Jɛrimaya 8:9 - Krio Fɔs Oli Baybul

⁹ Dɛn go mek di sɛnsman dɛn shem, dɛn go kɔnfyus ɛn dɛn go kech dɛm; wetindu? Dɛn dɔn put PAPA GƆD in wɔd wansay, uskayn sɛns dɛn gɛt naw?

Jɛrimaya 8:9 Referans Kwoze

Jɛrimaya 6:15

Dɛn bin de shem we dɛn bin de du dɛn bad bad tin dɛn we a nɔ lɛk? Nɔ, dɛn nɔ bin de shem; dɛn nɔ bin no aw fɔ shem. Fɔseka dat, dɛn go day wit dɛn wan dɛn we go day; na di tɛm we a go pɔnish dɛm dɛn yon go dɔn,” na so PAPA GƆD se.

Job 5:12

I de mek bad pipul plan nɔ wok so dat dɛn nɔ go gɛt wetin dɛn plan.

Jɛrimaya 6:19

Yɛri o, yu ath, a de briŋ dizasta kam pan dɛn pipul ya, we na di pe we dɛn fɔ gɛt fɔ di wok we dɛn du, bikɔs dɛn nɔ yɛri mi wɔd; as fɔ mi lɔ dɛm, dɛn nɔ de obe dɛm sɛf.

Ayzaya 19:11

Di bigman dɛn na Zoan, fulish, dɛn kayn nɔ de; Fero in sɛnsman dɛn we bin de advays am, gi am styupid advays. How yu go tɛl Fero se, “Mi na wan sɛnsman in bɔypikin, dɛn fɔstɛm kiŋ dɛn bɔypikin”?

Di Sam Dɛm 19:7

PAPA GƆD de tich wi wetindu fɔ wi nɔmɔ; dis na wetin rayt ɛn i de gi wi abop na layf. Wi kin trɔs am ɛn du wetin i se ɔdɔyɔ sɛf go mɔs gɛt sɛns.

Ditarɔnɔmi 4:6

I se dɛn fɔ de mɛmba ɔltɛm se di lɔ dɛn na pat ɔf dɛn layf bikɔs, we dɛn du ɔl wetin di lɔ se, ɔda pipul dɛn we yɛri bɔt dɛn go rɛspɛkt dɛn ɛn go se, ‘fɔ tru tru, dis gret neshɔn ya gɛt sɛns.’

Sɛkɛn Lɛta To Timoti 3:15

ɛn yu fɔ mɛmba se frɔm we yu smɔl, yu dɔn no dɛn tin we rayt na Gɔd in Buk we de mek yu no se yu fɔ biliv pan Jizɔs fɔ mek yu sev.

Izikɛl 7:26

Bad bad trɔbul ɛn sɔfrin pan bad bad trɔbul ɛn sɔfrin, dɛn se, go fala dɛn se; dɛn de aks di prɔfɛt fɔ vishɔn, bɔt di lɔ day bikɔs di man we de mek sakrifays fɔ pipul sin, nɔ de tich di pipul dɛn, ɛn di bigman dɛn nɔ de advays.

Jɛrimaya 49:7

Dis na bɔt Idɔm, na dis PAPA GƆD Ɔlmayti se: Sɛnsman dɛn nɔ de na Idɔm igen? Di Advaysa dɛn nɔ ebul advays igen? Sɛnsman dɛn dɔn dɔn?

Ayzaya 8:20

Fɔ di wan dɛn we dɔn yɛri mi tichin ɛn mi mɛsej fɔ no wetin fɔ du! Fɔ tru, di wan dɛn we de tink fɔ tɔk to dayman, nɔ go si do klin.

2 Kiŋ 17:15

Dɛn nɔ gri fɔ du wetin PAPA GƆD se, ɛn nɔ kip di Kɔvinant we i sayn wit dɛn fɔstɛm-papa dɛn; bifo dat dɛn bigin de wɔship lay lay gɔd dɛn we nɔ min natin ɛn na so dɛnsɛf kam fiba mɔtalman dɛn we nɔ fit natin. Dɛn falamakata dɛn ɔda neshɔn dɛn we PAPA GƆD bin dɔn wɔn dɛn bɔt, ɛn du wetin PAPA GƆD tɛl dɛn nɔ fɔ du.

Ayzaya 29:14

fɔseka dat, a go du tin wit dɛn pipul ya we dɛn go kɔle pan, wɔndaful tin we dɛn go kɔle pan; ɛn di sɛns we dɛn sɛnsman dɛn gɛt go dɔn, ɛn di no we dɛn man dɛn we de no wetin gɛt fɔ apin, go ayd.

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Jɛrimaya 19:7

Ɛn na dis ples a go pwɛl Juda ɛn Jerusɛlɛm dɛn plan, ɛn a go mek dɛn pipul dɛn day na wa bifo dɛn ɛnimi dɛm, ɛn na di wan dɛm we de afta dɛn layf, dɛn an. A go gi dɛn dedebɔdi to dɛn bɔd we de flay na di skay ɛn dɛn wayl animal dɛn na wɔl.

Emɔs 2:4

PAPA GƆD tɔk se: “Di pipul na Juda dɔn sin bɔku bɔku, ɛn a mɔs pɔnish dɛn fɔ dat. Dɛn nɔ gri kip di lɔ we mi PAPA GƆD gi dɛn, ɛn dɛn nɔ du wetin a se, bifo dat na lay lay gɔd dɛn sidɔm fɔ de wɔship, dɛn gɔd dɛn we dɛn fɔstɛm-papa dɛn bin de wɔship.

Zɛkaraya 13:4

Da de de, ɛni prɔfɛt we si vishɔn we fɔ mek i tɔk PAPA GƆD wɔd, go shem fɔ tɔk; i nɔ go wɛr di klos we dɛn kin wɛr fɔ lay pan pipul.

Job 5:13

I de mek di wan dɛn we dig ol fɔ ɔda pɔsin, fɔdɔm insay di ol; ɛn wetin dɛn plan nɔ ol wata.

Ayzaya 43:27

Una fɔstɛmpapa bin sin, ɛn di wan dɛn we de tɔk fɔ yu, dɔn sin agens mi;

Jɛrimaya 2:8

Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.