Jɛrimaya 9:1 - Krio Fɔs Oli Baybul

¹ If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Jɛrimaya 9:1 Referans Kwoze

Jɛrimaya 13:17

Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Ayzaya 22:4

Na dat mek a se: “Nɔ luk mi lɛf mi mek a kray bita bita wan; nɔ waala yusɛf fɔ koks mi fɔseka di nyakanyaka we dɛn nyakanyaka mi pipul dɛn gyal pikin.”

Lamɛnteshɔn 2:11

Kray dɔn mek mi yay taya; mi bɛlɛ de bwɛl; a gɛt tin we de mɔna mi na mi at bikɔs dɛn dɔn nyakanyaka Jerusɛlɛm, bikɔs pikin ɛn bebi dɛn de fent na di trit dɛn na di siti.

Jɛrimaya 6:26

Yu mi pipul dɛn gyal pikin, go wɛr saklɔth, ɛn rol rolpan ashis; mek sɔri lɛk na fɔ yu wangren bɔypikin yu de munin fɔ, kray bita bita wan pas ɔl; bikɔs i nɔ go te igen, di wan we de kil pipul dɔn kam fɔ kil wi.

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Ayzaya 16:9

So a kray di kray we Jeza kin kray fɔ di greps tik na Sibma; A sok yu bad bad wan wit di wata we de kɔmɔt na mi yay, Yu Ɛshbɔn ɛn Ilielɛ; bikɔs na pan una frut ɛn una avɛst di wa dɔn fɔdɔm.

Di Sam Dɛm 119:136

Wata kin kɔmɔt na mi yay we a si aw pipul de disobe yu lɔ dɛn.

Di Sam Dɛm 42:3

Di wata we kɔmɔt na mi yay de go insay mi mɔt ɛn nain nɔmɔ na mi it, de ɛn nɛt, ɛn ɔltɛm mi ɛnimi dɛn de provok mi, dɛn de aks usay mi PAPA GƆD de we a de sɔfa so.

Jɛrimaya 4:19

Di pen pasmak! Di pen pasmak! A nɔ go ebul bia igen! O mi at-kes! Mi at de bit fas fas; A nɔ go ebul bia; bikɔs a de yɛri di trɔmpɛt in sawnd, we na di alam fɔ wa.

Jɛrimaya 8:18

Mi sɔro nɔ de dɔn, mi at sik.

Jɛrimaya 9:18

lɛ dɛn mekes kam ɛn kam bigin kray fɔ wi, so dat wata go rɔn wi yay, ɛn wi yay in kɔba go bɔs wata.

Di Sam Dɛm 55:7

A go flay go fawe ɛn tap na di ɛmti land we pɔsin nɔ go ebul tap.

Jɛrimaya 3:10

Pan ɔl dat, in fɔls sista, Juda, nɔ kam bak to mi wit ɔl in at, bɔt bin de pritɛnd; na so PAPA GƆD se.”

Jɛrimaya 5:7

“Aw a go sɔri fɔ yu? Yu pikin dɛm dɔn fɔsek mi, ɛn dɛn dɔn tek dɛn wan dɛn we nɔto gɔd, dɛn nem swɛ. We a bin fid dɛm te dɛn bɛlful, dɛn bin kɔmit adɔltri ɛn gɛda go na dɛn rare gyal dɛn os.

Izikɛl 22:12

Sɔm man de we de tek brayb fɔ kil; una de tek intrɛs ɛn ad mɔ pan di mɔni ɛn mek prɔfit na una neba dɛn ed bay pawa; ɛn una dɔn fɔgɛt bɔt mi, Na so Papa Gɔd we na Gɔd se.

Ozie 7:4

Dɛn jɛs de fɔ de wɔship ɔda gɔd dɛn. Dɛn tan lɛk ovin we kin dɔn wam bɔt di beka nɔ skata di faya gud, frɔm di tɛm we i de miks di flawa te di bred de rayz.