Jɛrimaya 7:32 - Krio Fɔs Oli Baybul

³² PAPA GƆD se, “a de tɛl una, fɔseka dat, di tɛm de kam we dɛn nɔ go kɔl am Tɔfɛt ɔ Inɔm in bɔypikin in vali, bɔt dɛn go kɔl am, di Vali ɔf slɔta: bikɔs dɛn go de bɛr na Tɔfɛt, bikɔs, ples nɔ de ɔda say.

Jɛrimaya 7:32 Referans Kwoze

Jɛrimaya 19:11

ɛn yu go tɛl dɛm se, ‘Na dis PAPA GƆD Ɔlmayti se: Na so a go brok dɛn pipul ya ɛn dis siti, lɛkɛ we pɔsin de brok di tin we pɔta mek wit kle, so dat dɛn nɔ go ebul pach am igen. Pipul dɛn go de bɛr na Tɔfɛt, bikɔs nɔn ɔda say nɔ go de fɔ bɛr.’

Jɛrimaya 19:6

PAPA GƆD se, fɔseka dat, tɛm de kam we dɛn nɔ go kɔl dis ples Tɔfɛt, ɔ Inɔn in bɔypikin in vali Igen, bɔt dɛn go kɔl am di vali ɔf slɔta.

2 Kiŋ 23:10

Josaya pwɛl pwɛl Tɔfɛt we na de dɛn bin de wɔship lay lay gɔd na Inɔm Vali fɔ lɛ nɔbɔdi nɔ go de sakrifays in pikin de igen na faya to Molɛk.

Jɛrimaya 19:13

Di os dɛm na Jerusɛlɛm ɛn di kiŋ dɛm na Juda dɛn os dɛm –ɔl di os dɛn we dɛn bin dɔn bɔn insɛns na dɛn ruf, to di san, mun ɛn sta dɛm, ɛn dɔn tɔn drink ɔfrin dɛm to ɔda gɔd dɛm – da os de go dɔti na mi yay lɛk Tɔfɛt, lɛkɛ dis ples Tɔfɛt.’”

Jɛrimaya 7:31

Ɛn dɛn dɔn bil wan ɔlta we nem Tɔfɛt, we de na Inɔm in bɔypikin in vali, fɔ bɔn dɛn bɔy ɛn gyal pikin dɛm na faya; tin we a nɔ tɛl dɛn fɔ du, ɛn dat nɔ bin kam na mi maynd sɛf.

Lɛvitikɔs 26:30

PAPA GƆD go pwɛl pwɛl ɔl di ples dɛn we dɛn bil fɔ wɔship dɛn ɔda gɔd dɛn wit di insɛns ɔlta dɛn we dɛn go dɔn bil fɔ dɛn ɛn na pan dɛn brok brok bɔdi i go ib di wan dɛn we de wɔship dɛn, dɛn dedebɔdi. I nɔ go de wit dɛn igen

Jɛrimaya 19:2

ɛn go na di vali ɔf di sɔn ɔf Inɔm fɔ go insay Pɔtshɛd Get, ɛn tɔk dɛn wɔd dɛn ya, we a de tɛl yu, lɛ ɔlman yɛri.

Jɛrimaya 31:40

Di wanol dedebɔdi vali ɛn di ashis, ɛn ɔl di fil dɛm sote rich kidrɔn watasay, to di Ɔs Get kɔna we yu de go ist, fɔ oli to PAPA GƆD. Dɛn nɔ go atak am ɔ nyakanyaka am igen sote go.”

Izikɛl 6:4

Una ɔlta dɛm go ɛmti, ɛn di ɔlta dɛn we una de bɔn insɛns go brok kam dɔŋ pata pata. Ɛn a go kil una bifo una laylay gɔd dɛn.