Jɛrimaya 7:19 - Krio Fɔs Oli Baybul

¹⁹ PAPA GƆD se, “Na mi dɛn de provok? Nɔto dɛnsɛf, fɔ kɔnfyus dɛnsɛf?

Jɛrimaya 7:19 Referans Kwoze

1 Kɔrint 10:22

Una want mek Gɔd vɛks pan una? Una tink se una traŋa pas am?

Jɛrimaya 20:11

Bɔt PAPA GƆD de wit mi, ɛn na sojaman we dɛn de fred bad bad wan; so di wan dɛn we de aras mi go bɔk dɛn fut, dɛn nɔ go ovakɔm mi. Dɛn go shem bad bad wan, bikɔs dɛn nɔ go sɔksid. Dɛn nɔ go fɔgɛt dɛn ɛvalastin disgres.

Jɛrimaya 9:19

Bikɔs, wi de yɛri pipul dɛn de kray na Zayɔn se: “Wetin mek wi dɔn alaki so! Dɛn dɔn disgres wi bad bad wan,, bikɔs wi dɔn kɔmɔt na di land, bikɔs dɛn dɔn brok brok wi os dɛm.”

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Ayzaya 45:16

Dɛn ɔl shem ɛn kɔnfyus, di wan dɛn we de mek laylay gɔd de go wit kɔnfyushɔn togɛda.

Ayzaya 1:24

Fɔseka dat PAPA GƆD se, PAPA GƆD Ɔlmayti, di wan we de ay pas ɔlman na Izrɛl: “E! A go lus mi tɛmpa pan mi ɛnimi dɛn ɛn a go pe mi ɛnimi dɛn bak.

Ayzaya 1:20

Bɔt if una nɔ gri ɛn tɔn una bak pan mi, na wa una go day; bikɔs na PAPA GƆD sɛf sɛf tɔk so.”

Job 35:6

If yu dɔn kɔmit sin, dat go pul wan trɛd pan PAPA GƆD in klos? Ɛn if yu de du bad bad tin ɔltɛm, dat go shek PAPA GƆD?

Ɛzra 9:7

Frɔm di tɛm we wi grampa dɛn de na wɔl te tide, wi we se wi na yu pipul dɛn jɛs de du bad nɔmɔ. Ɛn bikɔs ɔf wi sin, wi o, wi kiŋ dɛn o, ɛn wi man dɛn we de mek sakrifays fɔ pipul sin dɛn fɔdɔm na dɛn pegan kiŋ dɛn trap. Dɛn kil wi, dɛn tif wi, dɛn kapchɔ wi, ɛn kɛr wi go trit wi lɛkɛ jelman. Dɛn disgres wi ɛn na da disgres de de pan wi te tide.

Ditarɔnɔmi 32:16

Izrɛl mek PAPA GƆD jɛlɔs fɔ dɛn fɔrena dɛn gɔd dɛn, di bad bad tin dɛn we dɛn bin de du, mek i vɛks bad bad wan.

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Jɛrimaya 8:19

Yɛri, mi pipul dɛn gyal pikin dɛn kray, ɔlɔbɔt na di land; “PAPA GƆD nɔ de na Zayɔn? In kiŋ nɔ de de? “Wetindu dɛn provok mi te a vɛks wit dɛn lay lay gɔd dɛn, ɛn wit fɔrin lay lay gɔd dɛm?”

Jɛrimaya 15:9

Di uman we bɔn sɛvin pikin, dɔn lɛf to insɛf; I dɔn fent;; In san go dɔŋ sansantɛm; dɛn dɔn disgres am ɛn i dɔn shem. A go kil di balans wan dɛm na wa bifo dɛn ɛnimi dɛm. Na so PAPA GƆD se.

Jɛrimaya 22:22

Na briz go bi yu shɛpad, dɛn yon shɛpad dɛm, ɛn dɛn go kapchɔ yu lɔva dɛn go tɔn dɛm slev; dɛn yu go shem ɛn kɔnfyus bikɔs ɔf ɔl yu wikɛdnɛs.

Jɛrimaya 25:7

PAPA GƆD se, pan ɔl dat, una nɔ lisin to mi, so dat una go provok mi mek a vɛks wit wetin una an de du to una yon dɛtrimɛnt.

Jɛrimaya 44:3

fɔseka di wikɛd tin dɛm we dɛn du, tin dɛn we mek a vɛks, dat na we dɛn bin de bɔn insɛns ɛn sav ɔda gɔd dɛm we dɛn, una ɛn ivin una fɔstɛmpapa dɛm nɔ no.

Izikɛl 16:26

Una rare to dɛn Ijipshian dɛn, una neba dɛn we want uman ɔltɛm, we mek una de rare mɔ ɛn mɔ, we de mek a vɛks bad bad wan.

Jɛrimaya 3:25

Lɛ wi lidɔm pan wi shem, ɛn lɛ wi disrɛspɛkt kɔba wi; bikɔs wi dɔn kɔmit sin agens PAPA GƆD we na wi Gɔd, wi ɛn wi papa dɛm, frɔm we wi yɔŋ, te tide; ɛn wi nɔ dɔn obe PAPA GƆD we na wi Gɔd in vɔys.”