Jɛrimaya 8:7 - Krio Fɔs Oli Baybul

⁷ Ivin kaw enjɛl we de flay ɔp di klawd no tɛm fɔ tɔmbak; dɛn dɔv, di bɔd we dɛn kɔl swalo, ɛn di big bɔd we dɛn kɔl kren, sɛf no tɛm fɔ tɔn bak go om; bɔt mi pipul dɛn nɔ no PAPA GƆD in lɔ.

Jɛrimaya 8:7 Referans Kwoze

Ayzaya 1:3

Man kaw no udat i blant, ɛn dɔŋki no di say we in masta put in it, bɔt Izrɛl nɔ no, mi pipul dɛn nɔ ɔndastand.”

Ayzaya 5:12

Dɛn gɛt git ɛn ap, tamborin ɛn flut ɛn wayn na dɛn pati dɛn; Bɔt dɛn nɔ bisin bɔt wetin PAPA GƆD de du ɔ ivin si di wok we i de wok.

Sɔlɔmɔn In Siŋ Dɛm 2:12

Di flawa dɛn dɔn bɔs na grɔn, di tɛm fɔ siŋ dɔn kam, ɛn di tɔtul dɔv in vɔys dɔn de sawnd na di land bak.

Ayzaya 27:11

Wɛn di branch dɛn dɔn dray, dɛn de brok dɛm; uman dɛn de kam tek dɛn mek faya. Bikɔs dɛn pipul ya nɔ de ɔndastand; na dat mek in we mek dɛm, nɔ go sɔri fɔ dɛm, In we mol dɛm, nɔ go sho dɛn ɛni fevɔ.

Zɛkaraya 5:9

I es in ed ɔp fɔ luk gud, nain i si tu uman de flay kam bifo am. Dɛn fɛda lɛk da bɔd we dɛn kin kɔl kaw enjɛl ɛn dɛn tot lod kɔmɔt na wɔl fɔ flay go.

Jɛrimaya 4:22

“Bikɔs mi pipul dɛn fulish, dɛn nɔ no mi; dɛn na styupid pikin dɛm, dɛn nɔ de ɔndastand natin. Dɛn gɛt skil fɔ du ivul tin dɛm, bɔt dɛn nɔ no aw fɔ du gud.”

Jɛrimaya 5:6

Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Abakɔk 1:4

Lɔ nɔ de igen As fɔ fia ple, nɔ fɔ tɔk. Na di bad pipul bɔku pas udat de du tin tret so fia ple nɔ de”.