Jɛrimaya 7:31 - Krio Fɔs Oli Baybul

³¹ Ɛn dɛn dɔn bil wan ɔlta we nem Tɔfɛt, we de na Inɔm in bɔypikin in vali, fɔ bɔn dɛn bɔy ɛn gyal pikin dɛm na faya; tin we a nɔ tɛl dɛn fɔ du, ɛn dat nɔ bin kam na mi maynd sɛf.

Jɛrimaya 7:31 Referans Kwoze

2 Kiŋ 23:10

Josaya pwɛl pwɛl Tɔfɛt we na de dɛn bin de wɔship lay lay gɔd na Inɔm Vali fɔ lɛ nɔbɔdi nɔ go de sakrifays in pikin de igen na faya to Molɛk.

Jɛrimaya 32:35

Dɛn bil ples dɛm fɔ wɔship Beal na Inɔm in bɔypikin in vali, fɔ sakrifays dɛn bɔy ɛn gyalpikin dɛm to molɛk, ɔlwe a nɔ kɔmand dɛn fɔ du dat, ɛn dat nɔ kam na mi maynd sɛf, fɔ mek dɛn du da tin we a et bad bad wan, fɔ mek Juda kɔmit sin.

2 Kiŋ 17:17

Dɔn igen, dɛn kil dɛn bɔy ɛn gyal pikin dɛn, ɛn bɔn dɛn na faya as sakrifays; dɛn de go to mɔreman, dɛn de lukgrɔn, ɔlkanaba bad tin nain dɛn du fɔ mek PAPA GƆD vɛks.

Lɛvitikɔs 18:21

PAPA GƆD se nɔn pan dɛn nɔ fɔ sakrifays ɛni pan dɛn pikin na faya to Molɛk bikɔs dat go mek dɛn put shem pan PAPA GƆD in nem. I se nain na PAPA GƆD.

Izikɛl 16:20

Ɛn una tek una bɔy ɛn gyal pikin dɛn, we una bɔn fɔ mi ɛn sakrifays dɛn to dɛn gɔd ya fɔ mek dɛn it dɛn. Una rare nɔ bin min natin

2 Kronikuls 33:6

Ɛn i tek in bɔypikin dɛm mek ɔfrin ɛn bɔn dɛm na faya na di vali we nem Vali ɔf di sɔns ɔf Inɔm, ɛn i bin de tɔk to dɛbul, ple magik ɛn du ɔlkayn wikɛdnɛs, ɛn i gɛt biznɛs wit ɔlkayn dɛbul ɛn dɛn wichman. I du bɔku wikɛdnɛs na PAPA GƆD in yay we mek i vɛks.

2 Kronikuls 28:3

ɛn i bin de bɔn insɛns na di Inɔn in bɔypikin dɛn Vali, ɛn bɔn in yon bɔypikin dɛn as bɔn sakrifays, we na sɔm pan di bad bad tin dɛn we di pipul dɛn we PAPA GƆD bin drɛb kɔmɔt na di land fɔseka Izrɛl, bin de du.

Ditarɔnɔmi 12:31

I se di Izrɛlayt dɛn nɔ fɔ wɔship PAPA GƆD we na dɛn GƆD di we we dɛn pipul dɛn de bin de wɔship dɛn yon gɔd, bikɔs dɛn bin de du ɔl di bad bad tin dɛn we PAPA GƆD et, fɔ dɛn gɔd dɛn; dɛn dɔn ivin bɔn dɛn pikin dɛn na faya gi dɛn gɔd dɛn.

Ditarɔnɔmi 17:3

ɛn i dɔn go butu de wɔship ɛn wok fɔ ɔda gɔd dɛn, ɔ de wɔship di san ɔ di mun ɔ di sta dɛn na di skay, we PAPA GƆD bin dɔn se dɛn nɔ fɔ du,

2 Kiŋ 23:20

Josaya kil ɔl di man dɛn we bin de mek sakrifays to lay lay gɔd pantap di ɔlta dɛn ɛn bɔn mɔtalman bon dɛn pantap dɛn, dɔn i tɔn bak go na Jerusɛlɛm.

Jɛrimaya 19:2

ɛn go na di vali ɔf di sɔn ɔf Inɔm fɔ go insay Pɔtshɛd Get, ɛn tɔk dɛn wɔd dɛn ya, we a de tɛl yu, lɛ ɔlman yɛri.

Jɔshwa 15:8

ɛn kɔntinyu go pas ɔp Inɔn Vali na di sawt pat na di il usay di Jɛbyusayt dɛn Jerusɛlɛm bin de. Di bɔda kɔntinyu go ɔp di il we de na di wɛst pat na Inɔn Vali na di nɔth pat to Refaim Vali.

Ayzaya 30:33

Bikɔs ples fɔ bɔn pɔsin bin dɔn rɛdi lɔlɔntɛm. Yɛs, dɛn bin dɔn rɛdi am fɔ di kiŋ. Di say we dɛn mek fɔ bɔn pɔsin, bin dip ɛn wayd, wit faya ɛn wud abɔmpa. Wɛn PAPA GƆD blo wit in mɔt, i go tan lɛk brim ston riva, ɛn nain go layt di faya.

Ayzaya 57:5

una we de de gɛt filin bad wan fɔ fala uman usay dɛn big tik dɛn de, ɔnda ɔl dɛn grin tik; una we de kil una pikin dɛn na dɛn vali dɛn, ɔnda di say we dɛn big rɔk plit?

Jɛrimaya 2:23

Aw una go se, “A nɔ dɔti na PAPA GƆD in yay, a nɔ de wɔship dɛn lay lay gɔd’? Luk di kayn sin we una de kɔmit na di vali; luk wetin una dɔn du – una tan lɛkɛ yɔŋ kamɛl we nɔ ebul stɛdi, bɔt de waka ɔp ɛn dɔŋ na di sem ples,

Izikɛl 20:26

ɛn a bin dɔti dɛm na mi yay wit dɛn yon yon prɛzɛnt dɛm, dat na we a mek dɛn sakrifays ɔl dɛn fɔs pikin dɛn na faya, so dat dɛn go fred bad bad wan; a du so, so dat dɛn go no se na mi na PAPA GƆD.

Izikɛl 20:31

We una gi una prɛzɛnt dɛm ɛn sakrifays una bɔypikin dɛn na faya, una de dɔti unasɛf na mi yay wit ɔl una laylay gɔd dɛn te tide. Na una fɔ kam fɛnɔt to mi, una Izrɛl? Papa Gɔd we na Gɔd se, wans a de, una nɔ go ebul fɛnɔt to mi.

Mayka 6:7

Una aks se if PAPA GƆD go gladi if una gi am wan tawzin man got ɔ fɔ gi am bɔku bɔku ɔyl ɔ na una fɔs pikin dɛn fɔ tek pe di dɛt fɔ una sin so dat una go yuz wetin kɔmɔt pan una bɔdi fɔ pe fɔ di sin.

Ditarɔnɔmi 18:10

I se lɛ nɔn pan dɛn nɔ go miks fɔ sakrifays dɛn pikin dɛn na faya, ɔ go miks pan luk grɔn biznɛs, ɔ dɛn majik biznɛs

Jɛrimaya 32:34

Dɛn put dɛn bad bad tin dɛn we a nɔ lɛk insay di os we dɛn se na fɔ mi, fo dɔti am na mi yay.