Jɛrimaya 7:29 - Krio Fɔs Oli Baybul

²⁹ Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Jɛrimaya 7:29 Referans Kwoze

Job 1:20

Wɛn Job dɔn lisin to ɔl wetin dɛn gɛt fɔ se, i grap, chɛr in klos, krep in ed, nildɔŋ wit in ed na grɔn ɛn wɔship PAPA GƆD.

Mayka 1:16

I se di pipul dɛn na Juda fɔ krep dɛn ed fɔ sho aw dɛn fil am we dɛn tek dɛn pikin dɛn na dɛn an kɛr dɛn go. Dɛn fɔ fiba yuba we nɔ gɛt ia.

Jɛrimaya 6:30

Dɛn kɔl dɛm, “Silva we nɔbɔdi nɔ want,” bikɔs PAPA GƆD dɔn se I nɔ wan dɛm atɔl.”

Jɛrimaya 16:6

Big wan o, ɛn smɔl wan o, ɔl go day na dis land; dɛn nɔ go bɛr dɛm, ɛn nɔbɔdi nɔ go kray fɔ dɛm, ɔ kɔt insɛf ɔ shayn in ed fɔseka dɛm.

Apɔsul Dɛn Wok 2:40

Pita tɔk to dɛn ɛn wɔn dɛn se, “Una du dɛn tin we go mek una nɔ sɔfa, lɛkɛ aw dɛn wikɛd pipul na dis neshɔn go sɔfa.”

Matyu 23:36

A de tɛl una se, na dɛn tide pipul ya go sɔfa fɔ di wan dɛn we di Ju pipul dɛn bin kil!

Matyu 16:4

Dɛn tide pipul dɛn bad ɛn dɛn nɔ de fred Gɔd! Una de aks mi fɔ du wɔndaful tin, bɔt a nɔ go du am. Una nɔ go si ɛni wɔndaful tin pas di wan we bin dɔn bi to prɔfɛt Jona.” So Jizɔs lɛf di pipul dɛn ɛn go.

Matyu 12:39

Bɔt Jizɔs ansa dɛn se, “Dɛn tide pipul bad ɛn dɛn nɔ de fred Gɔd. Una de aks mi fɔ du wɔndaful wok, bɔt a nɔ go du am. Una nɔ go si ɛni wɔndaful wok pas di wan we bin dɔn bi to prɔfɛt Jona.

Matyu 3:7

Jɔn si se plɛnti Faresi ɛn Sadyusi dɛn bin de kam to am fɔ mek i baptayz dɛn, so i bigin tɔk pan dɛn. I se, “Una dɛn snek ya, una min se we dɛn baptayz una dat go mek Gɔd nɔ pɔnish una fɔ di sin we una dɔn sin?

Izikɛl 28:12

Mɔtalman siŋ bɛrin siŋ oba di Taya kiŋ, ɛn tɛl am se, na dis PAPA GƆD se: yu na bin di sil we nɔ gɛt ɛni bɔt yu gɛt bɔku bɔku sɛns ɛn yu fayn nɔ gɛt nɔn bɔt,

Izikɛl 19:1

Yu, siŋ wan sɔri siŋ fɔ tu bigman dɛn na Izrɛl,

Jɛrimaya 48:37

“Bikɔs dɛn dɔn krep ɔl dɛn ed ɛn shev ɔl dɛn bia bia; wund wund de na ɔl dɛn ed ɛn saklɔth de na dɛn wes.

Jɛrimaya 47:5

Shayned dɔn mit Gaza, Ashkɛlɔn in dɔn kwayɛt. Una di balans pipul dɛn na Filistia, aw lɔŋ una go de kɔt kɔt unasɛf?

2 Kiŋ 17:20

Dat mek PAPA GƆD tɔn in bak pan ɔl di Izrɛlayt dɛn, i pɔnish dɛn mek dɛn ɛnimi dɛn skata skata dɛn ɛn nyamanyama dɛn te wan pan dɛnsɛf nɔ lɛf.

Ditarɔnɔmi 32:5

Bɔt dɛn nɔ waka tret wi am, so dɛn nɔ fit fɔ bi in pipul, dɛn na sinful ɛn bɛn bɛn pipul.

Ayzaya 22:12

Da de de, PAPA GƆD Ɔlmayti bin se ɔlman fɔ kray ɛn fil sɔri, fɔ krep ed ɛn wɛr saklɔth;

Jɛrimaya 3:2

Es yu yay luk di ɛmti mawnten dɛm ɛn si! Usay de we yu nɔ dɔn rare? Yu dɔn sidɔm nia di rɔd de wet fɔ yu lɔva dɛm, lɛkɛ dɛn Arab na di dray ɛn ɛmti ples. Yu dɔn mek di land dɔti na PAPA GƆD yay wit yu rare gyal biznɛs.

Jɛrimaya 3:21

Yu yɛri wan vɔys na ɛmti il, we Izrɛl in bɔypikin dɛn de kray ɛn beg, bikɔs dɛn kɔrɔpt, dɛn dɔn fɔgɛt PAPA GƆD we na dɛn Gɔd.

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Jɛrimaya 12:7

“A dɔn fɔsek mi os, A dɔn abandɔn Izrɛl; A dɔn giwe di wande lɛk insay mi sol to in ɛnimi dɛm.

Jɛrimaya 14:19

Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Lamɛnteshɔn 5:22

Adinɔ yu dɔn push wi kɔmɔt nia yu ɔltogɛda wan. Yu dɔn vɛks pan wi bad bad wan?

Emɔs 5:1

Una dɛn Izrɛlayt dɛn, una lisin o, una lisin to dis bɛrin siŋ we a de siŋ fɔ una:

Jɛrimaya 9:16

A go skata dɛm na difrɛn difrɛn neshɔn dɛn we dɛm o, dɛn fɔstɛmpapa dɛm o, nɔ no wande; ɛn a go de kil kil dɛm, te a kil dɛn dɔn.”