Jɛrimaya 8:5 - Krio Fɔs Oli Baybul

⁵ Wetindu dɛn pipul ya dɔn tɔn dɛn bak pan mi ɛn nɔ gri tɔn bak? Dɛn biliv pan lay lay tin dɛn gud gud wan, ɛn nɔ gri tɔn bak kam to mi.

Jɛrimaya 8:5 Referans Kwoze

Jɛrimaya 9:6

PAPA GƆD se, ‘Dɛn de pak sɔprɛshɔn pan sɔprɛshɔn ɛn rikishi pan rikishi, ɛn dɛn nɔ gri fɔ no mi.

Jɛrimaya 5:3

E PAPA GƆD, nɔto di tru yu de luk fɔ? Yu dɔn bit dɛm, bɔt dɛn nɔ fil pen; yu dɔn kil sɔm pan dɛm bɔt dɛn nɔ gri tek kɔrɛkshɔn. Dɛn dɔn mek dɛn fes dɛn traŋa pas rɔk; dɛn nɔ gri fɔ chenj.

Zɛkaraya 7:11

Bɔt usay! Dɛn nɔ lisin to wetin i se. Bifo dat, dɛn mek traŋayes ɛn kɔk dɛn yes so dat dɛn nɔ go yɛri.

Di Ibru Pipul Dɛn 12:25

Na dat mek una fɔ tek tɛm mek una nɔ dɛf una yes we Jizɔs de tɔk to una. Dɛn lɔntɛm pipul nɔ bin gri lisin di pɔsin we bin de tɛl dɛn Gɔd in mɛsej na dis wɔl, so di tin we bin fɔ mit dɛn, mit dɛn, dɛn nɔ ebul pul dɛn ed. If dɛn nɔ ebul pul dɛn ed, aw wi we yɛri di wan insɛf we kɔmɔt ɛvin go pul wi ed, if wi nɔ gri lisin in mɛsej? Di tin we fɔ mit wi mɔs mit wi.

Jɔn 5:40

Pan ɔl dat, una nɔ gri fɔ kam to mi, so dat una go gɛt di tru layf we go de sote go.

Ozie 11:7

I se sins di pipul dɔn mekɔp fɔ lɛf am to insɛf, na dɛnsɛf dɔn pik se tin fɔ traŋa fɔ dɛn ɛn nɔbɔdi nɔ go ebul ɛp dɛm.

Jɛrimaya 5:27

Dɛn os dɛn ful wit bad at ɛn tif, lɛkɛ aw blay kin ful wit bɔd; na dat mek dɛn dɔn jɛntri ɛn gɛt pawa,

Ayzaya 44:20

Na asis i de it; na kɔnfyus maynd dɔn mek i go astre ɛn i nɔ ebul sev insɛf ɔ aks insɛf se, “Nɔto lay dis de na mi raytan so?

Ayzaya 30:10

we de tɛl di man dɛn we de si vishɔn se “Una nɔ fɔ si;” ɛn tɛl di prɔfɛt dɛn se, “Una nɔ prɔfisay wetin rayt to wi; tɛl wi swit wɔd, prɔfisay laylay tin dɛm,

Rɛvɛleshɔn 2:25

pas fɔ se mek una biliv gud dɛn tin we una dɔn lan, te a kam bak.

Fɔs Lɛta Fɔ Tɛsalonayka 5:21

Una fɔ tray ɔl di mɛsej dɛn fɔ no uswan na Gɔd yon. Una fɔ tek di wan we gud.

Ozie 4:16

I se lɛk aw yɔŋ uman kaw kin traŋayes na so Izrɛl traŋayes; na so PAPA GƆD nɔ go ebul fɔ gi dɛn wetin dɛn want ivin if dɛn de usay gras bɔku.

Jɛrimaya 2:32

Uman we nɔ mared yet go fɔgɛt in riŋ chen ɛn baŋuls dɛn, ɔ yawo go fɔgɛt in mared klos? Bɔt mi pipul dɛn dɔn fɔgɛt bɔt mi lɔlɔntɛm.

Ayzaya 1:20

Bɔt if una nɔ gri ɛn tɔn una bak pan mi, na wa una go day; bikɔs na PAPA GƆD sɛf sɛf tɔk so.”

Prɔvabs 4:13

Ɔl di tɛm yu fɔ de mɛmba wetin yu dɔn lan. Ol am wit tu an. Nain na yu layf.

Jɛrimaya 5:6

Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Jɛrimaya 14:7

“Ɔldo wi sin dɛm de sho se wi dɔti na Gɔd yay, bɔt duya PAPA GƆD, du sɔntin fɔseka yu nem; bikɔs wi bakslayd bɔku bɔku tɛm, wi dɔn kɔmit sin to yu.

Daniɛl 9:11

Di wanol Izrɛl dɔn disobe yu ɛn tɔn wi bak, ɛn nɔ gri fɔ du wetin yu se. Di swɛ dɛn ɛn di wanwɔd we wi mek fɔ du wetin rayt insay Mozis in lɔ we na PAPA GƆD in wokman, dɔn fɔdɔm pan wi, bikɔs wi dɔn kɔmit sin to yu.

Jɛrimaya 3:5

I go vɛks pan mi sote go, I go stɔbɔn sote go?’ Luk, yu dɔn tɔk am, bɔt una dɔn du ɔl di ivul tin dɛn we una ebul du.”

Jɛrimaya 6:17

A put pɔsin fɔ de wach una, ɛn tɛl una se, ‘Una lisin fɔ di trɔmpɛt!’ Bɔt dɛn se, ‘wi nɔ go lisin.’

Jɛrimaya 6:19

Yɛri o, yu ath, a de briŋ dizasta kam pan dɛn pipul ya, we na di pe we dɛn fɔ gɛt fɔ di wok we dɛn du, bikɔs dɛn nɔ yɛri mi wɔd; as fɔ mi lɔ dɛm, dɛn nɔ de obe dɛm sɛf.

Ozie 11:5

Bɔt as dɛn nɔ bisin bɔt am, dɛn go go bak na Ijipt ɛn dɛn kiŋ go de na Asiria.

Ozie 13:2

Naw dɛn sin dɔn pasmak. Dɛn de mek mɔ tin dɛn fɔ wɔship. Dɛn de yuz dɛn silva dɛn fɔ mek dɛn fayn. Dɔn dɛn se na to dɛn dɛn fɔ mek sakrifays. Mɔtalman dɛn tɔn fɔ de kis di kaw-pikin dɛn we dɛn mek.