Jɛrimaya 8:11 - Krio Fɔs Oli Baybul

¹¹ Dɛn dɔn mɛn mi pipul dɛn wund layt wan, we dɛn de se, ‘kol at, kol at,’ we kol at nɔ de.

Jɛrimaya 8:11 Referans Kwoze

Jɛrimaya 6:14

Dɛn dɔn mɛn mi pipul dɛn wund af ɛn af, we dɛn de se, ‘Una gɛt kolat, una gɛt kolat,’ we wan kolat nɔ de.

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Mayka 2:11

Mayka se na pɔsin we de lay gi dɛn, nain dɛn want. I se if di pɔsin kam prich se dɛn go gɛt bɔku wayn ɛn rɔm fɔ drink, na da tɛm de dɛn go gladi fɔ lisin we i de tɔk.

Izikɛl 13:22

Bikɔs una bin dɔn mek di wan we de waka tret, dɛn at pwɛl, ivindo mi nɔ pwɛl in at, ɛn una dɔn ɛnkɔrej di wikɛd pipul, so dat i nɔ go chenj fɔ ebul sev in layf;

1 Kiŋ 22:13

Di mɛsenja we go kɔl Maykaya tɛl am se ɔl di ɔda prɔfɛt dɛn tɔk gud wɔd to di kiŋ ɛn na di sem tin dɛn ɔl tɔk; so in de advays am se wɛn i go to di kiŋ na wetin di ɔda prɔfɛt dɛn dɔn se insɛf fɔ se.

1 Kiŋ 22:6

Di kiŋ fɔ Izrɛl sɛn kɔl ɔl di fo ɔndrɛd prɔfɛt dɛn ɛn aks dɛn if i fɔ go fɛt Ramɔt Giliad ɔ lɛ i nɔ go. Di prɔfɛt dɛn ɔl ansa am se lɛ i go, PAPA GƆD go mek i win.

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Jɛrimaya 8:15

Wi luk fɔ kol at, bɔt nɔn gud nɔ kɔmɔt bien, wi luk fɔ tɛm fɔ mɛn wisɛf, bɔt na tin dɛn we mek wi fred apin.

Jɛrimaya 14:13

Nain a se; “E, Papa Gɔd we na Gɔd, di prɔfɛt dɛm de tɛl dɛm se, ‘Una nɔ go fɛt wa, ɛn una nɔ go day wit aŋri, bɔt a go mɔs gi una kol at na dis ples,’”

Jɛrimaya 23:17

Dɛn de tɛl dɛn wan dɛm we nɔ biliv PAPA GƆD in wɔd ɔltɛm se, “Ɔltin go fayn fɔ yu’; ɛn kin tɛl dɛn wan dɛn we nɔ de gri du wetin PAPA GƆD se, bɔt de fala dɛn yon at, se, ‘Nɔn bad tin nɔ go mit una.’”