Jɛrimaya 7:26 - Krio Fɔs Oli Baybul

²⁶ pan ɔl dat, dɛn nɔ yɛri mi wɔd ɔ pe atɛnshɔn to mi, bɔt dɛn kɔk dɛn yes. Dɛn du wɔs tin pas dɛn fɔstɛmpapa dɛm.

Jɛrimaya 7:26 Referans Kwoze

Jɛrimaya 16:12

ɛn bikɔs una dɔn du wɔs pas una fɔstɛmpapa dɛm, bikɔs a si se una ɔl de fala inyon stɔbɔn ɛn ivul we, ɛn nɔ gri fɔ lisin to mi;

2 Kronikuls 30:8

Una nɔ stif una nɛk lɛk una Papa dɛm, bɔt gi una sɛf to PAPA GƆD. Ɛn kam to in Oli ples we i dɔn mek oli sote go ɛn sav PAPA GƆD una Gɔd mek in at we dɔn wam fɔ una go kol.

Matyu 23:32

So, una go dɔn di wok we una grampapa papa dɛn bin bigin!

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”

Jɛrimaya 17:23

Pan ɔl dat, dɛn nɔ lisin ɔ pe atɛnshɔn to mi, bɔt dɛn mekɔp dɛn maynd so dat dɛn no go yɛri fɔ tek wetin a se dɛn fɔ du.

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Lɛta Fɔ Rom 2:5

Bɔt una traŋayes ɛn una at traŋa, na dat mek Gɔd go pɔnish una mɔ di de we i go sho aw i vɛks pan mɔtalman ɛn we i go jɔj dɛn lɛkɛ aw i fɔ jɔj dɛn.

Apɔsul Dɛn Wok 7:51

“Una na traŋayes pipul! Gɔd nɔ de na una at, una nɔ de lisin to Gɔd in mɛsej! Una jɛs tan lɛkɛ una grampapa papa dɛn: unasɛf nɔba gri fɔ du ɛnitin we Gɔd in Spirit tɛl una fɔ du.

Matyu 21:38

Bɔt wɛn di pipul dɛn we rɛnt di gadin si di man in pikin, dɛn se, ‘Na dis pikin, dis prɔpati ya go lɛf to, lɛ wi kil am so dat di prɔpati go kam na wi an.’

Daniɛl 9:6

Wi nɔ bin lisin wetin yu wokman dɛn, di prɔfɛt dɛn bin de tɔk wetin yu tɛl dɛn fɔ tɛl wi kiŋ dɛn, wi prins dɛn, ɛn wi papa dɛn, ɛn to ɔl di pipul na di land.

Jɛrimaya 44:16

“As fɔ wetin yu dɔn tɛl wi se PAPA GƆD se fɔ tɛl wi, wi nɔ go lisin to yu.

Jɛrimaya 34:14

‘Afta siks ia, ɔlman fɔ fri in kɔmpin Ibru we dɛn bin dɔn sɛl gi am, we dɔn sav fɔ siks ia; yu fɔ fri am lɛ i lɛf fɔ wok fɔ yu.’ Bɔt una fɔstɛmpapa dɛn nɔ lisin to mi ɔ ivin pe atɛnshɔn to wetin a se.

Jɛrimaya 29:19

PAPA GƆD se, bikɔs dɛn nɔ yɛri mi wɔd we a de sɛn mi wokman dɛn we na di prɔfɛt dɛn, fɔ tɛl dɛn ɔltɛm. Na so PAPA GƆD se.

Jɛrimaya 26:5

ɛn fɔ pe atɛnshɔn to wetin mi wokman dɛn we na di prɔfɛt dɛn we a sɛn to una ɔjɛnt ɔjɛnt wan, ɔldo una nɔ lisin dɛm,

Jɛrimaya 25:7

PAPA GƆD se, pan ɔl dat, una nɔ lisin to mi, so dat una go provok mi mek a vɛks wit wetin una an de du to una yon dɛtrimɛnt.

Jɛrimaya 25:3

I se, “Fɔ twɛnti tri ia, frɔm di ia we mek Josaya we na Amɔn in bɔypikin, tɔtin ia as kiŋ na Juda’ te to dis de, PAPA GƆD in wɔd dɔn kam to mi ɛn a dɔn kɔntinyu fɔ tɔk to una, bɔt una nɔ lisin.

Jɛrimaya 11:8

Stil dɛn nɔ du am ɔ ivin lisin, bɔt dɛn ɔl du di traŋayes tin we dɛn ivul at tɛl dɛn fɔ du. Na dat mek a dɔn tɛl dɛn di kayn pɔnishmɛnt we di Kɔvinant we a bin kɔmand dɛn fɔ obe, bɔt dɛn nɔ bin obe, se dɛn fɔ gɛt

Jɛrimaya 6:17

A put pɔsin fɔ de wach una, ɛn tɛl una se, ‘Una lisin fɔ di trɔmpɛt!’ Bɔt dɛn se, ‘wi nɔ go lisin.’

Ayzaya 48:4

Bikɔs a no se yu traŋayes, ɛn yu nɛk na lɛk ayɛn rop ɛn yu fɔrɛd na lɛk bras,

Prɔvabs 29:1

Ɛnibɔdi we de mek traŋayes we dɛn kɔrɛkt am go gɛt trɔbul, ɛn we i nɔ mekɔp, na de i go fɛn in yon day.

Nɛimaya 9:29

Yu wɔn dɛn mek dɛn go bak ɛn du wetin de na di lɔ we yu gi dɛn, bɔt usay, dɛn traŋayes ɛn nɔ gri fɔ du wetin yu se. Dɛn sin ɛn nɔ gri biev lɛkɛ aw yu se. Yu se if mɔtalman biev lɛkɛ aw yu want, i go gɛt lɔŋ layf. Dɛn bin de mek traŋa at pan yu so dɛn nɔ ivin lisin we yu de tɔk to dɛn.

2 Kronikuls 33:10

PAPA GƆD tɔk to Manasɛ ɛn to in pipul dɛm bɔt dɛn nɔ gri lisin

2 Kiŋ 17:14

Bɔt usay, dɛn nɔ yɛri; na soso di bad abit we dɛn fɔstɛm-papa dɛn bin gɛt we dɛn nɔ de lisin to papa GƆD, nain dɛnsɛf gɛt.

Ayzaya 5:4

Wetin mɔ a fɔ du fɔ mi grep fam we a nɔ du yet? Wɛn a de luk se i go bia greps, wetin mek i bia sawa grep?

Jɛrimaya 5:3

E PAPA GƆD, nɔto di tru yu de luk fɔ? Yu dɔn bit dɛm, bɔt dɛn nɔ fil pen; yu dɔn kil sɔm pan dɛm bɔt dɛn nɔ gri tek kɔrɛkshɔn. Dɛn dɔn mek dɛn fes dɛn traŋa pas rɔk; dɛn nɔ gri fɔ chenj.

Jɛrimaya 6:10

Udat a go tɔk to ɛn wɔn, so dat dɛn go yɛri? I bi se, dɛn yes dɛn lɔk, dɛn nɔ ebul lisin; I bi se, to dɛm, PAPA GƆD in wɔd na tin fɔ laf, dɛn nɔ gɛt tɛm fɔ am.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 35:17

Fɔseka dat na dis PAPA GƆD Ɔlmayti we na Izrɛl dɛn Gɔd se: Biliv mi, a de briŋ ɔl di bad bad tin dɛm pan Juda ɛn Jerusɛlɛm, we a bin dɔn tɔk se go bi to dɛm; bikɔs a tɔk to dɛm bɔt dɛn nɔ lisin, a dɔn kɔl dɛm bɔt dɛn nɔ ansa.

Izikɛl 20:30

So, tɛl di Izrɛlayt dɛn se, na dis Papa Gɔd we na Gɔd se: una go dɔti unasɛf na mi yay lɛk aw una fɔstɛmpapa dɛn bin du, ɛn go biɛn dɛn tin dɛn we a et bad bad wan?

Zɛkaraya 7:11

Bɔt usay! Dɛn nɔ lisin to wetin i se. Bifo dat, dɛn mek traŋayes ɛn kɔk dɛn yes so dat dɛn nɔ go yɛri.

Malakay 3:7

I se frɔm we dɛn fɔstɛm-papa dɛn de nain dɛn nɔ de du wetin i want. So, if dɛn tɔn bak fɔ du wetin i want, insɛf we na PAPA GƆD Ɔlmayti go du wetin i fɔ du fɔ dɛn. Bɔt dɛn de aks wetin dɛn fɔ du fɔ tɔn bak to PAPA GƆD.

Ditarɔnɔmi 8:20

Lɛkɛ aw dɛn bin si PAPA GƆD kil dɛn ɔda neshɔn dɛn fɔseka dɛn, na so i go mek dɛnsɛf day biks dɛn nɔ obe PAPA GƆD we na dɛn PAPA GƆD, in lɔ dɛn.

1 Kiŋ 14:9

Di kayn bad tin we i dɔn du nɔbɔdi nɔ wande du am bifo am. I grap go mek gɔd fɔ insɛf wit ayɛn. Sɛf i dɔn ambɔgin PAPA GƆD bad bad wan.

1 Kiŋ 14:22

Di pipul dɛn na Juda du bad bad tin we PAPA GƆD nɔ lɛk. Infakt dɛn mek PAPA GƆD vɛks pan dɛn mɔ pas aw i bin vɛks pan dɛn fɔstɛm-papa dɛn.

2 Kiŋ 17:15

Dɛn nɔ gri fɔ du wetin PAPA GƆD se, ɛn nɔ kip di Kɔvinant we i sayn wit dɛn fɔstɛm-papa dɛn; bifo dat dɛn bigin de wɔship lay lay gɔd dɛn we nɔ min natin ɛn na so dɛnsɛf kam fiba mɔtalman dɛn we nɔ fit natin. Dɛn falamakata dɛn ɔda neshɔn dɛn we PAPA GƆD bin dɔn wɔn dɛn bɔt, ɛn du wetin PAPA GƆD tɛl dɛn nɔ fɔ du.

2 Kronikuls 33:23

Ɛn i nɔ ɔmbul insɛf bifo PAPA GƆD lɛk aw Manasɛ in dadi bin ɔmbul insɛf, bɔt dis Amɔn bin jɔs de pak mɔ ɛn mɔ tin dɛn pan insɛf we mek am gilti.

Jɛrimaya 3:13

Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

Jɛrimaya 9:13

Ɛn PAPA GƆD se, “Bikɔs dɛn dɔn fɔsek mi lɔ we a gi dɛm, ɛn nɔ du wetin a se, ɔ du tin akɔdin to mi lɔ,

Jɛrimaya 22:21

A bin tɔk to yu wɛn yu bin jɛntri, bɔt yu bin se, ‘A nɔ go lisin.’ Na so yu tan frɔm we yu yɔŋ, yu nɔ du wetin a se.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Izikɛl 12:2

“Mɔtalman, yu tap wit pipul dɛn we nɔ de gri fɔ yɛri wɔd, we gɛt yay fɔ si bɔt nɔ de si, we gɛt yes fɔ yɛri bɔt nɔ de yɛri;

Izikɛl 12:3

bikɔs dɛn na pipul dɛn we nɔ de gri fɔ yɛri wɔd. So mɔtalman, pak tin dɛn we pɔsin we de go ɛgzayl kin pak fɔ yusɛf ɛn go ɛgzayl santɛm we dɛn go si yu; yu fɔ go lɛk pɔsin we de go ɛgzayl, kɔmɔt na yu ples go ɔda say we dɛn de si yu. Sɔntɛnde, dɛn go ɔndastand, ivin do dɛn na pipul dɛn we nɔ de gri yɛri wɔd.

Ozie 11:7

I se sins di pipul dɔn mekɔp fɔ lɛf am to insɛf, na dɛnsɛf dɔn pik se tin fɔ traŋa fɔ dɛn ɛn nɔbɔdi nɔ go ebul ɛp dɛm.