Jɛrimaya 9:11 - Krio Fɔs Oli Baybul

¹¹ A go mek Jerusɛlɛm broko broko ples we ɔltin pak pantap in kɔmpin, ples we na so so Jakal tap; di siti dɛn na Juda go tɔn ɛmti ples we pɔsin nɔ go ebul tap, ples we anch sɛf nɔ de.”

Jɛrimaya 9:11 Referans Kwoze

Ayzaya 25:2

Bikɔs yu dɔn tɔn di siti to dɔti ip, di siti we gɛt protɛkshɔn dɔn broko broko; dɛn fɔrina dɛn kiŋ os nɔto siti igen, dɛn nɔ go eva bil am bak.

Jɛrimaya 51:37

ɛn Babilɔn go tɔn ruin payl, we dɛn Jakal dɛn go de ɔltɛm, ples we pipul go fred ɛn de sɔktit, ɛn we nɔbɔdi nɔ tap.

Jɛrimaya 10:22

Una lisin, na rumɔ! Luk, i de kam! –- Big kɔnfyushɔn de na di nɔt kɔntri fɔ kam mek di siti dɛn na Juda ɛmti, ɛn ples we na so so Jakal tap.

Ayzaya 34:13

Chuk chuk go gro usay dɛn abop, na chuk chuk ɛn plant we gɛt chuk chuk go de na dɛn barik dɛm. Jakal dɛn go de pas pas de, ɛn ɔstrich dɛn go tap de.

Ayzaya 13:22

Na aina dɛn go kray nain tawa dɛn, ɛn dɛn Jakal dɛn go kray nain fayn fayn kiŋ os dɛn; in tɛm dɔn rich nia ɛn dɛn nɔ go shub di tɛm go biɛn igen

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Lamɛnteshɔn 3:47

Fred ɛn trɔbul dɔn mit wi, dɛn de nyakanyaka ɔlsay;

Lamɛnteshɔn 2:2

PAPA GƆD nɔ luk biɛn sɛf; i nyakanyaka ɔl di pipul dɛn we bin de na Juda; we i vɛks, i brok brok ɔl di barik dɛn na Juda; i dɔn disgres di kindɔm ɛn di wan dɛn we de rul.

Jɛrimaya 34:22

PAPA GƆD se, A go kɔmand dɛm ɛn briŋ dɛn kam bak na dis siti; ɛn dɛn go fɛt una ɛn kapchɔ am, ɛn bɔn am wit faya. A go mek di siti dɛm na Juda tɔn gud fɔ natin ples, ɛn nɔbɔdi nɔ go tap de.

Jɛrimaya 26:18

“Mayka na Mɔrɛshɛt, bin de prɔfisay di tɛm we Ɛzikaya na bin kiŋ na Juda, ɛn i bin tɛl ɔl di pipul dɛn na Juda se: ‘Na dis PAPA GƆD Ɔlmayti se, Dɛn go dig Zayɔn lɛkɛ fam; Jerusɛlɛm go tɔn dɔti ip, ɛn di il na PAPA GƆD in os, go tɔn fɔrɛst.

Jɛrimaya 25:11

Dis wanol land go tɔn to broko broko ɛn gud fɔ natin ples, ɛn dɛn neshɔn dɛn ya go sav di kiŋ na Babilɔn fɔ sɛvinti ia.

Di Sam Dɛm 79:1

PAPA GƆD, wi ɛnimi dɛn dat na di ithɛn dɛn, dɔn atak wi we na yu yon pipul; dɛn dɔn so pwɛl yu os we oli dat i nɔ fit fɔ pipul fɔ go wɔship igen, dɛn dɔn mek Jerusɛlɛm usay di os de, fiba we ston dɔti mek payl.

Mayka 6:16

Ɔl dis go bi bikɔs una fala wetin Omri de du ɛn ɔl di bad we Eab sɛf de du; ɛn bikɔs ɔf dat, a go mek dɛn ɔda pipul dɛn sɔktit we dɛn si una bikɔs una go dɔn alaki.”

Mayka 1:6

Fɔseka dat PAPA GƆD se i go pwɛl Sameria ɛn mek i bi lɛkɛ aw dɔti de payl na grɔn na di opin fil. Nɔn bɛtɛ tin dɛn nɔ go plant de pas i bi ples fɔ plant greps gadin. Dɛn nɔ go ebul gɛda in stonston sɛf fɔ du ɛni ɔda tin.

Jɛrimaya 26:9

Wetin du yu dɔn prɔfisay wit PAPA GƆD in nem, se, “Dis Os go tan lɛkɛ Shilɔ, ɛn dis siti go bi gud fɔ natin, ɛn nɔbɔdi nɔ go tap de?” Ɛn ɔl di pipul dɛn gɛda rawnd Jɛrimaya insay PAPA GƆD in os.

Jɛrimaya 25:18

Jerusɛlɛm ɛn di siti dɛn na Juda, in kiŋ dɛm ɛn bigman dɛm, fɔ mek dɛm gud fɔ natin ɛn ɛmti, ples fɔ sɔktit ɛn ples we gɛt swɛ te tide;

Ayzaya 44:26

we de pruv wetin in wokman se, ɛn de mek shɔ se wetin in mɛsenja dɛn se, bi; we tɔk bɔt Jerusɛlɛm se, ‘Pɔsin dɛn go tap de,’ ɛn bɔt di siti dɛn na Juda, se, ‘Dɛn go bil dɛn ɛn a go mek ɔl usay brok brok, bak’;

Nɛimaya 4:2

Usay ɔl in kɔmpin ɛn di sojaman dɛn we kɔmɔt Sameria de, nain i se “Wetin dɛn daydo Ju man tink se dɛn de du? Dɛn go ebul bil di wɔl bak? Dɛn go ebul mek sakrifays? Dɛn go tek wangren de fɔ dɔn di wok? Dɛn ston de we dɔn bɔn ɛn nyamanyama, wetin dɛn go ebul du wit dɛn?”

Rɛvɛleshɔn 18:2

I ala lawd wan se, “Babilɔn, da tɔŋ we ɔlman no, dɔn pwɛl, i dɔn pwɛl pata pata; na ɔl kayn bad spirit tap de naw, ɔl dɛn wan we kɔmɔt to Setan; dɛn bad bɔd we pipul nɔ lɛk na dɛn dɔn go gɛda de.

Lɛvitikɔs 26:32

I se in go so nyamanyama di land dat dɛn ɛnimi dɛn we bin dɔn go tap de bay fos go wɔnda.

Di Sam Dɛm 44:19

Yu dɔn lɛf wi mek wayl animal atak wi ɛn lɛf wi fɔ day.

Jɛrimaya 1:15

PAPA GƆD se, na dat mek A de kɔl ɔl di trayb dɛn we de na di kindɔm dɛm na di nɔt; ɛn dɛn go kam, ɛn dɛn ɔl go put dɛn tron na di ɛntrans na di get fɔ go insay Jerusɛlɛm, ɛn liŋ dɛn pan ɔl di wɔl dɛn we de rawnd, ɛn pan ɔl di siti dɛn na Juda.

Jɛrimaya 4:27

Bikɔs na dis PAPA GƆD se, “Di wanol land go lɛf ɛmti bɔt a nɔ go pwɛl am kpatakpata.

Jɛrimaya 44:2

PAPA GƆD in wɔd we bin kam to Jɛrimaya bɔt ɔl di Ju dɛm we bin “Na dis PAPA GƆD Ɔlmayti we na Izrɛl dɛn Gɔd se: Una dɔn si ɔl di bad bad tin dɛn we a du to Jerusɛlɛm ɛn to ɔl di siti dɛm na Juda. Luk dɛm de lɛk tide, dɛn nɔ gud fɔ natin, ɛn nɔbɔdi nɔ tap de,

Jɛrimaya 49:33

Azɔ go tɔn ples fɔ dɛn Jakal fɔ tap, ɛn i go tɔn gud fɔ natin ples sote go; nɔbɔdi nɔ go tap de, nɔbɔdi nɔ go slip de sɛf.”

Jɛrimaya 50:3

Bikɔs, na di nɔt wan neshɔn go kɔmɔt kam atak am, we go mek mek in land tɔn gud fɔ natin ples, ɛn nɔbɔdi nɔ go tap de; di mɔtalman ɛn di animal dɛm ɔl go rɔnawe.

Lamɛnteshɔn 1:4

Di rod dɛn we go Zayɔn de munin, bikɔs nɔbɔdi nɔ de go dɛn fist dɛn we PAPA GƆD bin se dɛn fɔ gɛt: ɔl in get dɛn ɛmti, di man dɛn we de mek sakrifays fɔ pipul sin jɛs de pini: dɛn dɔn drɛg ɔl in yɔŋgyal dɛn go, ɛn insɛf de sɔfa bad bad wan.

Ditarɔnɔmi 29:23

we sɔlfa ɛn sɔl go mek di ples dɛn we dɛn fɔ plant nɔ gud fɔ plant. I go tan lɛkɛ Sɔdɔm ɛn Gɔmɔra, ɛn lɛkɛ Adma ɛn Zɛboli we PAPA GƆD bin bɔn we i bin vɛks bad bad wan.

Di Sam Dɛm 107:43

Udat no wetin bɛtɛ, fɔ de mɛmba ɔl dɛn tin dɛn ya ɛn tink bɔt di kayn lɔv we PAPA GƆD gɛt fɔ mɔtalman.

Jɛrimaya 8:22

Mɛrɛsin nɔ de na Giliad? Dɔkta nɔ de de? So wetindu mi pipul dɛn gyal pikin nɔ wɛl te tide?

Jɛrimaya 16:10

“Ɛn wɛn yu tɛl dɛn pipul dɛn ya, ɔl dɛn wɔd ya, dɛn go aks yu se, ‘wetin mek PAPA GƆD dɔn se ɔl dɛn bad bad tin ya fɔ apin to wi? Wetin na wi sin? Us sin i dɔn kɔmit agens PAPA GƆD we na wi Gɔd?