Jɛrimaya 8:13 - Krio Fɔs Oli Baybul

¹³ PAPA GƆD se, “Wɛn a go gɛda dɛm, nɔn greps nɔ de na di greps tik, ɛn nɔn fignɔt na de na di fig tik; ivin di lif dɛm dɔn wida, ɛn wetin a bin gi dɛm nɔ de pan dɛn igen”

Jɛrimaya 8:13 Referans Kwoze

Matyu 21:19

I si wan fig tik, klos di rod, so i go to di tik, bɔt i nɔ mit natin pan am pas lif. Nain i tɛl di tik se, “Yu nɔ go bia natin igen!” Nain di fig tik day wantɛm.

Joɛl 1:7

I se di neshɔn dɔn nyamanyama in vayn tik dɛn ɛn dɔn mek di fig tik dɛn nɔ gud fɔ natin; di neshɔn dɔn so nekɛd di tik dɛn dat dɛn dɔn fɔdɔm; na so dɛn wayt.

Jɛrimaya 17:8

In na lɛk tik we dɛn plant nia watasay, we de sɛn in rut go nia di wata, ɛn nɔ de fred we di ples ɔt, bikɔs in lif dɛn grin ɔltɛm, ɛn nɔ de kɔtat we drawt kam, bikɔs i nɔ de tap fɔ bia frut”

Jems 1:11

Di ɔt san kin bɔn di flawa, ɛn di flawa kin fɔdɔm. Na dɔn ɔl di fayn we di flawa bin fayn kin dɔn so. Semwe so, jɛntri pɔsin go de pan in biznɛs wɛn day go mit am.

Egay 2:17

I se i bin de mek ɔl wetin dɛn plant mɛleju ɛn dɔn i kin lɛ da ren we fiba grabul-grabul pwɛl dɛn; bɔt pan ɔl dat dɛn nɔ tɔn dɛn at to PAPA GƆD.

Egay 1:11

PAPA GƆD se, nain dɔn mek di grɔn dɛn ɔl dray, di tin dɛn we dɛn de bia, nɔ bɛtɛ, ɛn ivin di animal ɛn mɔtalman nɔ de kɔmɔt fayn.

Abakɔk 3:17

If ivin fig nɔ gro pan di fig tik, ɔ greps nɔ de na di vayn tik, ɔ di ɔliv tik nɔ bia natin, ɔ ivin if ɔl di tik dɛn na di fil nɔ bia igen, ɛn ɔl di ship ɛn got dɛn rɔnawe dɔn wan animal nɔ lɛf fɔ mɛn

Jɛrimaya 5:17

Dɛn go it ɔl wetin una avɛst ɛn ɔl di it we una gɛt fɔ it; dɛn go it una bɔypikin ɛn gyal pikin dɛm; dɛn go it una ship, got ɛn kaw dɛm; dɛn go it una greps ɛn una fig tik dɛm; una siti dɛn we una protɛkt ɛn abop pan, na sɔd dɛn go tek pwɛl dɛm.”

Ayzaya 5:10

Na et lita wayn nɔmɔ go kɔmɔt pan tɛn eka greps fam, tri ɛn af bag sid nɔ go bia rich af bag sɛf.”

Lɛvitikɔs 26:20

da tɛm de dɛn go jɛs de wes dɛn tɛm fɔ natin bikɔs natin nɔ gɛt fɔ gro na di grɔn.

Jɛrimaya 7:20

PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Ozie 2:12

A go pwɛl pwɛl in greps tik dɛn ɛn ivin di fig tik we dɔn bia we na dat kin mek i se, na di tɛnki dat we in man dɛn gi am. I se in go tɔn dɛn to bush, ɛn dɛn wayl animal dɛn go pwɛl dɛn.

Jɛrimaya 14:15

Fɔseka dat, PAPA GƆD se, kɔnsanin di prɔfɛt dɛm we de tek mi nem gi lay lay prɔfisi, ɔl we a nɔ sɛn dɛm, ɛn de se, ‘Wa ɛn bad bad aŋri nɔ go kam na dis land’: Na wa ɛn bad bad aŋri go kil dɛn prɔfɛt dɛn de.

Izikɛl 22:31

Fɔseka dat, a dɔn put mi vɛksteshɔn pan dɛm; a dɔn kil dɛm wit mi wamat in faya; a dɔn pe dɛn bak bay aw dɛn biev. Na dis Papa Gɔd we na Gɔd tɔk se.”

Malakay 3:11

PAPA GƆD Ɔlmayti se i nɔ go mek dɛn tin we de kɛr dɛn mɔni go, kɛr dɛn go. Dɛn tik dɛn go bia frut ɛn dɛn go gɛt wayn fɔ drink.