Jɛrimaya 7:30 - Krio Fɔs Oli Baybul

³⁰ PAPA GƆD se, “na bikɔs di bɔypikin dɛn na Juda dɔn du ivul tin dɛn bifo mi fes; dɛn dɔn du di bad bad tin dɛn we a nɔ lɛk na mi os we mi nem de, fɔ dɔti am na mi yay.

Jɛrimaya 7:30 Referans Kwoze

Izikɛl 7:20

Dɛn de tek dɛn fayn fayn dɛkɔreshɔn fɔ mek dɛn fil prawd bɔt dɛnsɛf, ɛn mek laylay gɔd dɛn we PAPA GƆD nɔ lɛk, ɛn di tin dɛn we PAPA GƆD et bad bad wan; so a go mek am tin we nɔ klin na mi yay.

Jɛrimaya 32:34

Dɛn put dɛn bad bad tin dɛn we a nɔ lɛk insay di os we dɛn se na fɔ mi, fo dɔti am na mi yay.

Daniɛl 9:27

I go mek traŋa Kɔvinant wit bɔku pipul fɔ wan wik; ɛn fɔ af da tɛm de, i go mek dɛn tap fɔ mek sakrifays ɛn ɔfrin. Pɔsin go kɔmɔt na di say we dɛn de du wetin PAPA GƆD et, te di tɛm we di lɔ go kech di pɔsin we de pwɛl ɔlsay.”

2 Kronikuls 33:7

Mek lay lay gɔd ɛn di lay lay gɔd we i mek i put am na PAPA GƆD in os, da os we i tɔk to Devid ɛn Sɔlɔmɔn in bɔypikin se, “Insay dis os ɛn na Jerusɛlɛm we a dɔn pik pan ɔl di trayb dɛm na Izrɛl, a go put mi nem sote go,

2 Kiŋ 21:7

I tek di Ashɛra pol we i mek put am insay Papa in os, ɛn PAPA GƆD bin dɔn tɛl Devid ɛn in bɔypikin Sɔlɔmɔn se nainsay da os de na Jerusɛlɛm we in dɔn pik pan ɔl dɛn fambul dɛn na Izrɛl na de dɛn go de wɔship am sote go.

2 Kiŋ 21:4

I bil ɔlta dɛn insay PAPA GƆD in os fɔ de wɔship lay lay gɔd, di ples we i dɔn se na de fɔ de wɔship am.

Jɛrimaya 23:11

PAPA GƆD se, “Di prɔfɛt dɛm ɛn di man dɛm we de mek sakrifays fɔ pipul sin, dɛn ɔngɔdli, se Gɔd Ɔlmayti, ivin na mi os, a dɔn si dɛn wikɛdnɛs de.

2 Kronikuls 33:15

Ɛn i pul ɔl di fɔrin gɔd dɛm ɛn lay lay gɔd dɛm na PAPA GƆD in os ɛn na Jerusɛlɛm ɛn in trowe dɛn kɔmɔt na di siti.

2 Kiŋ 23:12

Josaya pul di ɔlta dɛn we di kiŋ dɛn na Juda bin dɔn bil pantap di ruf na Kiŋ Eab in kwata ɛn brok brok dɛn, dɔn i pul di ɔda ɔlta dɛn we Kiŋ Manasɛ bil na PAPA GƆD in os; i smash dɛn ɔl pispis ɛn trowe dɛn na Kidrɔn Vali.

2 Kiŋ 21:3

Dɛn ples dɛn we in papa Ɛzikaya bin brok we na de dɛn bin de wɔship lay lay gɔd, na dɛn in bil bak; i bil ɔlta fɔ de mek sakrifays to Beal, dɔn i mek da gɔd we nem Ashɛra in imej, jɛs lɛkɛ aw Kiŋ Eab na Izrɛl bin du. Pantap dat, i bin de wɔship di sta dɛn.

2 Kronikuls 33:3

Bikɔs i bil bak di ay ples dɛm we in papa Ɛzikaya bin brok dɔŋ ɛn i bil ɔlta dɛm to de Beal dɛm, ɛn mek Ashere tik dɛm ɛn wɔship ɔl di sta dɛn na ɛvin ɛn sav dɛm.

Ayzaya 66:4

Misɛf igen go pik siknɛs ɛn waala fɔ dɛm ɛn mek di tin dɛn we dɛn de fred, mit dɛm; bikɔs, wɛn a bin kɔl dɛm, nɔbɔdi nɔ ansa, wɛn a bin tɔk, dɛn nɔ lisin; bɔt dɛn du tin dɛn we ivul na mi yay.”

Jɛrimaya 16:18

Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

Jɛrimaya 32:35

Dɛn bil ples dɛm fɔ wɔship Beal na Inɔm in bɔypikin in vali, fɔ sakrifays dɛn bɔy ɛn gyalpikin dɛm to molɛk, ɔlwe a nɔ kɔmand dɛn fɔ du dat, ɛn dat nɔ kam na mi maynd sɛf, fɔ mek dɛn du da tin we a et bad bad wan, fɔ mek Juda kɔmit sin.

Daniɛl 11:31

In ami dɛn go kam dɛsikret di tɛmpul ɛn di barik, ɛn go tap di bɔn sakrifays we nɔ de tap ɛn du tin we PAPA GƆD nɔ lɛk we go briŋ trɔbul.

Izikɛl 8:3

I bin pul sɔntin na do we tan lɛkɛ an, ɛn es mi ɔp bay wan pan di dada na mi ed; ɛn di spirit kɛr mi go ɔp bitwin ath ɛn ɛvin, ɛn i briŋ mi insay PAPA GƆD in vishɔn dɛm kam na Jerusɛlɛm, usay fɔ pas go insay di get na di insay kɔt we tɔn to di nɔt, ɛn usay di imej we nem Jɛlɔs ɛn we de mek pipul dɛn jɛlɔs, sidɔm.