

Ditarɔnɔmi 32:26

A bin fɔ dɔn kil dɛn ɔl lɔntɛm so nɔbɔdi nɔ go mɛmba dɛn.

Ditarɔnɔmi 28:36

Mozis tɛl di Izrɛlayt dɛn se PAPA GƆD go mek dɛn kɛr dɛn ɛn dɛn kiŋ we dɛn go pik go na kɔntri we dɛn ɛn dɛn fɔstɛm-papa dɛn nɔ bin no wande, usay dɛn go go wɔship gɔd dɛn we dɛn mek wit tik ɛn ston.

Ditarɔnɔmi 28:25

PAPA GƆD go mek dɛn ɛnimi dɛn bit dɛn bad bad wan ɛnitɛm we dɛn atak dɛn. We dɛn go na batul fil, na rɔnawe dɛn go de rɔnawe ɛn skata ɔlɔbɔt. Di wanol wɔl go fred we dɛn go si wetin de apin to dɛn.

Ditarɔnɔmi 4:27

I se PAPA GƆD go mek dɛn skata ɔlɔbɔt na di wɔl ɛn dɛn nɔ go plɛnti na wan say ɛn plɛnti pan dɛn go day.

Jɛrimaya 8:19

Yɛri, mi pipul dɛn gyal pikin dɛn kray, ɔlɔbɔt na di land; “PAPA GƆD nɔ de na Zayɔn? In kiŋ nɔ de de? “Wetindu dɛn provok mi te a vɛks wit dɛn lay lay gɔd dɛn, ɛn wit fɔrin lay lay gɔd dɛm?”

Ɛkliziastis 12:5

di tɛm we yu go de fred fɔ tinap na ay ples, ɛn fred di bad bad tin dɛn we kin apin na trit; we di almɔn tik go dɔn rɛp, ɛn di grasɔpa de drɛg we i de waka, ɛn in filin na layf dɔn dɔn; bikɔs ɔlman fɔ go usay i go de sote go, ɛn pipul dɛn go munin na trit;

Jɛrimaya 7:29

Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Izikɛl 27:2

“naw, yu, mɔtalman, mek wan bɛrin siŋ fɔ Taya,

Emɔs 5:16

Dis na wetin PAPA GƆD, we na GƆD Ɔlmayti PAPA GƆD se bikɔs ɔf traŋayes: “Big big kray go de na ɔl dɛn trit ɛn kɔna. Ɔlman go de ala “woyo, woyo!” Dɛn go sɛn kɔl dɛn ɔdinari fama dɛn ɛn dɛn pipul we dɛn kin pe fɔ kray na bɛrin fɔ kray fɔ una.

Mayka 2:4

We da tɛm de kam, pipul go yuz dɛn mek ɛgzampul fɔ sho aw pɔsin de pe fɔ di bad we i du to ɔda pipul. Di pipul dɛn go mek siŋ bɔt dɛn lɛkɛ se na bɛrin dɛn gɛt: Ɔltin dɔn dɔn fɔ dɛn! PAPA GƆD dɔn pul dɛn land kɔmɔt na dɛn an I dɔn gi am to di wan dɛn we kapchɔ dɛn.