Jɛrimaya 8:19 - Krio Fɔs Oli Baybul

¹⁹ Yɛri, mi pipul dɛn gyal pikin dɛn kray, ɔlɔbɔt na di land; “PAPA GƆD nɔ de na Zayɔn? In kiŋ nɔ de de? “Wetindu dɛn provok mi te a vɛks wit dɛn lay lay gɔd dɛn, ɛn wit fɔrin lay lay gɔd dɛm?”

Jɛrimaya 8:19 Referans Kwoze

Ayzaya 39:3

Nain Ayzaya we na prɔfɛt kam to Kiŋ Ɛzikaya ɛn aks am se, “Wetin dɛn man dɛn ya want? Ɛn usay dɛn kɔmɔt kam to yu?” Ɛzikaya se “Dɛn kɔmɔt na wan fawe kɔntri kam to mi. Dɛn kɔmɔt Babilɔn.”

Ayzaya 13:5

Dɛn kɔmɔt fawe kɔntri, usay di skay dɛn tap, PAPA GƆD ɛn di wɛpɔn dɛn fɔ in vɛksteshɔn, fɔ kam distrɔy di wanol wɔl.

Rɛvɛleshɔn 2:1

“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta nain raytan ɛn we de waka midul dɛn sɛvin gold lampolda, sɛn:

Obadaya 1:17

Bɔt sɔm pipul na Juda nɔ go rɔnawe, dɛn go lɛf na Mawnt Zayɔn, di oli il; dɔn Jekɔb in jɛnareshɔn go gɛt di land bak we na dɛn yon bay rayt.

Joɛl 3:21

I se in nɔ go lɛ dɛn blɔd wes fɔ natin, in go mɔs pɔnish udat gilti, bikɔs in na PAPA GƆD we de na Mawnt Zayɔn.

Joɛl 2:32

Dat tɛm de, i go bi se, ɔl udat kɔl PAPA GƆD in nem fɔ sev am, go sev. PAPA GƆD dɔn se, sɔm pipul go de na Jerusɛlɛm we di waala nɔ go mit. Bɔt sɔm pan dɛn go de we na PAPA GƆD chuz fɔ sev dɛn.

Jɛrimaya 31:6

Bikɔs tɛm go kam we dɛn wachman dɛm go ala kɔl ɔlman na di il kɔntri na Ifrem se: ‘Una grap, lɛ wi go ɔp na Zayɔn, to PAPA GƆD we na wi Gɔd.’”

Jɛrimaya 14:19

Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Ayzaya 52:1

Grap o, grap, pik trɛnk, yu Zayɔn; wɛr yu fayn fayn klos dɛn, Yu Jerusɛlɛm, we na di oli siti; bikɔs dɛn nɔ go kam insay to yu igen dɛn wan we nɔ sakɔmsayz ɛn we nɔ klin

Ayzaya 33:22

Bikɔs PAPA GƆD na wi jɔj, PAPA GƆD na wi rula. PAPA GƆD na wi kiŋ; i go sev wi.

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Ayzaya 1:4

E, neshɔn we gɛt sin, pipul we de du so so bad, pikin we bad pipul bɔn, bɔypikin dɛn we kɔrɔpt! Dɛn dɔn kɔmɔt biɛn PAPA GƆD, dɛn nɔ rɛspɛkt di Oli Wan na Izrɛl dɛn dɔn kɔmɔt biɛn am kpatakpata.

Di Sam Dɛm 149:2

Lɛ di Izrɛlayt dɛn gladi fɔseka di wan we mek dɛn; lɛ di pipul na Zayɔn gladi mɔ fɔseka we in na dɛn kiŋ.

Di Sam Dɛm 146:10

PAPA GƆD go ɛva bi kiŋ una we de na Zayɔn, una PAPA GƆD we una de wɔship go bi kiŋ sote go. Una lɛ wi prez PAPA GƆD!

Di Sam Dɛm 135:21

Lɛ ɔlman prez PAPA GƆD na Zayɔn. Na Jerusɛlɛm i tap. Lɛ wi ɔl prez PAPA GƆD.

Jɛrimaya 9:16

A go skata dɛm na difrɛn difrɛn neshɔn dɛn we dɛm o, dɛn fɔstɛmpapa dɛm o, nɔ no wande; ɛn a go de kil kil dɛm, te a kil dɛn dɔn.”

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Di Sam Dɛm 31:6

Yu nɔ lɛk pɔsin we de put in at pan wetin nɔ min natin, bɔt mi go trɔs PAPA GƆD.

Jɛrimaya 2:5

Na dis PAPA GƆD se: “Us rɔŋ tin una papa dɛm bin fɛnɔt se a du, we mek dɛn bin go fa kɔmɔt nia mi, ɛn go fala wɔtlɛs layf ɛn tɔn wɔtlɛs pipul?

Jɛrimaya 7:19

PAPA GƆD se, “Na mi dɛn de provok? Nɔto dɛnsɛf, fɔ kɔnfyus dɛnsɛf?

Jɛrimaya 8:20

“Di avɛst dɔn pas, ɛn di dray sizin dɔn dɔn, ɛn wi nɔ sev.”

Jɛrimaya 10:15

Dɛn yuslɛs, ɛn na imajin dɛn imajin da kayn tin de; di tɛm we dɛn go gɛt dɛn pɔnishmɛnt, dɛn go day.

Jɛrimaya 14:9

Wetin mek yu fɔ tan lɛkɛ pɔsin we kɔnfyus, lɛkɛ pawaful man we nɔ ebul sev pɔsin? Bɔt stil, yu PAPA GƆD, de wit wi, ɛn na yu gɛt wi; duya, nɔ lɛf wi.”

Jɛrimaya 27:10

Bikɔs na lay lay dɛn de prɔfisay to una, we go mek dɛn go pul una kɔmɔt na di land, kɛr una go fawe, ɛn a go drɛb una kɔmɔt de, ɛn una go sɔfa bad bad wan.

Jɛrimaya 32:30

Bikɔs na so so ivul Izrɛl in bɔypikin dɛm ɛn Juda in bɔypikin dɛn dɔn du bifo mi fɔrm we dɛn yɔŋ; Izrɛl in bɔypikin dɛm nɔ du natin pas fɔ prɔvok mi mek a vɛks bay wetin dɛn de du wit dɛn yon an. Na so PAPA GƆD se.

Izikɛl 48:35

Di distans rawnd di siti go bi nayn kilomita. Ɛn di siti in nem, frɔm naw te go, go bi, PAPA GƆD de de.”

Mayka 4:9

I se wetin mek di pipul dɛn na Jerusɛlɛm de ala kray so. Dɛn mek nɔys lɛk we bɛlɛ uman wan bɔn. I se dɛn de mek lɛk dɛn bigman dɛn dɔn day.

Ditarɔnɔmi 31:17

PAPA GƆD tɛl am se, in go vɛks pan dɛn ɛn go nyakanyaka dɛn; bad bad tin dɛn go so mit dɛn, dat dɛn go aks dɛnsɛf se, if nɔto bikɔs PAPA GƆD nɔ de wit dɛn igen mek dɛn kayn bad tin dɛn de de mit dɛn.

Di Sam Dɛm 137:1

We wi kin sidɔm nia dɛn watasay dɛn na Babilɔn, we kin kray we wi kin mɛmba wetin bin bi we wi bin de Zayɔn.

Zɛfinaya 3:15

PAPA GƆD dɔn pul di nambara we fɔ mit una I dɔn dil wit una ɛnimi dɛn PAPA GƆD we na Kiŋ fɔ Izrɛl de wit una; una nɔ gɛt natin fɔ fred igen

Zɛkaraya 2:9

I se in go sho dɛn in pawa dɔn i go mek dɛn tɔn slev to ɔl udat bin de slev fɔ dɛn. Zɛkaraya se na da tɛm de dɛn go no se na PAPA GƆD we na PAPA GƆD Ɔlmayti sɛn am.