Jɛrimaya 7:18 - Krio Fɔs Oli Baybul

¹⁸ Di pikin dɛm de gɛda wud, di papa dɛn de layt faya, ɛn di uman dɛn de miks flawa mek do, fɔ mek kek fɔ di kwin ɔf ɛvin, ɛn de tɔn drink na grɔn de mek sakrifays to ɔda gɔd dɛm, fɔ provok mi mek a a go vɛks.

Jɛrimaya 7:18 Referans Kwoze

Jɛrimaya 19:13

Di os dɛm na Jerusɛlɛm ɛn di kiŋ dɛm na Juda dɛn os dɛm –ɔl di os dɛn we dɛn bin dɔn bɔn insɛns na dɛn ruf, to di san, mun ɛn sta dɛm, ɛn dɔn tɔn drink ɔfrin dɛm to ɔda gɔd dɛm – da os de go dɔti na mi yay lɛk Tɔfɛt, lɛkɛ dis ples Tɔfɛt.’”

1 Kɔrint 10:22

Una want mek Gɔd vɛks pan una? Una tink se una traŋa pas am?

1 Kiŋ 14:9

Di kayn bad tin we i dɔn du nɔbɔdi nɔ wande du am bifo am. I grap go mek gɔd fɔ insɛf wit ayɛn. Sɛf i dɔn ambɔgin PAPA GƆD bad bad wan.

Jɛrimaya 32:29

Di Babilonian dɛm we de fɛt dis siti go kam sɛt faya pan am, ɛn bɔn am, wit di os dɛm we dɛn dɔn bɔn insɛns na dɛn ruf to Beal, ɛn dɛn dɔn mek drink ɔfrin to ɔda gɔd dɛm, fɔr provok mi mek a vɛks.

Jɛrimaya 25:7

PAPA GƆD se, pan ɔl dat, una nɔ lisin to mi, so dat una go provok mi mek a vɛks wit wetin una an de du to una yon dɛtrimɛnt.

Jɛrimaya 11:17

PAPA GƆD Ɔlmayti, we bin plant una, dɔn swɛ una, fɔseka di ivul tin we Izrɛl ɛn Juda dɔn du, we dɛn provok mi te a vɛks, we dɛn de bɔn insɛns to Beal.”

Ayzaya 3:8

Jerusɛlɛm dɔn bɔk in fut, ɛn Juda dɔn fɔdɔm; bikɔs di tin we dɛn de tɔk, ɛn di tin we dɛn de du, de agens PAPA GƆD, dɛn nɔ de rɛspɛkt di pawa pan in glori.

1 Kiŋ 16:2

“Tɛl Baasha se, a pul am na gɔta ɛn tɔn am to mɔtalman fɔ lid mi pipul Izrɛl, bɔt bifo dat na soso Jɛroboam in bad trik i falamakata ɛn mek mi pipul Izrɛl kɔmit sin we mek a vɛks bad bad wan pan dɛn.

Ditarɔnɔmi 32:21

Dɛn mek PAPA GƆD vɛks bikɔs dɛn de wɔship lay lay gɔd, dɛn mek i jɛlɔs bikɔs dɛn gɔd dɛn nɔto gɔd dɛn. So i go drɔ ɔda pipul dɛn we nɔ bɛtɛ kam nia am so dat Izrɛl go vɛks, dɛn go jɛlɔs.

Ditarɔnɔmi 32:16

Izrɛl mek PAPA GƆD jɛlɔs fɔ dɛn fɔrena dɛn gɔd dɛn, di bad bad tin dɛn we dɛn bin de du, mek i vɛks bad bad wan.

Ditarɔnɔmi 4:19

A advays dɛn igen se lɛ dɛn tek tɛm lɛ dɛn nɔ kɔle pan di san mun ɛn sta dɛn ɛn ɔl di ɔda tin dɛn we de ɔp na di skay te dɛn at kɔmɔt pan PAPA GƆD ɛn bigin wɔship dɛn. I se PAPA GƆD we na dɛn PAPA GƆD put dɛn ɔlsay na di wɔl fɔ ɔda pipul dɛn fɔ wɔship bɔt nɔto fɔ Izrɛl.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Jɛrimaya 44:25

Na dis PAPA GƆD Ɔlmayti we na Izrɛl dɛn Gɔd se: Una ɛn una wɛf dɛm dɔn tɔk wit una yon mɔt dɛn, ɛn una dɔn du am wit una yon an dɛm we una se, ‘Wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am.’ So una kip to una prɔmis ɛn du wetin una prɔmis!

Ayzaya 65:11

Bɔt una we dɔn fɔsek PAPA GƆD, we dɔn fɔgɛt mi oli mawten, we sɛt tebul fɔ Tumara Jɛntri ɛn ful kɔp dɛn wit dɛm miksɔp wayn fɔ Dɛstini;

Ayzaya 65:3

pipul dɛn we de provok mi bifo mi fes, ɔltɛm, de mek sakrifays na dɛn gadin dɛm ɛn de bɔn insɛns pantap blɔk;

Ayzaya 57:6

Na usay dɛn smut ston dɛn de na dɛn vali, una blant, na dɛm, yɛs na dɛm, na una lɔt; na to dɛn una dɔn mek drink ɔfrin to; una dɔn briŋ sid ɔfrin. Mi at go kol fɔ dɛn kayn tin dɛn ya?

Di Sam Dɛm 16:4

Dɛn wan dɛn we de fala ɔda gɔd dɛn, go de gɛt trɔbul mɔ ɛn mɔ. A nɔ go kɔl dɛn nem dɛn na mi mɔt ɛn a nɔ go tek pat pan dɛn sakrifays.

Jɛrimaya 7:17

Yu nɔ si wetin dɛn de du na di siti dɛn na Juda ɛn na di trit dɛn na Jerusɛlɛm?

Jɛrimaya 17:2

wɛn dɛn pikin dɛn de mɛmba dɛn ɔlta dɛm ɛn dɛn Asherim, we liŋ pan ɔl dɛn grin tik, ɛn de pantap di ay il dɛm,

Lamɛnteshɔn 5:13

Dɛn de fos yɔŋman dɛn fɔ gren na di mil ɛn dɛn lili bɔbɔ dɛn, ebi ebi wud fɔ tot.

Izikɛl 8:17

Nain i aks mi se, “Mɔtalman, yu dɔn si dis wande? I izi fɔ di pipul dɛn na Juda fɔ du dɛn kayn bad bad tin dɛn ya we dɛn de du na ya we a et, we mek dɛn mek fɛt fɛt rampant na di land, we go mek mi at wam. Luk, dɛn de put branch na dɛn nos.

Izikɛl 16:26

Una rare to dɛn Ijipshian dɛn, una neba dɛn we want uman ɔltɛm, we mek una de rare mɔ ɛn mɔ, we de mek a vɛks bad bad wan.

Jɛrimaya 1:16

Ɛn a go pas mi jɔjmɛnt agens dɛm, fɔ ɔl dɛn wikɛdnɛs we dɛn fɔseka mi; dɛn dɔn bɔn insɛns to dɛn ɔda gɔd dɛm, ɛn wɔship di tin dɛn we dɛn mek wit dɛn yon an.

Jɛrimaya 44:4

Pan ɔl dat, a bin de sɛn mi wokman dɛm we na di prɔfɛt dɛn to una ɔltɛm fɔ tɛl una se, ‘Ey, una nɔ du dis bad bad tin we a et bad bad wan!’

Izikɛl 8:16

Nain i bin briŋ mi kam na di kɔtyad we de insay PAPA GƆD in os; we go rich di domɔt na PAPA GƆD in os, we de bitwin di pɔch ɛn di ɔlta, usay bɔt sɔm twɛnti-fayv man we tɔn dɛn bak gi PAPA GƆD in os, de luk na di ist de wɔship di san.