Jɛrimaya 8:6 - Krio Fɔs Oli Baybul

⁶ A dɔn pe atɛnshɔn to dɛm ɛn dɔn lisin dɛm, bɔt dɛn nɔ tɔk tru; nɔn pan dɛm nɔ ripɛnt fɔseka in wikɛdnɛs, bifo dat dɛn de aks se, ‘wetin a du?’ Ɔlman de go in yon we, lɛkɛ we ɔs de rɔn go insay batul fil.

Jɛrimaya 8:6 Referans Kwoze

Di Sam Dɛm 14:2

PAPA GƆD de ɔp de wach fɔ si if i go fɛn ɛnibɔdi we gɛt sɛns, pɔsin we rɛdi fɔ wɔship am ɛn we de fred am.

Izikɛl 18:28

Fɔseka we i bin sidɔm ɛn tink ɛn pul an pan ɔl di bad bad tin dɛn we i bin de du, fɔ tru tru, i go liv, i nɔ go day.

Pita In Sɛkɛn Lɛta 3:9

Di Masta nɔ de wes tɛm fɔ du wetin i dɔn se in go du, lɛkɛ aw sɔm pipul tink, bɔt i de bia wit una bikɔs i nɔ want mek ɛnibɔdi go ɛl, bɔt i want mek ɔlman sɔri fɔ dɛn sin ɛn lɛf dɛn.

Malakay 3:16

Dɛn di wan dɛn we de fred PAPA GƆD tɔk to dɛnsɛf ɛn PAPA GƆD yɛri wetin dɛn se, so i opin wan buk usay i rayt dɛn wan we de fred am dɛn nem, so dat i go de mɛmba se na dɛn de tink bɔt am.

Mayka 7:2

Nɔbɔdi nɔ de na wɔl we gud, nɔbɔdi nɔ de du wetin rayt; dɛn ɔl de wach fɔ di tɛm we dɛn go ebul kech dɛn yon brɔda. Ɔlman jɛs de wet ɛn chuk ɛn kil.

Rɛvɛleshɔn 9:20

Di ɔda mɔtalman dɛn we dɛn bad bad tin ya nɔ kil, nɔ bin tap fɔ pre to dɛn tin we dɛn bin mek fɔ dɛnsɛf. Dɛn nɔ bin tap fɔ pre to dɛn dɛbul ɛn dɛn tin we dɛn mek wit gold, silva, bras, ston ɔ wud, we nɔ de si, we nɔ de yɛri ɛn we nɔ de waka.

Egay 1:7

PAPA GƆD we na PAPA GƆD Ɔlmayti aks dɛn se if dɛn nɔ ebul tink bɔt wetin de apin to dɛn.

Egay 1:5

PAPA GƆD we na PAPA GƆD Ɔlmayti se dɛn fɔ tink gud bɔt wetin dɛn de apin to dɛn.

Izikɛl 22:30

Ɛn a bin luk fɔ wan man pan dɛn, we go bil di wɔl ɛn tinap na di gap bifo mi fɔ di land, so a nɔ go nyakanyaka am; bɔt a nɔ fɛn nɔbɔdi.

Jɛrimaya 5:1

Rɔn ɔp ɛn dɔŋ di trit dɛm na Jerusɛlɛm, luk ɛn tek notis! Sach in opin ples dɛn si if yu go fɛn wan pɔsin, pɔsin we trit ɔlman ikwal ɛn de tɔk tru; so dat a go sɔri fɔ Jerusɛlɛm.

Ayzaya 59:16

I si se pɔsin nɔ bin de, ɛn i wɔnda se nɔbɔdi nɔ de fɔ put mɔt de, na datɛnde, in yon an mek i gɛt viktri, ɛn in raychɔsnɛs mek i ebul tinap.

Ayzaya 30:18

Fɔseka dat, PAPA GƆD de wet fɔ sho una gres, fɔseka dat, i es insɛf ɔp fɔ sho una masi. Bikɔs PAPA GƆD na Gɔd we de jɔj rayt; ɛnibɔdi we wet fɔ am, go gɛt blɛsin.

Job 10:2

A go tɛl PAPA GƆD se, mek i nɔ se a gilti; lɛ i mek a no wetin a du rɔŋ.

Jɛrimaya 23:25

A dɔn yɛri wetin di prɔfɛt dɛm we de tek mi nem prɔfisay lay lay prɔfisay, se, we dɛn de se, ‘A drim, A drim!

Job 34:31

“Job, yu dɔn tɛl PAPA GƆD se yu na sina ɛn yu nɔ go du am igen;

Job 34:32

tɛl am se mek i tich yu wetin yu nɔ no, ɛn if yu dɔn du ɛnitin bad, yu nɔ go du am igen

Ayzaya 57:17

Fɔseka di sin we i kɔmit we i de milɛ pipul, a bin vɛks, so a pɔnish am, a ayd mi fes ɛn a bin veks; bɔt i stil bin de bakslayd we i de du wetin in at tɛl am.

Jɛrimaya 3:5

I go vɛks pan mi sote go, I go stɔbɔn sote go?’ Luk, yu dɔn tɔk am, bɔt una dɔn du ɔl di ivul tin dɛn we una ebul du.”

Daniɛl 9:11

Di wanol Izrɛl dɔn disobe yu ɛn tɔn wi bak, ɛn nɔ gri fɔ du wetin yu se. Di swɛ dɛn ɛn di wanwɔd we wi mek fɔ du wetin rayt insay Mozis in lɔ we na PAPA GƆD in wokman, dɔn fɔdɔm pan wi, bikɔs wi dɔn kɔmit sin to yu.

Zɛfinaya 3:7

I bin min se di pipul dɛn go fred am ɛn tek kɔrɛkshɔn ɛn nɔ go ɛva fɔgɛt wetin dɛn dɔn pas bɔt i tan lɛk na da tɛm de dɛn de bad mɔ ɛn mɔ.