Jɛrimaya 7:5 - Krio Fɔs Oli Baybul

⁵ “Bikɔs if una chenj una we ɛn fɔ tru tru lɛf dɛn tin dɛn we una de du, if una trit ɔlman di sem fɔ tru tru, ɛn gi udat gɛt rayt in rayt,

Jɛrimaya 7:5 Referans Kwoze

Jɛrimaya 22:3

Na dis PAPA GƆD se: Trit ɔlman ikwali ɛn waka tret na PAPA GƆD in yay, ɛn pul di pɔsin we dɛn dɔn tif kɔmɔt na di wan we de sɔprɛs am in an. Nɔ trit fɔrina, pikin we in papa dɔn day ɛn uman we in man dɔn day, bad ɔ wit Vayolɛns, ɛn nɔ kil pɔsin we inosɛnt.

Jɛrimaya 7:3

Na dis PAPA GƆD Ɔlmayti we na Izrɛl dɛn Gɔd se, “Una chenj di we we una de biev ɛn di tin dɛn we una de du, ɛn a go mek una tap na dis ples.

Ayzaya 1:19

If una gri fɔ du wetin a se ɛn obe mi, una go ɛnjɔy ɔl di gud tin dɛn na di land.

Izikɛl 18:17

I nɔ de gri fɔ kɔmit sin, i nɔ de lɛnt ɛn put intrɛst ɔ de prɔfitia, i de obe mi ɛn de du wetin a se; i nɔ go day fɔseka in papa in sin; fɔ tru tru, i go liv.

Izikɛl 18:8

I nɔ de tek intrɛst pan mɔni we i lɛnt pɔsin ɔ prɔfitia, i nɔ de gri du bad, ɛn de kɛriawt wetin rayt bitwin pipul dɛm we plaba de,

Ayzaya 16:3

“Gi advays, trit ɔlman di sem we; mek una shed tan lɛk nɛt di tɛm we san de ɔp sansan tɛm; ayd di wan dɛn we pipul nɔ want nia dɛn, nɔ pul pɔsin we de rɔnawe, na do;

Di Jɔj Dɛm 21:12

Ɔl ɛn ɔl, na fo ɔndrɛd yɔŋ vajin we nɔ no man, we min se dɛn nɔ lidɔm wit man wande, dɛn fɛn pan di pipul dɛn na Jabɛsh Giliad; dɛn kɛr dɛn go na di kamp na Shaylɔ we de na Kenan.

Di Jɔj Dɛm 5:1

Da de de, Dɛbora ɛn Barak we na Abinoam in pikin siŋ se,

Lɛvitikɔs 25:17

Nɔbɔdi nɔ fɔ rog in kɔmpin bɔt fɔ fred dɛn PAPA GƆD; bikɔs nain na PAPA GƆD we na dɛn GƆD.

Jɛrimaya 21:12

Yu Devid in os! Na dis PAPA GƆD se: “kɛri awt jɔstis na mɔnin, ɛn sev pipul dɛn kɔmɔt na di wan dɛn we de sɔprɛs dɛm, dɛn an, in we dɛn dɔn tif, if nɔ so, mi vɛksteshɔn go mit dɛm lɛk faya, ɛn bɔn, we nɔbɔdi nɔ go ebul ɔt am, fɔseka di ivul tin dɛm we una de du.’”

Jɛrimaya 22:15

Yu tink se yu na kiŋ bikɔs yu de bil wit sida bod lɛk yu kɔmpin? Yu fɔstɛmpapa dɛn nɔ bin de it ɛn drink, ɛn trit ɔlman ikwali ɛn waka tret na PAPA GƆD in yay? Da tɛm de, ɔltin bin fayn fɔ am.

Jɛrimaya 26:13

So fɔseka dat, una chenj una we ɛn di tin dɛn we una de du, ɛn du wetin PAPA GƆD we na una Gɔd se, dɔn PAPA GƆD nɔ go du di bad tin dɛn we i dɔn tɔk se i go du una.

Zɛkaraya 7:7

I se aw Jerusɛlɛm bin tan we ɔltin bin ɔrayt fɔ am, we pipul bin tap ɔlsay ɛn biznɛs bin fayn, na wetin i bin dɔn mek di prɔfɛt dɛn tɔk.

Izikɛl 18:5

If pɔsin de waka tret wit PAPA GƆD, ɛn de du wetin di lɔ se, ɛn wetin rayt,