Jɛrimaya 7:24 - Krio Fɔs Oli Baybul

²⁴ Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Jɛrimaya 7:24 Referans Kwoze

Jɛrimaya 8:5

Wetindu dɛn pipul ya dɔn tɔn dɛn bak pan mi ɛn nɔ gri tɔn bak? Dɛn biliv pan lay lay tin dɛn gud gud wan, ɛn nɔ gri tɔn bak kam to mi.

Jɛrimaya 7:26

pan ɔl dat, dɛn nɔ yɛri mi wɔd ɔ pe atɛnshɔn to mi, bɔt dɛn kɔk dɛn yes. Dɛn du wɔs tin pas dɛn fɔstɛmpapa dɛm.

Ditarɔnɔmi 29:19

ɔ lɛk pɔsin we, pan ɔl we i no ɔl wetin di Kɔvinant se i fɔ de du, i stil de tɔk nain at se, natin bad nɔ go apin to am, i lɛk we i de traŋayes ɛn de du wetin in want. Mozis tɛl di Izrɛlayt dɛn se, dat go mek di pɔsin we de obe ɛn di wan we traŋayes, sɔfa togɛda.

Izikɛl 20:13

Bɔt Izrɛl bin ribɛl agens mi na di say we ɛmti ɛn dray we natin nɔ de; dɛn nɔ bin du wetin mi lɔ se, bɔt tɔn dɛn bak pan mi kɔmand dɛm, we na we mɔtalman du dɛm dɛn go gɛt lɔŋ layf; dɛn disrɛspɛkt mi de fɔ blo ɛn rɛst bad bad wan. So a bin tink se a fɔ put mi vɛksteshɔn pan dɛn na di ɛmti ples we natin nɔ de, so dat dɛn ɔl go day.

Jɛrimaya 32:33

Dɛn nɔ tɔn dɛn fes to mi, na dɛn bak dɛn tɔn to mi; ɛn ɔlwe a de tich dɛm a nɔ de taya, dɛn nɔ lisin fɔ mek dɛn lan.

Ozie 4:16

I se lɛk aw yɔŋ uman kaw kin traŋayes na so Izrɛl traŋayes; na so PAPA GƆD nɔ go ebul fɔ gi dɛn wetin dɛn want ivin if dɛn de usay gras bɔku.

Izikɛl 20:21

Bɔt di pikin dɛn bin ribɛl agens mi; dɛn nɔ bin du wetin mi lɔ dɛn se, ɛn nɔ bin bisin bɔt mi kɔmand dɛm, we na we mɔtalman du dɛn, dɛn go gɛt lɔŋ layf, ɛn semwe dɛn nɔ bin rɛspɛkt mi de fɔ blo ɛn rɛst. “So a bin tink na mi at se a fɔ put mi bad bad vɛksteshɔn pan dɛm, ɛn put mi krɔs pan dɛm na di say we ɛmti ɛn natin nɔ de.

Izikɛl 20:8

Bɔt dɛn bin tɔn dɛn bak pan mi ɛn nɔ gri lisin to mi; dɛn ɔl nɔ bin gri trowe di tin dɛn we a et bad bad wan we dɛn at bin de pan, ɛn dɛn nɔ bin gri kɔmɔt biɛn Ijipt dɛn laylay gɔd dɛn. Dɛn a bin tink se a fɔ put mi vɛksteshɔn pan dɛn ɛn put mi krɔs pan dɛn na Ijipt.

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Jɛrimaya 2:27

we de tɔk to tik se, ‘Yu na mi papa,’ ɛn to ston se, ‘Na yu mek a de bɔn.’ Bikɔs dɛn dɔn tɔn dɛm bak pan mi, nɔto dɛn fes. Bɔt we dɛn kin gɛt trɔbul, dɛn kin de se, ‘Duya sev wi!’

Nɛimaya 9:29

Yu wɔn dɛn mek dɛn go bak ɛn du wetin de na di lɔ we yu gi dɛn, bɔt usay, dɛn traŋayes ɛn nɔ gri fɔ du wetin yu se. Dɛn sin ɛn nɔ gri biev lɛkɛ aw yu se. Yu se if mɔtalman biev lɛkɛ aw yu want, i go gɛt lɔŋ layf. Dɛn bin de mek traŋa at pan yu so dɛn nɔ ivin lisin we yu de tɔk to dɛn.

Izikɛl 20:16

bikɔs dɛn tɔn dɛn bak pan mi kɔmand dɛm, ɛn nɔ waka bay aw mi lɔ dɛn se, ɛn nɔ rɛspɛkt mi de fɔ blo ɛn rɛst; dat na bikɔs dɛn at bin de to dɛn laylay gɔd dɛm.

Jɛrimaya 23:17

Dɛn de tɛl dɛn wan dɛm we nɔ biliv PAPA GƆD in wɔd ɔltɛm se, “Ɔltin go fayn fɔ yu’; ɛn kin tɛl dɛn wan dɛn we nɔ de gri du wetin PAPA GƆD se, bɔt de fala dɛn yon at, se, ‘Nɔn bad tin nɔ go mit una.’”

Jɛrimaya 9:14

bɔt dɔn tek traŋayes du wetin dɛn yon at se, ɛn go wɔship dɛn Beal, jɛs lɛk aw dɛn fɔstɛmapa dɛn lan dɛm.

Jɛrimaya 13:11

Bikɔs, lɛk aw skintayt kin grip pɔsin wes, na semweso a bin mek di wanol Izrɛl ɛn di wanol Juda ol mi tayt, so dat dɛn go bi mi yon pipul dɛm, pipul dɛn we go mek nem fɔ mi, we go mek dɛn prez mi, we go mek a femɔs; bɔt usay, dɛn nɔ gri lisin to mi. Na so PAPA GƆD se.

Jɛrimaya 16:12

ɛn bikɔs una dɔn du wɔs pas una fɔstɛmpapa dɛm, bikɔs a si se una ɔl de fala inyon stɔbɔn ɛn ivul we, ɛn nɔ gri fɔ lisin to mi;

Jɛrimaya 17:23

Pan ɔl dat, dɛn nɔ lisin ɔ pe atɛnshɔn to mi, bɔt dɛn mekɔp dɛn maynd so dat dɛn no go yɛri fɔ tek wetin a se dɛn fɔ du.

Jɛrimaya 18:10

if i du bad tin bifo mi, ɛn nɔ lisin to wetin a se, datɛnde a go ripɛnt fɔ di gud we a bin se a de du dɛm.

Jɛrimaya 18:12

“Bɔt dɛn se, ‘Dat na fɔ natin! Wi go du wetin wi dɔn plan ɛn ɔlman go du wetin in traŋayes ɛn ivul at se.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Ozie 10:6

Dɛn go tek di lay lay gɔd insɛf go Asiria as prɛzɛnt fɔ di kiŋ. Di pipul na Ifrem ɛn Izrɛl go shem so fɔ we dɛn de fala ɔda gɔd dɛn.

Mayka 6:16

Ɔl dis go bi bikɔs una fala wetin Omri de du ɛn ɔl di bad we Eab sɛf de du; ɛn bikɔs ɔf dat, a go mek dɛn ɔda pipul dɛn sɔktit we dɛn si una bikɔs una go dɔn alaki.”

Di Sam Dɛm 81:13

If mi pipul bin lisin to mi nɔmɔ, If Izrɛl bin gri du wetin a se,

Jɛrimaya 3:13

Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

Jɛrimaya 6:16

Na dis PAPA GƆD se, “Una go tinap na forod ɛn wach, una aks fɔ dɛn ol rod, usay di gud rod de; ɛn una waka de, ɛn fɛn kolat fɔ una sol. Bɔt dɛn se, ‘we nɔ go waka de.’

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Jɛrimaya 17:9

Mɔtalman at disitful pas ɔltin, ɛn i kɔrɔpt in kayn nɔ de; udat go ebul ɔndastand am?

Jɛrimaya 22:21

A bin tɔk to yu wɛn yu bin jɛntri, bɔt yu bin se, ‘A nɔ go lisin.’ Na so yu tan frɔm we yu yɔŋ, yu nɔ du wetin a se.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Daniɛl 9:6

Wi nɔ bin lisin wetin yu wokman dɛn, di prɔfɛt dɛn bin de tɔk wetin yu tɛl dɛn fɔ tɛl wi kiŋ dɛn, wi prins dɛn, ɛn wi papa dɛn, ɛn to ɔl di pipul na di land.

Zɛkaraya 7:11

Bɔt usay! Dɛn nɔ lisin to wetin i se. Bifo dat, dɛn mek traŋayes ɛn kɔk dɛn yes so dat dɛn nɔ go yɛri.