Jɛrimaya 7:28 - Krio Fɔs Oli Baybul

²⁸ Ɛn yu go tɛl dɛm se, ‘Na di neshɔn dis we nɔ yɛri PAPA GƆD we na dɛn Gɔ in wɔd, ɛn nɔ gri mek i kɔntrol dɛm; di tru dɔn day; i nɔ de na dɛn mɔt igen

Jɛrimaya 7:28 Referans Kwoze

Zɛfinaya 3:2

I nɔ de yɛri nɔbɔdi, i nɔ de tek kɔrɛkshɔn. I nɔ abop pan PAPA GƆD, i nɔ de go nia PAPA GƆD.

Jɛrimaya 32:33

Dɛn nɔ tɔn dɛn fes to mi, na dɛn bak dɛn tɔn to mi; ɛn ɔlwe a de tich dɛm a nɔ de taya, dɛn nɔ lisin fɔ mek dɛn lan.

Prɔvabs 1:7

If yu want fɔ gɛt sɛns na layf, di fɔs tin we yu fɔ du na fɔ biliv PAPA GƆD ɛn fred am; fulman nɔ de tek advays ɛn kɔrɛkshɔn.

Zɛfinaya 3:7

I bin min se di pipul dɛn go fred am ɛn tek kɔrɛkshɔn ɛn nɔ go ɛva fɔgɛt wetin dɛn dɔn pas bɔt i tan lɛk na da tɛm de dɛn de bad mɔ ɛn mɔ.

Ozie 4:1

Izrɛlayt dɛn, opin una yes ɛn yɛri wetin PAPA GƆD se, bikɔs PAPA GƆD gɛt siriɔs kɔmplen bɔt wetin di Izrɛlayt dɛn de du we i nɔ lɛk. Pipul jɛs de biev adɔnkiadam. Dɛn de wɔship ɔda gɔd dɛn ɛn nɔ bisin fɔ no am na di land;

Jɛrimaya 6:8

A de wɔn una o, Jerusɛlɛm, if nɔ so, a go avɔyd una; if nɔ so a mek yu ɛmti ples, land we nɔbɔdi nɔ tap.”

Jɛrimaya 5:3

E PAPA GƆD, nɔto di tru yu de luk fɔ? Yu dɔn bit dɛm, bɔt dɛn nɔ fil pen; yu dɔn kil sɔm pan dɛm bɔt dɛn nɔ gri tek kɔrɛkshɔn. Dɛn dɔn mek dɛn fes dɛn traŋa pas rɔk; dɛn nɔ gri fɔ chenj.

Jɛrimaya 5:1

Rɔn ɔp ɛn dɔŋ di trit dɛm na Jerusɛlɛm, luk ɛn tek notis! Sach in opin ples dɛn si if yu go fɛn wan pɔsin, pɔsin we trit ɔlman ikwal ɛn de tɔk tru; so dat a go sɔri fɔ Jerusɛlɛm.

Jɛrimaya 2:30

PAPA GƆD se, A dɔn pɔnish una pikin dɛm te, dɛn nɔ gri chenj; na unasɛf tek una an kil una prɔfɛt dɛn lɛk layɔn we aŋri bad bad wan.

Di Sam Dɛm 50:17

Una et di tin dɛn we a de tɛl una fɔ du ɛn una nɔ tek mi wɔd mek natin.

Jɛrimaya 6:17

A put pɔsin fɔ de wach una, ɛn tɛl una se, ‘Una lisin fɔ di trɔmpɛt!’ Bɔt dɛn se, ‘wi nɔ go lisin.’

Jɛrimaya 11:10

Dɛn dɔn tɔn bak to dɛn fɔstɛmpapa dɛn we nɔ bin gri yɛri mi wɔd, dɛn sin; dɛn dɔn go fɔ go sav ɔda gɔd dɛm; Izrɛl ɛn Juda dɔn brok mi Kɔvinant we a bin mek wit dɛn fɔstɛmpapa dɛm.

Jɛrimaya 17:23

Pan ɔl dat, dɛn nɔ lisin ɔ pe atɛnshɔn to mi, bɔt dɛn mekɔp dɛn maynd so dat dɛn no go yɛri fɔ tek wetin a se dɛn fɔ du.

Di Sam Dɛm 12:2

Soso tufes biznɛs nain pipul de pan; na lay nɔmɔ ful dɛn mɔt.

Ayzaya 30:9

Bikɔs dɛn na pipul we traŋayes, bɔypikin dɛn we de lay, bɔypikin dɛn we nɔ de yɛri PAPA GƆD in wɔd;

Jɛrimaya 6:28

Dɛn na traŋayes rebɛl dɛm, we de ɔlɔbɔt de koŋosa; dɛn na bras ɛn ayɛn, dɛn ɔl kɔrɔpt.