Jɛrimaya 8:14 - Krio Fɔs Oli Baybul

¹⁴ Wetin mek wi de sidɔm ɛn nɔ de du natin? Una gɛda wan ples, lɛ wi go na di siti dɛm we gɛt wɔl rawnd go day de; bikɔs PAPA GƆD we na wi Gɔd dɔn swɛ wi fɔ day, ɛn i dɔn gi wi pɔyzin wata fɔ drink, bikɔs wi dɔn kɔmit sin to PAPA GƆD.

Jɛrimaya 8:14 Referans Kwoze

Jɛrimaya 23:15

Fɔseka dat, na dis PAPA GƆD Ɔlmayti se bɔt di prɔfɛt dɛm: “Biliv mi, a go fid dɛm wit wɔm wud ɛn gi dɛm wata we gɛt pɔyzin fɔ drink; bikɔs na frɔm dɛn di prɔfɛt dɛm na Jerusɛlɛm ɔngɔdlinɛs kɔmɔt prɛd na di land.”

Jɛrimaya 9:15

Fɔseka dat, na dis PAPA GƆD Ɔlmayti we na di Gɔd na Izrɛl se: A go fid dɛn pipul dɛn ya wit wɔm wud, ɛn gi dɛn wata we gɛt pɔyzin fɔ drink.

Lamɛnteshɔn 3:19

Mɛmba di sɔfa we a de sɔfa, we tan lɛk we dɛn fos pɔsin fɔ drink gbangba!

Jɛrimaya 35:11

Bɔt we Nɛbyukadnɛza we na kiŋ na Babilɔn bin kam fɛt di land, wi bin se, ‘Una kam le wi go na Jerusɛlɛm bikɔs wi de fred di Babilonian dɛn ami ɛn di Sirian dɛn ami.’ Na dat mek na Jerusɛlɛm wi tap.”

Matyu 27:34

na de dɛn gi Jizɔs wayn we dɛn miks wit gɔl, bɔt wɛn i tes am, i nɔ drink am.

Di Sam Dɛm 69:21

Dɛn gi mi pɔyzin fɔ it dɔn we a tɔsti dɛn gi mi viniga fɔ drink.

2 Samiɛl 20:6

So Devid tɛl Abishay se if dɛn sidɔm so, Shiba we na Bikray in bɔypikin go fɛn trɔbul fɔ dɛn pas wetin Absalɔm bin du. Devid se Abishay fɔ rɔnata Shiba wit sɔm pan in yon sojaman dɛn ɔ nɔ so i go go fɛn siti we gɛt wɔl we i go go ayd pan dɛn.

Ditarɔnɔmi 29:18

Mozis advays di Izrɛlayt dɛn fɔ tek tɛm lɛ nɔn pan di man dɛn, ɔl di uman dɛn, ɔl di famili dɛn ɛn ɔl di fambul dɛn, nɔ go bigin de wɔship dɛn ɔda neshɔn dɛn gɔd, lɛ dɛn nɔ go tan lɛk tik we gɛt rut, bɔt de bia frut we bita ɛn gɛt pɔyzin,

Zɛkaraya 2:13

I se nɔ fɔ mek nɔys usay PAPA GƆD de nain os we oli.

Abakɔk 2:20

Bɔt PAPA GƆD in de nain oli os na ɛvin ɛn ɔl udat de na wɔl fɔ jɛs sɛt in mɔt ɛn luk wetin i go du.

Emɔs 6:10

Na di dayman in fambul we lɛf go go bɛr am. Di pɔsin we de go bɛr go de aks if nɔbɔdi nɔ lɛf insay di os. Di wan we de insay di os go ansa se nɔ, ɛn tɛl di ɔda pɔsin fɔ sɛt in mɔt, lɛ dɛn bikyaful nɔ fɔ kɔl PAPA GƆD in nem.

Jɛrimaya 14:20

E PAPA GƆD, wi gri se wi dɔn du bad ɛn wi gri se wi fɔstɛmpapa dɛn bin kɔmit sin, bikɔs wi dɔn sin to yu.

Di Sam Dɛm 39:2

Pan ɔl we a sɛt mi mɔt ɛn a nɔ se natin fɔ mi yon gud, tin bin stil de mɔna mi.

Ditarɔnɔmi 32:32

Bikɔs dɛn greps kɔmɔt pan dɛn greps tik na Sɔdɔm, ɛn di fam dɛn na Gɔmɔra; dɛn greps dɛn gɛt pɔyzin, dɛn bɔnch greps dɛn bita;

Lɛvitikɔs 10:3

Mozis mɛmba Erɔn se na dat PAPA GƆD min we i se, i go sho in pipul dɛn we de nia am se in oli, ɛn na bifo dɛn dɛn go rɛspɛkt am. Erɔn nɔ se natin.

Ayzaya 47:5

Sidɔm kwayɛt, ɛn go na dak ples, Yu we na Babilonian dɛn gyal pikin; Bikɔs dɛn nɔ go kɔl yu di misis fɔ dɛn kindɔm, igen

Jɛrimaya 3:25

Lɛ wi lidɔm pan wi shem, ɛn lɛ wi disrɛspɛkt kɔba wi; bikɔs wi dɔn kɔmit sin agens PAPA GƆD we na wi Gɔd, wi ɛn wi papa dɛm, frɔm we wi yɔŋ, te tide; ɛn wi nɔ dɔn obe PAPA GƆD we na wi Gɔd in vɔys.”

Jɛrimaya 14:7

“Ɔldo wi sin dɛm de sho se wi dɔti na Gɔd yay, bɔt duya PAPA GƆD, du sɔntin fɔseka yu nem; bikɔs wi bakslayd bɔku bɔku tɛm, wi dɔn kɔmit sin to yu.

Jɛrimaya 9:14

bɔt dɔn tek traŋayes du wetin dɛn yon at se, ɛn go wɔship dɛn Beal, jɛs lɛk aw dɛn fɔstɛmapa dɛn lan dɛm.