Jɛrimaya 7:23 - Krio Fɔs Oli Baybul

²³ Bɔt, na dis kɔmand a bin gi dɛm se, ‘Obe mi vɔys, ɛn a go bi una Gɔd ɛn una go bi mi pipul dɛm; una liv aw a se una fɔ liv, so dat una go ɛnjɔy una layf.’

Jɛrimaya 7:23 Referans Kwoze

Ɛksodɔs 15:26

I tɛl dɛn se, “If nɔmɔ una du wetin mi PAPA GƆD we na una PAPA GƆD we no wetin rayt bifo mi yay tɛl una fɔ du; dɔn una kip ɔl mi kɔmandmɛnt ɛn ɔda lɔ dɛn, a nɔ go pɔnish una wit ɛniwan pan dɛn sik dɛn we a bin put pan di Ijipshian dɛn. Mi na PAPA GƆD, a nɔ go mek una sɔfa.”

Ditarɔnɔmi 5:33

I advays di Izrɛlayt dɛn fɔ du ɔl wetin PAPA GƆD we na dɛn PAPA GƆD dɔn se dɛn fɔ de du so dat ɔltin go fayn fɔ dɛn ɛn dɛn go gɛt lɔŋ layf fɔ ɛnjɔy di land we dɛn bin de go kapchɔ.

Jɛrimaya 42:6

I gud o, i bad o, wi go du wetin PAPA GƆD we na wi Gɔd we wi de sɛn yu to naw, so dat ɔltin go gud fɔ wi we wi du wetin PAPA GƆD we na wi Gɔd se.”

Di Ibru Pipul Dɛn 5:9

Wɛn Jizɔs dɔn sho se in ebul du ɔltin, i kam bi di wan we de sev ɔl dɛn pipul we de du wetin i tɛl dɛn fɔ du, ɔltɛm.

Ditarɔnɔmi 6:3

Mozis koks di Izrɛlayt dɛn fɔ obe di lɔ dɛn so dat dɛn go gɛt blɛsin jɛs lɛkɛ aw PAPA GƆD we na dɛn fɔstɛm-papa dɛn PAPA GƆD bin dɔn se, ɛn dɛn go bɔn bɔku bɔku pikin dɛn na di land we gud fɔ animal ɛn fɔ plant.

Ditarɔnɔmi 30:20

ɛn de traŋa wan wit PAPA GƆD we na dɛn PAPA GƆD, de sho am se dɛn lɛk an bay we dɛn de du ɔl wetin i se; bikɔs na da we de dɛn go kɔntinyu fɔ de na dis wɔl ɛn gɛt lɔŋ layf, so dat dɛn go de na di land we PAPA GƆD bin dɔn swɛ to di Izrɛlayt dɛn fɔstɛm-papa dɛn, dat na Ebraam, Ayzak ɛn Jekɔb, se i go gi dɛn.

Ditarɔnɔmi 13:4

I se na PAPA GƆD nɔmɔ dɛn fɔ put dɛn at to; dɛn fɔ rɛspɛkt am ɛn du ɔl wetin I se, ɛn nain nɔmɔ dɛn fɔ lisin to, wɔship ɛn biliv in waŋren.

Jɛrimaya 11:4

we a bin kɔmand una fɔstɛmpapa dɛn fɔ du, we a bin briŋ dɛm kɔmɔt Ijipt, kɔmɔt na di ayɛn fayasay, de tɛl dɛn se, Una lisin mi ɛn du ɔl wetin a kɔmand una fɔ du. Na dat go mek una bi mi pipul dɛn ɛn mi go bi una Gɔd,

Ditarɔnɔmi 5:29

I se PAPA GƆD bin se if na da kayn at de dɛn gɛt ɔl di tɛm fɔ rɛspɛkt am ɛn du ɔl wetin i se dɛn fɔ du, ɔltin bin fɔ fayn sote go fɔ dɛn ɛn dɛn pikin dɛn we nɔ bɔn yet.

2 Kɔrint 10:5

wi de tek dɛn pwɛl dɛn tin we de mek pipul prawd we mek dɛn nɔ want fɔ no Gɔd; wi de yus dɛn fɔ mek pɔsin tap fɔ tink ɛnitin we go mek i nɔ du wetin Gɔd se i fɔ du, so i go chenj ɛn i go want du wetin Gɔd se i fɔ du.

Ditarɔnɔmi 30:2

I se if dɛn ɛn dɛn jɛnareshɔn gri fɔ obe PAPA GƆD we na dɛn PAPA GƆD, ɛn tɔn bak go to PAPA GƆD we na dɛn PAPA GƆD wit ɔl dɛn at ɛn sol;

Jɛrimaya 11:7

Bikɔs a bin wɔn una fɔstɛmpapa dɛn siriɔs siriɔs wan we a bin pul dɛn kɔmɔt Ijipt, ɛn a bin de wɔn dɛm ɔltɛm, ivin to tide, Una de du wetin a se una fɔ de du.

Ditarɔnɔmi 30:8

Dɔn di Izrɛlayt dɛn go tɔn to PAPA GƆD bak, ɛn obe ɔl wetin i bin se dɛn fɔ de du.

Lɛta Fɔ Rom 16:26

Bɔt naw wetin di prɔfɛt dɛn bin rayt dɔn mek plɛnti pipul no dis tru tin ya, ɛn Gɔd we de sote go, dɔn tɛl wi fɔ tɛl ɔlman na wɔl bɔt dis tru tin, so dat ɔlman go biliv ɛn du wetin Gɔd se.

Ditarɔnɔmi 4:10

I se dɛn fɔ tɛl dɛn aw na da de we dɛn bin de usay PAPA GƆD we na dɛn PAPA GƆD bin bɔs pan dɛn na Mawnt Saynay, PAPA GƆD bin tɛl am mek i gɛda ɔl di pipul dɛn bikɔs i want lɛ dɛn yɛri ɔl wetin i de tɔk, so dɛn go no se dɛn fɔ rɛspɛkt am te dɛn day ɛn dɛn fɔ lan dɛn pikin bɔt ɔl dɛn tin dɛn de.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Ditarɔnɔmi 11:27

I se dɛn go gɛt di blɛsin dɛn if dɛn du ɔl wetin PAPA GƆD se dɛn fɔ du,

Ditarɔnɔmi 5:16

Izrɛl dɛn fɔ rɛspɛkt dɛn papa ɛn dɛn mama bikɔs na so PAPA GƆD se, lɛ dɛn go gɛt lɔŋ layf ɛn ɛnjɔy dɛnsɛf na di land we PAPA GƆD we na dɛn PAPA GƆD dɔn gi dɛn.

Ɛksodɔs 16:32

Mozis tɛl di pipul dɛn se, PAPA GƆD se, dɛn fɔ kip sɔm pan di mana fɔ lɛ dɛn Jɛnareshɔn we nɔ bɔn yet go si am, fɔ lɛ dɛn no di kayn it we PAPA GƆD bin tek fid dɛn na di di ɛmti ples we pɔsin nɔ go ebul tap na afta we i bin dɔn pul dɛn kɔmɔt na Ijipt.

1 Samiɛl 15:22

Nain Samiɛl se “PAPA GƆD want yu fɔ bɔn sakrifays to am ɔ i want yu fɔ du wetin go mek i gladi? No se fɔ du wetin PAPA GƆD se fɔ du, bɛtɛ pas di sakrifays we yu de mek to am.

Di Sam Dɛm 40:6

Noto sakrifays ɛn ɔda tin dɛn yu want bɔt yu gi mi yes fɔ yɛri yu wɔd ɛn obe am; yu nɔ want dɛn animal we wi de bɔn to yu na ɔlta, ɛn ivin dɛn animal we wi de kil gi yu fɔ pul wi pan sin.

Di Sam Dɛm 81:13

If mi pipul bin lisin to mi nɔmɔ, If Izrɛl bin gri du wetin a se,

Ayzaya 3:10

Tɛl dɛn wan we de waka tret se ɔltin go fayn fɔ dɛn, bikɔs dɛn go it wetin dɛn plant

Jɛrimaya 13:11

Bikɔs, lɛk aw skintayt kin grip pɔsin wes, na semweso a bin mek di wanol Izrɛl ɛn di wanol Juda ol mi tayt, so dat dɛn go bi mi yon pipul dɛm, pipul dɛn we go mek nem fɔ mi, we go mek dɛn prez mi, we go mek a femɔs; bɔt usay, dɛn nɔ gri lisin to mi. Na so PAPA GƆD se.

Jɛrimaya 22:3

Na dis PAPA GƆD se: Trit ɔlman ikwali ɛn waka tret na PAPA GƆD in yay, ɛn pul di pɔsin we dɛn dɔn tif kɔmɔt na di wan we de sɔprɛs am in an. Nɔ trit fɔrina, pikin we in papa dɔn day ɛn uman we in man dɔn day, bad ɔ wit Vayolɛns, ɛn nɔ kil pɔsin we inosɛnt.

Jɛrimaya 24:7

A go gi dɛm di at fɔ no se na mi na di PAPA GƆD; ɛn dɛn go bi mi pipul ɛn mi go bi dɛn Gɔd, bikɔs dɛn go kam bak to mi wit ɔl dɛn at.

Jɛrimaya 38:20

Nain Jɛrimaya se, “Dɛn nɔ go an yu oba to dɛm. Du wetin a tɛl yu se PAPA GƆD se, wantɛm wantɛm, ɛn i go bi wɛl wit yu ɛn dɛn go spia yu layf.

Zɛfinaya 3:2

I nɔ de yɛri nɔbɔdi, i nɔ de tek kɔrɛkshɔn. I nɔ abop pan PAPA GƆD, i nɔ de go nia PAPA GƆD.

Zɛkaraya 6:15

Pipul we de fawe, dɛn ɔl go kam ɛp fɔ bil PAPA GƆD in os dɔn na da tɛm de dɛn go biliv se na PAPA GƆD bin sɛn am. Dɛn, na da tɛm de, dɛn go wan du wetin PAPA GƆD se.

Zɛkaraya 7:7

I se aw Jerusɛlɛm bin tan we ɔltin bin ɔrayt fɔ am, we pipul bin tap ɔlsay ɛn biznɛs bin fayn, na wetin i bin dɔn mek di prɔfɛt dɛn tɔk.

Ditarɔnɔmi 4:40

I advays dɛn fɔ du ɔl wetin i bin dɔn tɛl dɛn se PAPA GƆD se dɛn fɔ du ɛn nɔ fɔ du, so ɔltin go fayn fɔ dɛn ɛn dɛn pikin dɛn we nɔ bɔn yet; lɛ dɛn go gɛt lɔŋ layf fɔ ɛnjoy di land we PAPA GƆD we na dɛn PAPA GƆD dɔn gi dɛn sote go.

Ditarɔnɔmi 13:5

So da pɔsin we go se in na prɔfɛt ɔ de intaprit drim, we go tɛl dɛn fɔ wɔship ɔda gɔd, dɛn fɔ kil am, bikɔs i go de tray fɔ lɛ dɛn kɔmɔt biɛn PAPA GƆD ɛn tɔn rebɛl pan am; PAPA GƆD we pul dɛn kɔmɔt pan slev layf na Ijipt usay dɛn bin de sɔfa lɛkɛ dɔg. Da kayn pɔsin de nɔ go fit fɔ de wit dɛn.

Job 36:11

If dɛn yɛri wɔd ɛn tɔn to am, dɛn kin ɛnjɔy dɛn balans layf we lɛf, ɛn dɛn layf go swit te dɛn day.

Di Sam Dɛm 119:3

Dɛn nɔ gɛt wan ambɔg; ɛn dɛn de fala wetin PAPA GƆD se.

Jɛrimaya 22:21

A bin tɔk to yu wɛn yu bin jɛntri, bɔt yu bin se, ‘A nɔ go lisin.’ Na so yu tan frɔm we yu yɔŋ, yu nɔ du wetin a se.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.