Jɛrimaya 8:16 - Krio Fɔs Oli Baybul

¹⁶ Dɛn yɛri dɛn ɔs dɛn we dɛn de sniz ɔl di we na Dan; we dɛn man ɔs dɛn de ala, di wanol land de shek. Dɛn kam kam it ɔltin na di land ɛn wetin fulɔp de, dat na di siti ɛn dɛn wan dɛn we tap de.

Jɛrimaya 8:16 Referans Kwoze

Di Jɔj Dɛm 18:29

Dɛn gi di siti nem Dan, we na dɛn fɔstɛmpapa we na Izrɛl bɔn, in nem. Fɔstɛm, di siti bin nem, Laish.

Di Jɔj Dɛm 5:22

Di ɔs dɛn bin de galɔp de kam ɛn na so dɛn bin de stamp dɛn fut na grɔn.

1 Kɔrint 10:28

Bɔt if sɔmbɔdi tɛl una se, “Dɛn dɔn sakrifays dis it ya to dɛn tin we mɔtalman de pre to,” una nɔ fɔ it da it de, nɔto bikɔs una go fil bad, bɔt bikɔs if una it am, da pɔsin de go fil bad.

1 Kɔrint 10:26

Dɛn rayt na Gɔd in Buk se, “Dis wɔl ɛn ɔltin we lib de na Gɔd yon.”

Abakɔk 3:10

We di mawnten dɛn si wetin yu du, dɛn skyad; wata kɔmɔt ɔp klawd kam dɔŋ. Di wata we de ɔnda grɔn sɛf ala, ɛn bɔs kam pantap.

Neum 3:2

Yu kin yɛri we di wip we dɛn de yuz pan di ɔs dɛn de mek sway sway ɔlɔbɔt, di chariɔt dɛn de pas wit ay spid, di ɔs dɛn ɔl de mek nɔys we dɛn de pas pas.

Jɛrimaya 47:3

We in ɔs dɛn go de stamp dɛn fut, ɛn di chariɔt dɛm go de kam wit spid, ɛn dɛn wil dɛn go de mek ebi nɔys, papa nɔ go luk fɔ dɛn pikin dɛm we dɛn de rɔn, bikɔs dɛn an dɛm go wik,

Jɛrimaya 10:25

Tɔn mi vɛksteshɔn pan di neshɔn we nɔ no yu, ɛn pan di pipul dɛn we nɔ de pre to yu; bikɔs dɛn dɔn kil Jekɔb; dɛn dɔn kil am ɛn it am, ɛn dɛn dɔn mek di ples we i bin tap, yuslɛs.

Jɛrimaya 6:23

Dɛn dɔn ol bo ɛn spia dɛn wikɛd ɛn dɛn nɔ de sɔri fɔ nɔbɔdi, di sawnd we dɛn de mek tan lɛkɛ we di si de tɔnɔbɔ; dɛn de rayd ɔs, dɛn drɛs lɛkɛ man we rɛdi fɔ fɛt wa, agens yu, yu Zayɔn in gyal pikin.”

Jɛrimaya 4:24

A luk di mawnten dɛm, eya, dɛn bin de shek, ɛn ɔl di il dɛn bin de muf go bifo ɛn biɛn.

Di Sam Dɛm 24:1

Na PAPA GƆD mek di wɔl, so nain gɛt di wɔl; ɔl wetin de na wɔl ɛn ivin di pipul na PAPA GƆD gɛt ɔl.

Di Jɔj Dɛm 20:1

Ɔl di pipul dɛn na Izrɛl, dat na frɔm Dan to Biashiba ɛn Giliad, gɛda wit wanwɔd bifo PAPA GƆD na Mizpa.

Job 39:20

Na yu mek i de jomp lɛk lokɔs? We i de blo nain nos sɛf kin mek pipul fred.

Jɛrimaya 3:24

“Bɔt frɔm we una yɔŋ, di shemful biznɛs pwɛl ɔl wetin wi fɔstɛmpapa dɛn dɔn wok fɔ, dɛn ship ɛn dɛn kaw, ɛn dɛn bɔy ɛn gyal pikin dɛm.

Jɛrimaya 5:17

Dɛn go it ɔl wetin una avɛst ɛn ɔl di it we una gɛt fɔ it; dɛn go it una bɔypikin ɛn gyal pikin dɛm; dɛn go it una ship, got ɛn kaw dɛm; dɛn go it una greps ɛn una fig tik dɛm; una siti dɛn we una protɛkt ɛn abop pan, na sɔd dɛn go tek pwɛl dɛm.”

Jɛrimaya 30:5

“Na dis PAPA GƆD se: Wi dɔn yɛri di fred fred ala, bad bad fred fred, ɛn nɔn kolat nɔ de.

Jɛrimaya 30:16

Fɔseka dat, dɛn go kil ɔl di wan dɛn we kil una ɛn ɔl una ɛnimi dɛm go go tɔn slev; wan nɔ go lɛf; dɛn go tif ɔl di wan dɛn we tif una, ɛn a go sɔprɛs ɔl dɛn wan dɛn we sɔprɛs una.

Jɛrimaya 50:42

Dɛn gɛt bo ɛn spia; dɛn wikɛd ɛn dɛn nɔ de sɔri. Di sawnd we dɛn de mek we dɛn de waka tan lɛk we di si de ala; dɛn de rayd ɔs, dɛn rɛdi fɔ fɛt yu, Yu Babilɔn in gyalpikin!

Jɛrimaya 51:29

Di land de trimbul ɛn de tɔn tɔn wit pen, bikɔs wetin PAPA GƆD plan fɔ du Babilɔn mɔs bi, dat na fɔ mek Babilɔn ɛmti ɛn gud fɔ natin ples, we nɔbɔdi nɔ tap.

Jɛrimaya 4:7

Wan layɔn dɔn kɔmɔt na di tay tay bush we i bin fasin, pɔsin we de nyakanyaka neshɔn dɛn de na rod; i dɔn kɔmɔt nain ples fɔ go mek yu land ples we natin nɔ de bi; una siti dɛn go tɔn pwɛl pwɛl ples usay pipul dɛn nɔ tap.