Jɛrimaya 9:12 - Krio Fɔs Oli Baybul

¹² Udat na di man we so gɛt sɛns dat i kin ɔndastand dɛn tin ya? Udat PAPA GƆD tɔk to we go tɛl di ɔda pipul dɛm? Wetindu ɔltin na di land broko broko ɛn lɛf yuslɛs, lɛk di dray ɛn ɛmti ples, we mek pipul dɛn nɔ de pas de?

Jɛrimaya 9:12 Referans Kwoze

Ozie 14:9

Udat gɛt sɛns fɔ ɔndastand dɛn tin ya; udat ebul fɔ no wetin i min, lɛ i no; bikɔs PAPA GƆD de du wetin rayt ɛn pipul dɛn we rɛspɛkt PAPA GƆD de du wetin i se bɔt udat nɔ du wetin i se go ambɔg.

Di Sam Dɛm 107:43

Udat no wetin bɛtɛ, fɔ de mɛmba ɔl dɛn tin dɛn ya ɛn tink bɔt di kayn lɔv we PAPA GƆD gɛt fɔ mɔtalman.

Di Sam Dɛm 107:34

ɛn usay tik kin gro fayn, in mek natin nɔ bia de, bikɔs di pipul we tap rawnd de bad.

Ditarɔnɔmi 32:29

If na pipul dɛn we bin de tink dɛn bin fɔ dɔn no wetin go bi to dɛn if dɛn du wetin dɛn du so.

Rɛvɛleshɔn 1:3

Blɛsin de fɔ ɛnibɔdi we go rid di wɔd dɛn we de na dis buk, we Gɔd insɛf tɔk, ɛn we gɛt fɔ kam bi. Semwe so, blɛsin de fɔ ɔlman we yɛri dɛn wɔd ya ɛn fala wetin dɛn se, bikɔs di tɛm we dɛn tin ya fɔ bi, nɔ fa igen.

Matyu 24:15

“Una go si di bad bad tin we prɔfɛt Daniɛl bin tɔk bɔt, tinap na Gɔd in Os.” (Una we de rid: una ɔndastand wetin dis min!)

Izikɛl 14:23

We yu si aw dɛn tan ɛn wetin dɛn de du, yu at kol; datɛnde una go no se a nɔ du wetin a du na Jerusɛlɛm fɔ natin na so Papa Gɔd we na Gɔd se so.

Ayzaya 42:23

Us wan pan una go lisin dis, we go put atɛnshɔn ɛn lisin fɔ bambay?

Jɛrimaya 9:20

Una dɛn uman dɛm, una yɛri PAPA GƆD in wɔd, ɛn lɛ una yes dɛn lisin gud wetin de kɔmɔt nain mɔt; una tich una gyal pikin aw fɔ kray, ɛn ɔlman tich in neba wan wan bɛrin siŋ.

Jɛrimaya 23:10

Bikɔs di land ful wit pipul dɛn we de kip pipul man ɛn wɛf; di land de munin fɔseka di swɛ, ɛn di say dɛn we plɛnti gras de gro fɔ fid animal na di dray ɛn ɛmti ples, dɔn dray. Ɔl wetin dɛn de du, ivul, ɛn dɛn de misyuz dɛn pawa.

Jɛrimaya 23:16

Na dis PAPA GƆD Ɔlmayti se: “Una nɔ lisin wetin di prɔfɛt prɔfisay to una, fɔ mek una jɛs de abop fɔ natin; na wetin de na dɛn maynd dɛn de tɔk, nɔto wetin PAPA GƆD se.

Jɛrimaya 23:22

Bɔt if dɛn bin dɔn de na mi kansul datɛnde na wetin a se dɛm bin fɔ tɛl mi pipul dɛm, ɛn dɛn bin fɔ dɔn chenj kɔmɔt pan dɛn ivul we, ɛn kɔmɔt pan di ivul tin dɛn we dɛn de du.

Jɛrimaya 23:28

PAPA GƆD se, Lɛ di prɔfɛt we drim, tɔk bɔt di drim, bɔt lɛ di wan we gɛt mi wɔd, prich mi wɔd wit ɔl in at. Ɛnitin de pan strɔ we mek in ɛn wit fiba?

Joɛl 1:11

I se dɛn fama dɛn fɔ kɔnfyus ɛn sɔprayz, di wan dɛn we kin mek wayn fɔ kray we dɛn si wetin dɔn apin to di wit ɛn bali; bikɔs dɛn nɔ ebul pul natin igen, ɔltin dɔn pwɛl.

Zɛfinaya 3:6

PAPA GƆD se pan ɔl we i dɔn dɔnawe wit dɛn neshɔn dɛn, ɛn nyamanyama dɛn siti, dɛn traŋa os ɛn wɔl dɛn. I dɔn mek dɛn trit dɛn fiba ples we nɔ fɔ pas, i dɔn mek di siti dɛn nɔ fit fɔ natin ɛn nɔ ivin lɛf wan pɔsin insay de.

Ozie 4:10

I se dɛn go it bɔt dɛn nɔ go ɛva satisfay wit wetin dɛn gɛt, dɛn go wɔship ɔda gɔd dɛn bɔt natin nɔ go kɔmɔt biɛn dat; bikɔs dɛn lɛf PAPA GƆD, we na dɛn Gɔd fɔ wɔship ɔda gɔd dɛn.