Jɛrimaya 9:15 - Krio Fɔs Oli Baybul

¹⁵ Fɔseka dat, na dis PAPA GƆD Ɔlmayti we na di Gɔd na Izrɛl se: A go fid dɛn pipul dɛn ya wit wɔm wud, ɛn gi dɛn wata we gɛt pɔyzin fɔ drink.

Jɛrimaya 9:15 Referans Kwoze

Jɛrimaya 8:14

Wetin mek wi de sidɔm ɛn nɔ de du natin? Una gɛda wan ples, lɛ wi go na di siti dɛm we gɛt wɔl rawnd go day de; bikɔs PAPA GƆD we na wi Gɔd dɔn swɛ wi fɔ day, ɛn i dɔn gi wi pɔyzin wata fɔ drink, bikɔs wi dɔn kɔmit sin to PAPA GƆD.

Lamɛnteshɔn 3:15

I mek a de sɔfa bad bad wan lɛk udat dɛn fos fɔ swɛla gbangba.

Di Sam Dɛm 80:5

Yu dɔn gi wi trɔbul we tan lɛkɛ bred fɔ it ɛn wata fɔ drink.

Jɛrimaya 23:15

Fɔseka dat, na dis PAPA GƆD Ɔlmayti se bɔt di prɔfɛt dɛm: “Biliv mi, a go fid dɛm wit wɔm wud ɛn gi dɛm wata we gɛt pɔyzin fɔ drink; bikɔs na frɔm dɛn di prɔfɛt dɛm na Jerusɛlɛm ɔngɔdlinɛs kɔmɔt prɛd na di land.”

Rɛvɛleshɔn 8:11

Di sta nem Bita. Wan pam tri pat na di wata we di sta bin fɔdɔm pan bita wantɛm, ɛn plɛnti pipul we drink am day, bikɔs i bin bita.

Lamɛnteshɔn 3:19

Mɛmba di sɔfa we a de sɔfa, we tan lɛk we dɛn fos pɔsin fɔ drink gbangba!

Jɛrimaya 25:15

Na dis PAPA GƆD we na Izrɛl dɛn Gɔd tɛl mi: “Tek di kɔp we gɛt di wayn ɔf vɛksteshɔn na mi an, ɛn mek ɔl di neshɔn dɛn we a de sɛn yu go, drink pan am.

Ayzaya 2:22

Pul at pan mɔtalman we nain nos i de blo, aftawɔd, wetin na mɔtalman?

Ayzaya 2:17

Dɛn go brok prawd mɔtalman in fɛda dɔŋ, ɛn di kak we pipul dɛn de kak go kan dɔŋ; ɛn na PAPA GƆD nɔmɔ dɛn go es ɔp da de de.

Di Sam Dɛm 75:8

PAPA GƆD gɛt wan kɔp we nainsay de i de put ɔl di vɛks we i dɔn vɛks, dis kɔp ya nain jɔjmɛnt. Di vɛks we i dɔn vɛks na di wayn insay di kɔp, i de gi di pɔsin we de du bad di wayn fɔ drink; i go mek i drink ɔl di kɛtɛkɛmu makoloŋ.

Di Sam Dɛm 69:21

Dɛn gi mi pɔyzin fɔ it dɔn we a tɔsti dɛn gi mi viniga fɔ drink.

Di Sam Dɛm 60:3

Yu dɔn mek wi we na yu pipul sɔfa bɔku; yu dɔn gi wi wayn fɔ drink we mek wi de staga.

Ditarɔnɔmi 29:18

Mozis advays di Izrɛlayt dɛn fɔ tek tɛm lɛ nɔn pan di man dɛn, ɔl di uman dɛn, ɔl di famili dɛn ɛn ɔl di fambul dɛn, nɔ go bigin de wɔship dɛn ɔda neshɔn dɛn gɔd, lɛ dɛn nɔ go tan lɛk tik we gɛt rut, bɔt de bia frut we bita ɛn gɛt pɔyzin,

Ditarɔnɔmi 28:36

Mozis tɛl di Izrɛlayt dɛn se PAPA GƆD go mek dɛn kɛr dɛn ɛn dɛn kiŋ we dɛn go pik go na kɔntri we dɛn ɛn dɛn fɔstɛm-papa dɛn nɔ bin no wande, usay dɛn go go wɔship gɔd dɛn we dɛn mek wit tik ɛn ston.

Jɛrimaya 24:10

Ɛn a go sɛn wa, bad bad aŋri ɛn siknɛs pan dɛm, sote dɛn ɔl day kpatakpata kɔmɔt na di land we a gi dɛn ɛn dɛn fɔstɛmpapa dɛm.

Jɛrimaya 44:27

Biliv mi, a de wach dɛm fɔ du dɛm bad ɛn nɔto fɔ du dɛm gud; ɔl di man dɛm we kɔmɔt Juda go tap na Ijipt go day na wa ɛn wit bad bad aŋri, te nɔn pan dɛn nɔ lɛf.

Jɛrimaya 49:37

PAPA GƆD se, A go mek Ilam fred in ɛnimi dɛm, ɛn dɛn wan dɛm we wan fɔ kil dɛm; a go mek bad bad tin mit dɛm wit vɛksteshɔn. A go mek fɛt fɛt mit dɛn sote a kil dɛn ɔl dɔn;

Izikɛl 5:2

Sheb di ia tri pat ɛn bɔn wan pat na faya midul di siti di de afta di blɔked dɔn; yu go tek di ɔda pat pan di tri pat ɛn nak nak am wit sɔd rawnd di siti; dɔn yu go skata di las wan na briz ɛn mi go pul di sɔd kɔmɔt nain kes de biɛn dɛm.

Izikɛl 5:12

Wan tɔd pan una go day wit bad bad sik dɛn, ɛn na so una nɔ go gɛt it fɔ it at ɔl, ɛn una go day; na chap dɛn go chap chap di sɛkɛn pat dɛn wit sɔd ɔlsay; dɛn a go skata di las pat ɔlsay we briz de blo, ɛn mi go pul di sɔd kɔmɔt nain kes de biɛn dɛm.