Jɛrimaya 8:17 - Krio Fɔs Oli Baybul

¹⁷ Bikɔs, a de sɛn snek dɛm go tap wit una da smɔl ɛn pɔyzinɔs snek we dɛn nɔ go ebul tem, ɛn dɛn go bɛt una, Na so PAPA GƆD se.

Jɛrimaya 8:17 Referans Kwoze

Ɛkliziastis 10:11

If snek bɛt pɔsin bifo di man we de kech snek, kech am, nid nɔ de fɔ gɛt pɔsin we de kech am.

Ditarɔnɔmi 32:24

Na aŋri ɛn fiva ɛn ɔda bad bad sik dɛn go kil dɛn. A go sɛn bad bad animal dɛn pan dɛn ɛn dɛn bad bad snek dɛn go bɛt ɛn kil dɛn.

Di Nɔmba Dɛm 21:6

So PAPA GƆD sɛn snek dɛn pan dɛn we bin de bɛt ɛn kil dɛn. Di snek dɛn bɛt bɔku pan dɛn ɛn bɔku Izrɛlayt dɛn day.

Rɛvɛleshɔn 9:19

Di pawa we dɛn ɔs ya bin gɛt, bin de na dɛn mɔt ɛn dɛn tel. Dɛn tel bin tan lɛkɛ snek we gɛt plɛnti ed, ɛn nain dɛn bin de tek wund pipul.

Emɔs 9:3

If dɛn go ayd ɔp na Mawnt Kamɛl, a go fɛn dɛn ɛn kech dɛn. If dɛn go ayd ɔnda di si, a go tɛl di si mɔnsta fɔ bɛt dɛn.

Emɔs 5:19

Da de de go tan lɛk we man de rɔnawe pan layɔn dɔn i go bɔs pan tayga; ɔ as i rɔn go nain os fɔ go ayd, snek go bɛt am we i liŋ na wɔl de blo.

Ayzaya 14:29

Una nɔ gladi o, una ɔl we de na Filistia, se di tik we wap una dɔn brok, bikɔs na frɔm snek da pɔyzinɔs snek we nem Ada, de kɔmɔt, ɛn di tin we in go bɔn na snek we de flay.

Di Sam Dɛm 58:6

PAPA GƆD, duya brok brok dɛn wan we de mek lɛk layɔn dɛn tit ɛn pul dɛn kɔmɔt na dɛn mɔt.