Jɛrimaya 7:22 - Krio Fɔs Oli Baybul

²² Bikɔs di tɛm we a pul dɛm kɔmɔt na di land ɔf Ijipt, a nɔ bin tɔk to una Papa dɛm ɔ kɔmand dɛm bɔt ɔfrin we de bɔn na faya ɔ sakrifays dɛm.

Jɛrimaya 7:22 Referans Kwoze

Ozie 6:6

I se wetin i want pas ɔl na fɔ lɛ pipul de lɛk am ɔltɛm, nɔto fɔ mek dɛn de mek sakrifays to am. I go bɛtɛ lɛ una no am, pas fɔ mek sakrifays we dɛn de bɔn na faya.

1 Samiɛl 15:22

Nain Samiɛl se “PAPA GƆD want yu fɔ bɔn sakrifays to am ɔ i want yu fɔ du wetin go mek i gladi? No se fɔ du wetin PAPA GƆD se fɔ du, bɛtɛ pas di sakrifays we yu de mek to am.

Matyu 9:13

Una go ɛn fɛnɔt wetin dɛn bin min wɛn dɛn rayt na Gɔd in Buk se, ‘Gɔd want mek una sɔri fɔ ɔda pipul ɛn du dɛn gud, i nɔ want dɛn bif sakrifays we una de mek!’ A nɔ kam tɛl dɛn pipul we de du wetin di Lɔ we Gɔd gi Mozis se fɔ chenj dɛn layf, bɔt a kam tɛl dɛn pipul we de pan sin fɔ mek dɛn chenj dɛn layf.”

Di Sam Dɛm 40:6

Noto sakrifays ɛn ɔda tin dɛn yu want bɔt yu gi mi yes fɔ yɛri yu wɔd ɛn obe am; yu nɔ want dɛn animal we wi de bɔn to yu na ɔlta, ɛn ivin dɛn animal we wi de kil gi yu fɔ pul wi pan sin.

Mak 12:33

Ɛn we yu se, wi fɔ lɛk Gɔd wit ɔl wi at, ɔl wi maynd, ɛn ɔl wi pawa, ɛn wi fɔ lɛk wi kɔmpin mɔtalman lɛkɛ aw wi lɛk wisɛf. Dat bɛtɛ pas ɔl di sakrifays dɛn we wi de mek ɛn ɔl di bif dɛn we wi de bɔn we wi de sakrifays to Gɔd.”

Ditarɔnɔmi 17:3

ɛn i dɔn go butu de wɔship ɛn wok fɔ ɔda gɔd dɛn, ɔ de wɔship di san ɔ di mun ɔ di sta dɛn na di skay, we PAPA GƆD bin dɔn se dɛn nɔ fɔ du,

Jɛrimaya 32:30

Bikɔs na so so ivul Izrɛl in bɔypikin dɛm ɛn Juda in bɔypikin dɛn dɔn du bifo mi fɔrm we dɛn yɔŋ; Izrɛl in bɔypikin dɛm nɔ du natin pas fɔ prɔvok mi mek a vɛks bay wetin dɛn de du wit dɛn yon an. Na so PAPA GƆD se.