Jɛrimaya 8:10 - Krio Fɔs Oli Baybul

¹⁰ Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Jɛrimaya 8:10 Referans Kwoze

Izikɛl 33:31

Ɛn dɛn kam to yu lɛk aw pipul dɛn kin kam, ɛn dɛn sidɔm bifo yu lɛk mi yon pipul, ɛn dɛn yɛri wetin yu se bɔt dɛn nɔ go du am; fɔ dɛn de sho bɔku lɔv wit dɛn mɔt bɔt dɛn at fasin pan dɛn prɔfit.

Taytɔs 1:11

Yu fɔ mek dɛn pipul ya tap fɔ tɛl pipul dɛn tin we dɛn de tɔk, bikɔs dɛn de skata mami, dadi, ɛn pikin, we dɛn de lan dɛn tin we dɛn nɔ fɔ lan dɛn. Dɛn de du dat fɔ mek mɔni nɔmɔ, ɛn dat na tin we fɔ mek dɛn shem.

Zɛfinaya 1:13

Dɛn go wutuwutu dɛn jɛntri go ɛn ivin dɛn os dɛn nɔ go bɛtɛ igen fɔ mek dɛn tap de. We dɛn bil nyu os, dɛn nɔ go ɛva tap de. Pan ɔl we dɛn go plant vayn gadin, dɛn nɔ go ebul pul wayn kɔmɔt de.

Emɔs 5:11

Una de tek aramu na poman an ɛn fos dɛn fɔ gi una rɔ wit; fɔ da aramu we una dɔn tek fɔ bil ston os, so una nɔ go slip insay di os. Da vayn gadin sɛf we una dɔn mek, una nɔ go tes di wayn.

Ayzaya 28:7

Dɛnwanya sɛf de rol na grɔn we dɛn drink wayn ɛn de staga we dɛn drink traŋa rɔm; di man we de mek sakrifays fɔ pipul sin ɛn di prɔfɛt bin de rol na grɔn we dɛn drink traŋa rɔm, wayn kɔnfyus dɛm, traŋa rɔm mek dɛn staga; dɛn nɔ de si gud, dɛn de mistek we dɛn de gi jɔjmɛnt.

Taytɔs 1:7

Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Mayka 3:5

Na dis PAPA GƆD se bɔt di fɔls prɔfɛt dɛn: I se dɛn de ful di pipul. We dɛn gi dɛn tin fɔ it, dɛn de se ɔltin ɔrayt bɔt we dɛn nɔ gɛt fɔ gi dɛn, na da tɛm de dɛn de tɛl dɛn se dɛn go gɛt trɔbul.

Lamɛnteshɔn 4:13

Dis na fɔseka di sin we in prɔfɛt dɛn kɔmit ɛn di bad bad tin dɛn we di man dɛn we de mek sakrifays fɔ pipul sin, we kil pipul dɛn we de waka tret wit PAPA GƆD, insay Jerusɛlɛm.

Jɛrimaya 32:32

fɔseka ɔl di bad we Izrɛl in bɔypikin dɛm ɛn Juda in bɔypikin dɛm du fɔ provok mi mek a vɛks– dɛn kiŋ dɛn, dɛn man dɛn we de mek sakrifays fɔ pipul sin, dɛn prɔfɛt dɛm, di man dɛn na Juda ɛn di pipul dɛn we tap na Jerusɛlɛm.

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Job 31:10

lɛ mi wɛf tɔn bɔy bɔy de gren fɔ in kɔmpin uman, ɛn lɛ ɔda man sɛks wit am.

Ayzaya 57:17

Fɔseka di sin we i kɔmit we i de milɛ pipul, a bin vɛks, so a pɔnish am, a ayd mi fes ɛn a bin veks; bɔt i stil bin de bakslayd we i de du wetin in at tɛl am.

Jɛrimaya 14:18

If a go na fam, a go si dɛn wan dɛn we day na wa! If a go insay di siti a go mit bad bad aŋri de! Bikɔs di prɔfɛt ɛn di man dɛn we de mek sakrifays fɔ pipul sin, de wirɔn ɔp ɛn dɔŋ de mek pipul dɛn pe dɛn fɔ dɛn wok, we dɛn nɔ no natin.’”

Jɛrimaya 17:11

Di pɔsin we de gɛt mɔni di rɔŋ we tan lɛk bush fɔl we de ach eg we i nɔ le, tɛm go kam we dɛn go lɛf am go, ɛn i go kan tɔn fulman in di ɛnd.

Jɛrimaya 22:17

Bɔt yu gɛt yay ɛn at fɔ rog pipul dɛn nɔmɔ, fɔ shɛd inosɛnt blɔd, ɛn fɔ sɔprɛs ɛn fɛt pipul.”

Jɛrimaya 38:22

A si dɛn de kɛr ɔl di uman dɛn we lɛf na di kiŋ na Juda in os go to di bigman dɛn na Babilɔn de se, Yu padi dɛn we yu bin biliv dɔn ple yu tampale, ɛn dɔn gɛt yu aw dɛn want yu; naw we una fut dɔn sink insay pɔtɔpɔtɔ dɛn dɔn kɔmɔt biɛn yu.’

Jɛrimaya 42:1

Ɔl di kɔmanda dɛm fɔ di difrɛn fɛtman dɛm ɛn Joanan we na Karɛn in bɔypikin, ɛn Azaraya we na Oshaya in bɔypikin, ɛn ɔl di pipul dɛm, frɔm di list wan to di wan we pas dɛn ɔl, kam nia

Mayka 2:4

We da tɛm de kam, pipul go yuz dɛn mek ɛgzampul fɔ sho aw pɔsin de pe fɔ di bad we i du to ɔda pipul. Di pipul dɛn go mek siŋ bɔt dɛn lɛkɛ se na bɛrin dɛn gɛt: Ɔltin dɔn dɔn fɔ dɛn! PAPA GƆD dɔn pul dɛn land kɔmɔt na dɛn an I dɔn gi am to di wan dɛn we kapchɔ dɛn.

Abakɔk 1:6

I se in go mek di Babilonian dɛn we rɔf lɛk wetin, tek ova bɔku siti dɛn we nɔto dɛn yon.

Jɛrimaya 14:14

Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.