Jɛrimaya 7:20 - Krio Fɔs Oli Baybul

²⁰ PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”

Jɛrimaya 7:20 Referans Kwoze

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Jɛrimaya 17:27

Bɔt if una nɔ lisin to mi, fɔ kip di de fɔ blo ɛn rɛst oli, ɛn nɔ fɔ tot lod pas insay di get dɛm na Jerusɛlɛm de fɔ blo ɛn rɛst, a go layt faya nain get dɛm, ɛn i go bɔn di kiŋ os dɛm na Jerusɛlɛm, ɛn nɔbɔdi nɔ go ebul ɔt am.”

Ayzaya 42:25

So I put in ebi ebi vɛksteshɔn pan am ɛn in pawa fɔ fɛt; I put faya rawnd am, bɔt i nɔ bin ɔndastand; I bɔn am, bɔt I nɔ tek am mek natin.

Neum 1:6

Udat ebul tinap bifo PAPA GƆD we i vɛks? Udat ebul am we i dɔn vɛks? We i vɛks i de blez lɛk faya, ivin dɛn big ston kin tɔn grabul-grabul usay i de.

Izikɛl 22:22

Lɛk we silva de mɛlt insay big ovin, na so unasɛf go mɛlt insay de; ɛn una go no se na mi PAPA GƆD dɔn put mi vɛksteshɔn pan una.

Lamɛnteshɔn 4:11

PAPA GƆD pul ɔl in vɛksteshɔn pan Jerusɛlɛm, i pul ɔl in wamat pan am; i mek faya kech Jerusɛlɛm we bɔn am to asis.

Jɛrimaya 44:6

Fɔseka dat, a bin put mi wamat ɛn mi vɛksteshɔn pan dɛm, ɛn dɛn bin si am na di siti dɛm na Juda ɛn na di trit dɛm na Jerusɛlɛm; ɛn dɛn tɔn west ɛn gud fɔ natin de lɛkɛ tide.

Ayzaya 66:24

“Ɛn dɛn go kɔmɔt go, go luk di man dɛn we tɔn dɛn bak pan mi dɛn dedebɔdi dɛm; bikɔs dɛn tumbu nɔ go day, dɛn faya nɔ go ɔt. Nɔbɔdi nɔ go gladi fɔ si dɛm.

2 Kiŋ 22:17

I se PAPA GƆD se bikɔs dɛn dɔn tɔn dɛn bak pan am ɛn bɔn insɛns to ɔda gɔd dɛn we na mɔtalman mek dɛn, in go vɛks pan dɛn ɛn da vɛks de nɔ go dɔn.

Rɛvɛleshɔn 14:10

insɛf go drink Gɔd in yon wayn, dat na di pɔnish we i go pɔnish bikɔs Gɔd vɛks pan am, da pɔnishmɛnt de tan lɛkɛ bita wayn we nɔ miks wit wata we i gɛt fɔ drink. Ɔl dɛn pipul we de du dɛn tin ya go pɔnish bifo Gɔd in enjɛl dɛn ɛn Gɔd in Ship insay faya we sɔlfa de bɔn.

Malakay 4:1

PAPA GƆD Ɔlmayti se di we de kam go tan lɛk ɔt ovin we ɔl udat de kak ɛn du bad go bɔn lɛkɛ dray gras. Nɔn pan dɛn pikin ɛn grampikin nɔ go de fɔ si da de de.

Daniɛl 9:11

Di wanol Izrɛl dɔn disobe yu ɛn tɔn wi bak, ɛn nɔ gri fɔ du wetin yu se. Di swɛ dɛn ɛn di wanwɔd we wi mek fɔ du wetin rayt insay Mozis in lɔ we na PAPA GƆD in wokman, dɔn fɔdɔm pan wi, bikɔs wi dɔn kɔmit sin to yu.

Jɛrimaya 14:16

Ɛn dɛn go trowe di pipul dɛm we dɛn de prɔfisay to, midul trit na Jerusɛlɛm. Na aŋri ɛn wa go kil dɛm ɛn nɔbɔdi nɔ go bɛr dɛm– nɔbɔdi nɔ go de fɔ bɛr dɛm – dɛm, dɛn wɛf dɛm, dɛn bɔypikin dɛm ɛn dɛn gyal pikin dɛm. Bikɔs a go gi dɛn di pe fɔ dɛn wikɛdnɛs.

Jɛrimaya 12:4

Aw lɔŋ di land go de sɔri, ɛn di gras na ɔl dɛn fil de wida? Fɔseka di wikɛdnɛs we di wan dɛm we tap de, de du, di animal dɛm ɛn di bɔd dɛm ɔl de day, bikɔs pipul dɛn de tɔk se; “I nɔ go si aw wi go ɛnd.”

Matyu 3:12

I ol tin lɛkɛ lɔŋ fɔk fɔ tek pul di chaf chaf kɔmɔt pan di wit. I go gɛda in wit put am na sto ɛn i go bɔn di chaf chaf na faya we nɔ de tap fɔ bɔn.”

Ayzaya 10:17

Izrɛl in layt go tɔn to faya ɛn in Oli Wan go tɔn faya; ɛn i go bɔn ɛn pwɛl chuk chuk ɛn wayl bush waŋren de.

Jɛrimaya 6:11

Fɔseka dat, PAPA GƆD in sem vɛksteshɔn ful insay mi; A dɔn taya fɔ bia kip am insay mi. “Empti am pan dɛn pikin na trit, ɛn igen, pan dɛn yɔŋbɔy dɛm ɔl usay dɛn gɛda; dɛn go kɛr mared man ɛn in wɛf go, di ol grani ɛn grampa dɛm, ɛn di wan dɛnsɛf we dɔn olpasmak.

Jɛrimaya 6:12

Dɛn go gi ɔda pipul dɛn, dɛn os dɛm, wit dɛn fam ɛn dɛn wɛf dɛm sɛf; bikɔs a go pɔnish di pipul dɛn na di land,” na so PAPA GƆD se.”

Jɛrimaya 8:13

PAPA GƆD se, “Wɛn a go gɛda dɛm, nɔn greps nɔ de na di greps tik, ɛn nɔn fignɔt na de na di fig tik; ivin di lif dɛm dɔn wida, ɛn wetin a bin gi dɛm nɔ de pan dɛn igen”

Jɛrimaya 11:16

PAPA GƆD bin de kɔl yu, ‘Grin greps tik, we fayn fɔ si wit frɛsh frɛsh frut dɛm’; bɔt na wantɛm ala i gɔ ala wit ebi tɛnda ɛn laytin, i go sɛt faya pan am, ɛn ɔl in branch dɛm go bɔn.

Jɛrimaya 17:4

Una go pul an pan di land we a bin gi una, ɛn a go mek una sav una ɛnimi dɛm na land we una nɔ no, bikɔs we a vɛks, faya kin layt we go kech sote go.

Jɛrimaya 18:23

PAPA GƆD, yu no ɔl dɛn plan dɛm fɔ kil mi. Nɔ fɔgiv dɛn sin dɛm, ɛn nɔ wep dɛn sin kɔmɔt bifo yu. Lɛ dɛn bit dɛm bifo yu; dil wit dɛm di tɛm we yu vɛks.

Jɛrimaya 21:12

Yu Devid in os! Na dis PAPA GƆD se: “kɛri awt jɔstis na mɔnin, ɛn sev pipul dɛn kɔmɔt na di wan dɛn we de sɔprɛs dɛm, dɛn an, in we dɛn dɔn tif, if nɔ so, mi vɛksteshɔn go mit dɛm lɛk faya, ɛn bɔn, we nɔbɔdi nɔ go ebul ɔt am, fɔseka di ivul tin dɛm we una de du.’”

Zɛfinaya 1:2

PAPA GƆD se in go klia ɔltin kɔmɔt na wɔl.

Lɛvitikɔs 26:28

dɛn insɛf go mek traŋayes ɛn nɔ lisin to dɛn bikɔs i vɛks bad ɛn nainsɛf go pɔnish dɛn fɔ dɛn sin dɛn.

Izikɛl 7:12

Di tɛm dɔn kam, di de dɔn kam nia. Lɛ dɛn wan dɛn we de bay nɔ gladi, ɛn lɛ di wan dɛn we de sɛl nɔ fil sɔri, bikɔs big big waala dɔn mit ɔl dɛn pipul dɛn.

Izikɛl 7:14

“Dɛn dɔn blo di trɔmpɛt ɛn dɛn dɔn rɛdi ɔl tin; bɔt nɔbɔdi nɔ go go fɛt wa, bikɔs a vɛks pan ɔl di pipul dɛn bad bad wan.

Zɛfinaya 1:3

I go klia mɔtalman o, animal o, bɔd o, fish o - ɔlman. I se in go mek dɛn bad wan dɛn ɔl kɔmɔt na rod bikɔs ɔlman go day na wɔl.

Zɛkaraya 7:12

Dɛn traŋa dɛn at fɔ mek dɛn nɔ yɛri PAPA GƆD Ɔlmayti in wɔd we i bin dɔn mek in Spirit we bin de insay dɛn fɔstɛm prɔfɛt tɔk. Dat mek PAPA GƆD Ɔlmayti vɛks bad fɔ wetin dɛn de du.