Jɛrimaya 9:10 - Krio Fɔs Oli Baybul

¹⁰ Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Jɛrimaya 9:10 Referans Kwoze

Jɛrimaya 12:4

Aw lɔŋ di land go de sɔri, ɛn di gras na ɔl dɛn fil de wida? Fɔseka di wikɛdnɛs we di wan dɛm we tap de, de du, di animal dɛm ɛn di bɔd dɛm ɔl de day, bikɔs pipul dɛn de tɔk se; “I nɔ go si aw wi go ɛnd.”

Ozie 4:3

Dat mek di land de kray, ɛn ɔl udat tap de, de pan mɔnɛ, wit dɛn wayl animal na bush, dɛn bɔd we de flay ɛn ivin dɛn fish na wata, ɔl go day.

Izikɛl 33:28

Ɛn a go mek di kɔntri wan ples we nɔbɔdi ɛn natin nɔ de ɛn we yuslɛs; ɛn in prawd pawa go dɔn pata; ɛn Izrɛl in mawnten dɛm go so pwɛl pata pata wan dat nɔbɔdi nɔ go pas de

Izikɛl 29:11

Nɔn mɔtalman in fut nɔ go mas pas insay am, ɛn nɔn bist in fut nɔ go mas pas insay am; ɛn nɔbɔdi nɔ go tap de fɔ fɔti ia.

Izikɛl 14:15

If a mek dɛn wayl animal dɛn waka pas insay di land, ɛn dɛn pwɛl pwɛl am, we nɔbɔdi nɔ tap de, so dat nɔbɔdi nɔ go ebul pas de fɔseka di animal dɛn;

Jɛrimaya 12:10

Plɛnti shɛpad dɛn dɔn pwɛl pwɛl usay a de plant greps, dɛn dɔn mas mas mi fam, dɛn dɔn mek mi fayn fayn ples to wan ɛmti ɛn dray, gud fɔ natin ples.

Jɛrimaya 7:29

Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Lamɛnteshɔn 2:11

Kray dɔn mek mi yay taya; mi bɛlɛ de bwɛl; a gɛt tin we de mɔna mi na mi at bikɔs dɛn dɔn nyakanyaka Jerusɛlɛm, bikɔs pikin ɛn bebi dɛn de fent na di trit dɛn na di siti.

Lamɛnteshɔn 1:16

“Na dɛn tin ya mek a de kray; wata de rɔn mi yay; nɔbɔdi nɔ de we de koks mi atɔl, pɔsin we go gi mi kɔrej bak; mi pikin dɛn nɔ gɛt nɔbɔdi bikɔs mi ɛnimi dɔn nak mi dɔŋ.”

Jɛrimaya 23:10

Bikɔs di land ful wit pipul dɛn we de kip pipul man ɛn wɛf; di land de munin fɔseka di swɛ, ɛn di say dɛn we plɛnti gras de gro fɔ fid animal na di dray ɛn ɛmti ples, dɔn dray. Ɔl wetin dɛn de du, ivul, ɛn dɛn de misyuz dɛn pawa.

Jɛrimaya 14:6

Dɛn wayl dɔŋki dɛm tinap na di ɛmti il dɛm, dɛn de blo lɛk we dɛn dɔg kin pul dɛn tɔŋ na do; dɛn nɔ de si bɛtɛ igen bikɔs tin nɔ de fɔ it.

Jɛrimaya 8:18

Mi sɔro nɔ de dɔn, mi at sik.

Jɛrimaya 2:6

Dɛn nɔ bin se, “We PAPA GƆD we bin fɛt pul wi kɔmɔt na Ijipt, we bin de bifo wi na di dray ɛn ɛmti ples, land we na so so ɛmti ples we pipul nɔ ebul tap wit dip dip ol dɛm, land we dak bad bad wan ɛn wata nɔ de, land we pipul dɛn nɔ de pas kɔmɔt wan say go ɔda say, ples we nɔbɔdi nɔ tap?’

Ayzaya 49:19

“Fɔ tru yu ples dɛn we natin ɛn nɔbɔdi nɔ de ɛn yu land we dɔn pwɛl kpatakpata- fɔ tru, yu go tu smɔl naw fɔ di wan dɛn we tap de, ɛn di wan dɛn we bin swɛla yu, go de fawe.

Ayzaya 41:15

Luk, a go mek una di mashin fɔ bit kanda kɔmɔt pan rɛs, we nyu ɛn shap, ɛn gɛt tit; Una go wok pan di mawnten dɛn ɛn nyamanyama dɛn, ɛn una go mek di il dɛn tan lɛk chaf chaf;

Jɛrimaya 50:3

Bikɔs, na di nɔt wan neshɔn go kɔmɔt kam atak am, we go mek mek in land tɔn gud fɔ natin ples, ɛn nɔbɔdi nɔ go tap de; di mɔtalman ɛn di animal dɛm ɔl go rɔnawe.

Izikɛl 27:2

“naw, yu, mɔtalman, mek wan bɛrin siŋ fɔ Taya,

Joɛl 1:13

I se di man dɛn we de mek sakrifays fɔ pipul sin fɔ sɔri ɛn wɛr saklɔth fɔ sho se dɛn sɔri, dɛn fɔ kray as pipul we de sav na di ɔlta. I se dɛn fɔ go insay PAPA GƆD in os wɛr saklɔth fɔ slip. Dɛn we de wok fɔ PAPA GƆD! Bikɔs pipul nɔ ebul mek di gren ɛn drink ɔfrin igen na dɛn PAPA GƆD in os.

Joɛl 1:19

PAPA GƆD, na to yu a de kray o! Faya dɔn pwɛl ɔl usay di animal dɛn fɔ it we de na di ɛmti land we pɔsin nɔ go ebul tap, ɛn di faya dɔn bɔn ɔl di tik dɛn na di fil.

Emɔs 5:1

Una dɛn Izrɛlayt dɛn, una lisin o, una lisin to dis bɛrin siŋ we a de siŋ fɔ una:

Emɔs 5:16

Dis na wetin PAPA GƆD, we na GƆD Ɔlmayti PAPA GƆD se bikɔs ɔf traŋayes: “Big big kray go de na ɔl dɛn trit ɛn kɔna. Ɔlman go de ala “woyo, woyo!” Dɛn go sɛn kɔl dɛn ɔdinari fama dɛn ɛn dɛn pipul we dɛn kin pe fɔ kray na bɛrin fɔ kray fɔ una.

Mayka 2:4

We da tɛm de kam, pipul go yuz dɛn mek ɛgzampul fɔ sho aw pɔsin de pe fɔ di bad we i du to ɔda pipul. Di pipul dɛn go mek siŋ bɔt dɛn lɛkɛ se na bɛrin dɛn gɛt: Ɔltin dɔn dɔn fɔ dɛn! PAPA GƆD dɔn pul dɛn land kɔmɔt na dɛn an I dɔn gi am to di wan dɛn we kapchɔ dɛn.

Jɛrimaya 2:15

Dɛn layɔn dɛm dɔn ala pan am, dɛn dɔn ala lawd lawd wan. Dɛn dɔn mek in land yuslɛs; in siti dɛm dɔn broko broko, ɛn nɔbɔdi nɔ tap de.

Jɛrimaya 12:11

Dɛn dɔn mek i tɔn ɛmti ples; i ɛmti, i de kray to mi. Di wanol land dɔn ɛmti, bɔt nɔbɔdi nɔ bisin.

Lamɛnteshɔn 5:18

bikɔs ɔlman dɔn kɔmɔt lɛf Mawnt Zayɔn; na wulf dɛn de pas pas de.

Izikɛl 6:6

Ɛni big siti dɛn we una tap go ɛmti ɛn dray, ɛn una ples dɛn we una de go wɔship go pwɛl kpatakpata, so dat una ɔlta dɛn go ɛmti ɛn dray ɛn go pwɛl. Una laylay gɔd dɛn go brok ɛn pwɛl, ɛn una insɛns ɔlta dɛn we una de bɔn insɛns go fɔdɔm ɛn natin nɔ go lɛf at ɔl pan ɔl una wok we una dɔn du.

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.