Jɛrimaya 7:25 - Krio Fɔs Oli Baybul

²⁵ Frɔm di de we una papa dɛm kɔmɔt Ijipt, te tide, a nɔ de taya fɔ sɛn ɔl mi wokman dɛn we na di prɔfɛt dɛm, to dɛm, de afta de;

Jɛrimaya 7:25 Referans Kwoze

Jɛrimaya 25:4

Una nɔ lisin ɛn una nɔ opin una yes fɔ yɛri, ɔlwe PAPA GƆD de sɛn ɔl in wokman dɛm, we na di prɔfɛt dɛm, to una ɔltɛm

2 Kronikuls 36:15

PAPA GƆD we na dɛn Papa fasin fɔ sɛn to dɛm bay in mɛsenja dɛm bikɔs i gɛt sɔri at fɔ in pipul dɛm ɛn in dwɛlin ples.

Izikɛl 2:3

I tɛl mi se, “mɔtalman, a de sɛn yu to di pipul dɛn na Izrɛl, we na neshɔn we dɛn ɔl traŋayes, ɛn dɛn dɔn tɔn dɛn bak pan mi; dɛn ɛn dɛn fɔstɛmpapa dɛm dɔn du bad bad tin dɛm to mi frɔm datɛnde, te tide.

Jɛrimaya 7:13

PAPA GƆD se, ɛn rayt naw, bikɔs una dɔn du ɔl dɛn tin ya, ɛn wɛn a bin de tɔk to una ɛn nɔ de blo, una nɔ bin lisin, ɛn wɛn a kɔl una, una nɔ ansa,

Nɛimaya 9:26

“Bɔt dɛn nɔ bin de du wetin yu want ɛn dɛn tɔn rebɛl pan yu; dɛn nɔ bin bisin bɔt wetin yu lɔ se. Dɛn kil yu prɔfɛt dɛn we bin de tɛl dɛn wetin yu want, we bin de advays dɛn fɔ mek dɛn tek yu siriɔs. Dɛn tɔk bɔku bad bad tin dɛn bɔt yu.

Nɛimaya 9:30

Yu peshɛnt wit dɛn fɔ lɔŋ. Wit yu klin at yu bin de yuz di prɔfɛt dɛn fɔ advays dɛn. Pan ɔl dat, dɛn nɔ yɛri wɔd, so yu an dɛn bak to di neba kɔntri dɛn.

Ɛzra 9:7

Frɔm di tɛm we wi grampa dɛn de na wɔl te tide, wi we se wi na yu pipul dɛn jɛs de du bad nɔmɔ. Ɛn bikɔs ɔf wi sin, wi o, wi kiŋ dɛn o, ɛn wi man dɛn we de mek sakrifays fɔ pipul sin dɛn fɔdɔm na dɛn pegan kiŋ dɛn trap. Dɛn kil wi, dɛn tif wi, dɛn kapchɔ wi, ɛn kɛr wi go trit wi lɛkɛ jelman. Dɛn disgres wi ɛn na da disgres de de pan wi te tide.

Ditarɔnɔmi 9:7

I mɛmba dɛn we dɛn bin mek PAPA GƆD we na dɛn PAPA GƆD vɛks, we dɛn bin de na da ɛmti ples we pɔsin nɔ go ebul tap. I se frɔm we dɛn kɔmɔt Ijipt te dɛn rich usay dɛn bin dɔn rich so, dɛn nɔ bin de du wetin PAPA GƆD bin de tɛl dɛn fɔ du atɔl.

Lyuk 11:49

Na dat mek di wan we dɛn kɔl ‘Gɔd in Sɛns’ se, ‘A go sɛn mi prɔfɛt dɛn ɛn mi mɛsenja dɛn to dɛn, bɔt dɛn go kil sɔm ɛn dɛn go mek di ɔda wan dɛn sɔfa.’

2 Kronikuls 24:19

Pan ɔl dat, i sɛn prɔfɛt dɛm to dɛm fɔ briŋ dɛn kam bak to in PAPA GƆD; dat mek dɛn gilti bɔt dɛn nɔ bin stil bisin.

Ayzaya 5:4

Wetin mɔ a fɔ du fɔ mi grep fam we a nɔ du yet? Wɛn a de luk se i go bia greps, wetin mek i bia sawa grep?

Jɛrimaya 11:7

Bikɔs a bin wɔn una fɔstɛmpapa dɛn siriɔs siriɔs wan we a bin pul dɛn kɔmɔt Ijipt, ɛn a bin de wɔn dɛm ɔltɛm, ivin to tide, Una de du wetin a se una fɔ de du.

Jɛrimaya 25:3

I se, “Fɔ twɛnti tri ia, frɔm di ia we mek Josaya we na Amɔn in bɔypikin, tɔtin ia as kiŋ na Juda’ te to dis de, PAPA GƆD in wɔd dɔn kam to mi ɛn a dɔn kɔntinyu fɔ tɔk to una, bɔt una nɔ lisin.

Jɛrimaya 29:19

PAPA GƆD se, bikɔs dɛn nɔ yɛri mi wɔd we a de sɛn mi wokman dɛn we na di prɔfɛt dɛn, fɔ tɛl dɛn ɔltɛm. Na so PAPA GƆD se.

Jɛrimaya 35:14

Di kɔmand we Jonadeb we na Rekab in bɔypikin bin gi in yon bɔypikin dɛn, we i se dɛn nɔ fɔ drink wayn, dɛn kip to am; ɛn dɛn nɔ drink nɔn wayn te tide, bikɔs dɛn dɔn obe dɛn papa in kɔmand. Ɔltɛm a de tɔk to una, bɔt una nɔ de lisin mi.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 44:4

Pan ɔl dat, a bin de sɛn mi wokman dɛm we na di prɔfɛt dɛn to una ɔltɛm fɔ tɛl una se, ‘Ey, una nɔ du dis bad bad tin we a et bad bad wan!’

Ozie 12:10

I mɛmba dɛn se nain bin de tɔk to di prɔfɛt dɛn; i bin lɛ dɛn de gɛt bɔku vishɔn ɛn kin gi dɛn parebul fɔ di pipul.

Emɔs 2:11

Noto mi mek una bɔypikin dɛn bi prɔfɛt ɛn mek di yɔŋ bɔbɔ dɛn bi Nazirayt? Noto so i bi una dɛn Izrɛlayt? Una tɔk nɔ!

Malakay 3:7

I se frɔm we dɛn fɔstɛm-papa dɛn de nain dɛn nɔ de du wetin i want. So, if dɛn tɔn bak fɔ du wetin i want, insɛf we na PAPA GƆD Ɔlmayti go du wetin i fɔ du fɔ dɛn. Bɔt dɛn de aks wetin dɛn fɔ du fɔ tɔn bak to PAPA GƆD.

Ozie 11:7

I se sins di pipul dɔn mekɔp fɔ lɛf am to insɛf, na dɛnsɛf dɔn pik se tin fɔ traŋa fɔ dɛn ɛn nɔbɔdi nɔ go ebul ɛp dɛm.